Frjáls verslun - 01.11.2009, Blaðsíða 80

80 F R J Á L S V E R S L U N • 1 1 . T B L . 2 0 0 9
um áramótHvað segja þau ?
Guðmundur Ö. Guðmundsson, forstjóri VÍS
Hvað stóð upp úr hjá þínu
fyrirtæki á árinu þrátt fyrir
kreppuna?
Það sem helst stendur upp
úr er að okkur tókst að halda
sjó í rekstrinum á árinu og
enda réttum megin við núllið.
Jafnframt var VÍS valið eitt af
fyrirmyndarfyrirtækjum VR og
það er staðfesting á að starfs-
fólki VÍS líður vel í vinnunni.
Í hvaða úrbótum er fyrirtæki
þitt nú að vinna?
Við höfum verið með sérstakt
verkefni sem snýr að því að
auka handverk en draga um
leið úr kostnaði við varahluti
vegna bifreiðatjóna. Við sjáum
þegar mikinn árangur því að nú
er varahlutakostnaður einungis
um þriðjungur heildarkostnaðar
tjóna, en var áður um helmingur.
Hvernig metur þú stöðuna á
næsta ári?
Staða VÍS er góð, en ég hef
áhyggjur af gangverki atvinnulífs-
ins. Þá hefur ríkið tekið yfir fjöl-
mörg fyrirtæki sem hefur skekkt
mjög alla samkeppnistöðu. Það
er mjög brýnt að ríkið gæti jafn-
ræðis.
Hvaða lærdóm getum við
dregið af núverandi krísu?
Gangið hægt um gleðinnar dyr.
Það er helsti lærdómurinn að
mínu mati.
Er krónan búin að vera sem
gjaldmiðill? Ef svo er;
hve langt er í evruna?
Við verðum að vinna okkur úr
stöðunni í dag og krónan hentar
ágætlega í það. Hins vegar er
ljóst að krónan er ekki framtíðar-
gjaldmiðill Íslendinga. Krónan
hefur bæði kosti og galla.
Ef þú ættir að gefa forsætis-
ráðherra gott ráð, hvert yrði
það?
Einfalt skattkerfi. Ég óttast að
þessar skattahækkanir og breyt-
ingar á skattkerfinu muni draga
verulega úr neyslu sem síðan
mun hafa keðjuverkandi áhrif á
atvinnulífið. Þá held ég að það
sé kominn tími til að hætta að
tala um lausnir og byrja að fram-
kvæma.
Hvað var minnisstæðast hjá
sjálfum þér á árinu?
Það sem stendur upp úr var án
efa frábær ferð sem ég fór með
konunni minni í sumar um
Vestfirði. Náttúrufegurðin þar er
með eindæmum.
Kominn tími til að hætta að tala
um lausnir og byrja að framkvæma