Frjáls verslun - 01.11.2009, Blaðsíða 81

um áramótHvað segja þau ?
F R J Á L S V E R S L U N • 1 1 . T B L . 2 0 0 9 81
Lárus Ásgeirsson, forstjóri Sjóvá
Ár mikilla breytinga hjá mér
Hvað stóð upp úr hjá þínu fyrirtæki á
árinu þrátt fyrir kreppuna?
Miklar breytingar í eignarhaldi, stofnun nýs
félags og yfirfærsla á vátryggingastofni,
frábær frammistaða starfsfólks í miklu
umróti og síðast en ekki síst mikil holl-
usta viðskiptavina Sjóvár við félagið.

Í hvaða úrbótum er fyrirtæki þitt nú að
vinna?
Aðlaga félagið að breyttum tímum á
vátryggingamarkaði, sýna aðhald í rekstri,
auka nálægð og þjónustu við viðskipta-
vini. Tryggingafélög eru að hverfa aftur til
hefðbundins tryggingareksturs eftir tímabil
mikilla umsvifa í fjárfestingum.

Hvernig metur þú stöðuna á næsta ári?
Það versta er vonandi að baki. Næsta ár
er tími endurskipulagningar rekstrar og
upphafið á nýju hagvaxtarskeiði þar sem
útflutningsfyrirtækin munu búa við hag-
stæðasta umhverfi í sögunni. Tími lítilla
og meðalstórra fyrirtækja er kominn og nú
verða allar hendur að fara á dekk til að
skapa atvinnu og gjaldeyri.

Hvaða lærdóm getum við dregið af
núverandi krísu?
Ranghugmyndir um gengi krónunnar og
handstýring hennar til styrkingar t.d. með
stýrivöxtum Seðlabankans með mjög alvar-
legum afleiðingum. Regluverk í kringum fjár-
málafyrirtæki var veikt og þarf að styrkjast.
Áhættustýring bankanna þarf að styrkjast og
vera fagleg.

Er krónan búin að vera sem gjald-
miðill? Ef svo er; hve langt er í evruna?
Mjög veik eða veik íslensk króna næstu
þrjú til fjögur árin mun koma okkur á beinu
brautina. Þegar krónan er komin í jafnvægi
verðum við að skipta yfir í aðra mynt sem
tryggir stöðugleika til framtíðar.

Ef þú ættir að gefa forsætisráðherra
gott ráð, hvert yrði það?
Það er bara ein leið út úr vandanum og
það er að vinna okkur út úr honum hörðum
höndum. Að horfa til lítilla og meðastórra
fyrirtækja sem eru 99% af öllum fyrir-
tækjum. Þar er gróskan mest og flest störf
verða í boði. Brýna, hvetja og auðvelda fyr-
irtækjum að afla erlendra markaða og beina
öllum kröftum sem til er hjá ríkisstofnunum
til að styðja útflutning.

Hvað var minnisstæðast hjá sjálfum
þér á árinu
Árið var ár mikilla breytinga hjá mér. Ég
hætti hjá Marel eftir 19 frábær ár, flutti frá
danmörku eftir þriggja ára búsetu og hóf
störf hjá Sjóvá og kynntist þar öðrum við-
skiptaheimi og mjög samhentum, metnaðar-
fullum og faglegum hópi.
Ásmundur Stefánsson. „Verðbólga verður að lækka og vextir og ég hef trú á að það gerist á
næstu mánuðum.“