Frjáls verslun - 01.11.2009, Blaðsíða 39

F R J Á L S V E R S L U N • 1 1 . T B L . 2 0 0 9 39
þáttum, eins því hve menn hafa veitt víða,
hvernig þeir kasta, hve stóra fiska fengið, hve
marga misst og margt fleira mætti nefna.
Ég hef einnig mjög gaman af að nostra við
garðinn minn heima og er búinn að gera hann
allan upp. Við Björk höfum meira að segja
fengið verðlaun fyrir hann sem við erum mjög
stolt af. Mér þykir það bæði róa og hreinsa
hugann að róta í moldinni og hef gaman að
því að horfa á gróðurinn vaxa og dafna.“
Sveinn er í stjórn Þallar, sem er félag innan
vébanda Skógræktarfélags Hafnarfjarðar, og er
afar stoltur af glæsilegu útivistarsvæði félags-
ins.
Verslunarstarfið gefandi
„Fjarðarkaup eru stöndugt fyrirtæki í dag og
það fer mikill tími í að sinna rekstrinum. Mér
finnst kaupmannsstarfið mjög skemmtilegt
og gefandi og ég tel mig hafa verið mjög
heppinn að hafa fundið mig í því strax sem
ungur maður. Satt best að segja hefur mig
aldrei langað að gera neitt annað,“ segir
Sveinn Sigurbergsson að lokum.
síminn hjá mér. Hvar lagðirðu bílnum
mínum, hann er ekki hér á planinu? Ég
lagði honum í innkeyrsluna heima hjá þér,
það tekur þig aðeins um 30 mínútur að
ná í hann, sagði ég. síðan þá hefur hann
ekki kvartað aftur um höfuðverk en af og
til gengið heim úr vinnunni. Við erum vinir
ennþá.“
Hálfdan
Karlsson
„Ég hef þekkt
svenna frá því
í kringum 1973
þegar hann byrj-
aði að leika golf
í Golfklúbbnum
Keili, en ég hafði
þá þegar verið
í Keili í fimm ár og hefur vinátta okkar
staðið traust ávallt síðan. svenni byrjaði
þó að sveifla kylfunni nokkru fyrr heima
á túni með vinum sínum í götunni, með
kylfum sem sigurbergur pabbi hans átti,
en hann var einmitt einn af frumkvöðlum
og stofnandi Golfklúbbsins Keilis árið
1967. svenni var fljótur að ná árangri í
golfinu og lækkaði sig hratt í forgjöf og tók
til við að vinna okkur hina. á örskömmum
tíma var hann kominn í unglingalandsliðið
og síðan í karlalandsliðið, þar sem hann
lék fyrir hönd Íslands í mörg ár. Auk þess
að keppa saman í golfi höfum við svenni
verið saman í stjórn Keilis nánast óslitið
frá því árið 1989 og einnig leiddum við
afreksmál Golfsambands Íslands fyrir
nokkrum árum.
En hvað var sérstaklega spunnið í
þennan dreng sem gerði hann svona
góðan í golfi ... og reyndar í öllu sem hann
hefur tekið sér fyrir hendur? Jú, þegar
ég lít yfir þau bráðum 40 ár sem vin-
átta okkar spannar, þá greini ég ákveðið
mynstur eða uppskrift í fari hans sem
framkallað hefur þennan árangur: svenni
hefur alltaf verið mjög iðinn við að sjá og
æfa smáu atriðin og gera þau vel – ef
þú ert natinn og gerir litlu hlutina vel þá
má vænta að samtals verði útkoman
góð. svenni var augljóslega alinn upp við
þessi gildi af foreldrum sínum, sigurbergi
sveinssyni og ingibjörgu Gísladóttur, því öll
fjölskyldan endurspeglar þessa jákvæðu
og árangursríku nálgun á viðfangsefni lífs-
ins, sem fólk sér svo vel og upplifir þegar
það staldrar við í fjölskyldufyrirtækinu
Fjarðarkaupum.
Í golfinu var svenni alltaf iðinn við að
æfa stutta spilið, vippa og pútta, hvort
sem það var úti á æfingasvæði eða heima
í garði. Þó löngu höggin skili sér ekki alltaf
vel, þá verður skorið nefnilega aldrei lélegt
ef þú vippar reglulega upp að stöng og
ein-púttar. Þarna hefur hann verið betri en
flestir og samtals mjög góður í golfi alla
tíð. svenni er líka mikill áhugamaður um
fluguveiði, en þar má sjá sama mynstrið
með smáu atriðin: nostur við flugurnar,
kastæfingar heima á túni, endalausan
áhuga á að bæta litlu hreyfingarnar til að
einfalda og um leið efla kasthæfni – fisk-
urinn er aukaatriði, en hann bara skilar
sér sjálfkrafa þegar kunnáttumaður heldur
á stöng. Og allt gerist þetta í rólegheitum,
eitt skref í einu, enginn asi eða hama-
gangur, en samtals mjög gott. Í umgengni
við annað fólk kemur sama umhyggja
fram, jákvæð og uppbyggjandi ræktun á
vinskap og gjarnan kemur svenni færandi
hendi með eitthvað til að gleðja vini sína
og aðra er þeim tengjast.
Þessi sama jákvæða nálgun á lífið
hefur skilað svenna frábærum árangri í
hans eigin fjölskyldu: Hann hefur átt sömu
yndislegu konuna, Björk Pétursdóttur, frá
því að hann var 17 ára og með sömu lífs-
gildi hafa börnin hans náð góðum árangri.
ingibjörg skrifstofustjóri í Háskólanum í
reykjavík, sigurbergur stórskytta í Haukum
og landsliðsmaður í handbolta, Benedikt
afrekskylfingur og Telma sem er yngst. Auk
þess á hann tvö afabörn, sex og þriggja
ára.
síðan þegar við hittumst eða heyrumst
í síma og ég spyr svenna hvernig hann
hafi það, þá svarar hann gjarnan: „ ...jaa-
aááá, svona samtals, þá er þetta bara
alveg mjög fínt.“
Hálfdan Karlsson.
Ég hef verið hér í fullu
starfi í 32 ár og hefur
í raun aldrei langað
að gera neitt annað
enda eru fjarðarkaup
mínar ær og kýr.