Frjáls verslun - 01.11.2009, Blaðsíða 100

100 F R J Á L S V E R S L U N • 1 1 . T B L . 2 0 0 9
í nóvember 1985 sýndi breska sjónvarpsstöðin BBC fyrsta þáttinn í sex þátta sjónvarpsseríu sem nefndist Edge of Darkness. Það er skemmst frá því að segja að serían sló eftirminnilega í gegn og fékk sex verðlaun af ellefu tilnefningum þegar BAFTA-
verðlaunin fyrir sjónvarp voru afhent árið eftir. Edge of Darkness
fjallaði um rannsóknarlögreglumanninn Ronald Craven, sem verður
fyrir þeirri erfiðu lífsreynslu að verða vitni að því þegar dóttir hans er
myrt kvöld eitt þegar þau eru að koma af ráðstefnu um loftslagsmál,
en atburðurinn gerist við húsdyrnar hjá þeim. Rannsókn málsins
snýst fyrst um að Ronald hafi átt að vera skotmarkið enda búinn að
koma mörgum glæpamönnum í fangelsi. Þegar Ronald fer í gegnum
eigur dóttur sinnar og finnur þar ýmislegt sem ekki á að vera í hennar
eigu, fer hann að gruna að skotmarkið hafi verið dóttirin og hefur
leit að morðingjanum í röðum hryðjuverkamanna. Sú rannsókn fer
ekki framhjá hátt settum mönnum í pólitík sem hafa ýmislegt að fela.
Til þess að fá hann til að hætta rannsókninni er honum tilkynnt að
dóttir hans hafi verið hryðjuverkamaður, en því
trúir hann ekki. Þættirnir fjalla síðan um hvernig
Ronald Craven þvælist inn í ýmis viðkvæm mál,
auk þess sér hann svip dóttur sinnar í tíma og
ótíma sem ekki auðveldar honum rannsóknina.
Þrátt fyrir vinsældir og fína gagnrýni var ekkert
framhald gert, enda óvíst í lokin hvort Ronald
Craven væri lífs eða liðinn.
Leikstjóri sjónvarpsseríunnar var Martin
Campbell, sem þegar hafði mikla reynslu í
leikstjórn sjónvarpsefnis fyrir BBC. Vinsældir
og gæði Edge of Darkness gerðu það að verkum
að hann fór meira í að leikstýra kvikmyndum og
meðal afreka hans á þeim vettvangi eru tvær James Bond kvikmyndir,
GoldenEye (1995) og Casino Royale (2006) og Zorro-myndirnar tvær,
The Mask of Zorro (1998) og Legend of Zorro (2005).
Endurgerð í Hollywood
Martin Campbell hefur lengi haft áhuga á að endurgera Edge of
Darkness í formi kvikmyndar og fyrir sex árum síðan sagði hann að
framkvæmdin væri komin vel á veg. En eins og verða vill í þessum
bransa voru ljón í veginum sem ollu því að það var ekki fyrr en 2007
sem farið var að undirbúa gerð kvikmyndarinnar, en hún heitir sama
nafni og sjónvarpsserían. Campbell og framleiðandinn Graham King
fengu William Monahan til að skrifa handritið upp úr upprunalegu
handriti Troy Kennedy Martins, sem lést fyrr á þessu ári. Monahan
reyndist góður kostur þar sem um sama leyti og hann hófst handa
við Edge of Darkness fékk hann óskarsverðlaunin fyrir handritið að
The Departed.
Sögusviðið hefur verið flutt frá London til
Boston og nafni aðalpersónunnar breytt úr Ronald
Craven í Thomas Craven og MI5 er orðið að CIA.
Að öðru leyti er stuðst við upprunalegt handrit.
Áhrif loftslagsbreytinga og orka unnin úr kjarnorku
er brennidepillinn og hryðjuverkastarfsemi samfara
spillingu í pólitík er ekki langt undan, auk þess
sem dótturmissirinn er sem fyrr afgerandi þáttur í
atburðarásinni. Efast ég samt um að endirinn verði
jafnóljós og í bresku seríunni.
Í sjónvarpsseríunni hafði breski leikarinn Bob
Peck leikið aðalhlutverkið en hann lést 1999.
Campbell leitaði til Mel Gibsons um að taka
Kvik myndir
Bresk sjónvarpsklassík
endurgerð í Hollywood
með Mel Gibson í
aðalhlutverki, en hann
hefur ekki leikið í kvikmynd
í sex ár, aðallega vegna
hneykslismála í einkalífinu
í leit að dótturmorðingja
TEXTI:
HILMAR KARLSSON
EDGE OF DARKNESS:
Thomas Craven (Mel Gibson) krýpur við lík dóttur sinnar sem myrt var að honum ásjáandi.
Bob Peck í hlutverki Ronalds
Cravens í sjónvarpsseríunni Edge
of Darkness, frá árinu 1985.