Frjáls verslun - 01.11.2009, Blaðsíða 73

um áramótHvað segja þau ?
F R J Á L S V E R S L U N • 1 1 . T B L . 2 0 0 9 73
Hvað stóð upp úr hjá þínu fyrirtæki á
árinu þrátt fyrir kreppuna?
Hversu fljótt við brugðumst við og hversu
fljótt var hægt að breyta fyrirtækjum sem
hafa ekki þekkt neitt annað en vöxt síð-
ustu árin. Það sýnir gæði fyrirtækja Primera
hversu fljót þau voru að ná árangri í nýjum
aðstæðum.
Í hvaða úrbótum er fyrirtæki þitt nú að
vinna?
Það eru stöðugar breytingar og endurmat
á stöðunni í hverju landi. Við byggjum á því
að hafa mikinn sveigjanleika í rekstri og
það er lykill að árangri nú og til framtíðar. Í
Skandinavíu erum við byrjuð að byggja upp
aftur og auka, annars staðar þarf að byrja
nánast frá byrjun aftur.
Hvernig metur þú stöðuna á næsta ári?
Næsta ár verður mjög krefjandi. Ég held að
margir haldi að stormurinn sé búinn en ég
tel að það séu sviptingar fram undan. Nú
erum við hins vegar með réttan grunn til að
takast á við það og því fylgja tækifæri.
Hvaða lærdóm getum við dregið af
núverandi krísu?
Græðgi er ekki góð. Það skiptast á skin og
skúrir í lífinu og það er skortur á raunsæi að
ætla eitthvað annað.
Er krónan búin að vera sem gjald-
miðill? Ef svo er; hve langt er í evruna?
Já, ég sé enga ástæðu til að halda í krón-
una, hún gerir okkur meira slæmt en gott.
Það átti að vera búið að skipta henni út
fyrir ári síðan og taka einhliða upp annan
gjaldmiðil. Ísland á við leiðtogavandamál að
stríða.
Ef þú ættir að gefa forsætisráðherra
gott ráð, hvert yrði það?
Ekki láta annað ár fara til spillis án aðgerða.
Hvað var minnisstæðast hjá sjálfum
þér á árinu?
Að hafa siglt í gegnum storminn;
þetta hefur verið krefjandi nám-
skeið. Nú er gott að vera byrjaður
að byggja upp að nýju sem er auð-
vitað miklu áhugaverðara en að
skera niður þótt það hafi verið nauð-
synlegt.
Andri Már Ingólfsson, forstjóri Primera Group
Siglt í gegnum storminn
Andri Már Ingólfsson.
„Nú er gott að vera byrj-
aður að byggja upp að
nýju sem er auðvitað
miklu áhugaverðara en
að skera niður þótt það
hafi verið nauðsynlegt.“