Frjáls verslun - 01.11.2009, Blaðsíða 56
50 græjurnarBestu
56 F R J Á L S V E R S L U N • 1 1 . T B L . 2 0 0 9
27. AlIenwAre M15X
Fartölva (grunnverð sennilega frá 315.000 kr., www.alienware.
com). Core i7 örgjörvinn tryggir að M15x tölvuleikjafartölvan er
jafnöflug og fyrirrennarinn, M17x. Munurinn er hins vegar að sú
fyrrnefnda er mun léttari og meðfærilegri.
28. SeeSMIc deSktop
tengslanetshugbúnaður (ókeypis, www.seesmic.com). Facebook
og Twitter eru orðin svo yfirgripsmikil að það þarf gott forrit til
að halda utan um bæði á einfaldan hátt – og þar kemur Seesmic
Desktop til skjalanna. Þetta forrit sameinar þetta tvennt í ein
notendaskil sem birta „tíst“ og stöðuuppfærslur vina í einum
stöðugum straumi.
29. AvIrA AntIvIr perSonAl
Öryggishugbúnaður (ókeypis, www.free-av.com). Þetta var besti
ókeypis veiruvarnarbúnaðurinn í prófunum PC World á þessu
ári. Hann fann 98,8% allra tölvuveira, sem var hæsta hlutfall hjá
ókeypis veiruvarnarbúnaði á árinu, en þar að auki tók skönnunin
stystan tíma allra forrita í þessum flokki.
30. 3M Mpro120
stafrænn skjávarpi (verð sennilega um 70.000 kr., www.3m.com/
mpro). Einn besti smáskjávarpi sem fáanlegur er á markaðnum um
þessar mundir. Fín myndgæði, 12 lúmena birta, 20.000-klst ending
á LED-ljósgjafa, 2-4 tíma rafhlöðuending og stereóhátalarar.
31. twItpIc
Mynddeilingarhugbúnaður (ókeypis, www.twitpic.com). Twitpic
er gríðargott tól til að birta ljósmyndir á Twitter. Þar sem Twitter
er í eðli sínu bara texti og tenglar gerir þessi einfalda myndaviðbót
Twitter-notkunina umtalsvert líflegri.
32. QIk.coM
Vídeóvefur (ókeypis, www.qik.com). Qik er vefþjónusta sem gerir
notendum kleift að taka upp myndefni með farsíma eða svipuðu
tæki og láta það streyma beint til vina í gegnum vef Qik.com.
Þannig getur Qik veitt fjarstöddum innsýn í mikilvæg augnablik í
beinni útsendingu.
33. cAnon powerShot G11
stafræn myndavél (129.914 kr. hjá www.netverslun.is). Powershot
G11 er fullvaxin myndavél fyrir þá sem eiga þegar stafræna SLR-
myndavél en eru að leita að öflugum og meðfærilegri valkosti – eða
fyrir þá sem eru að stíga fyrstu skrefin í áhugaljósmyndun og vilja
læra að nota flóknari stillingar.
34. cAnon leGrIA hf S10
stafræn vídeótökuvél (239.900 kr. hjá www.netverslun.is). Þessi
vídeótökuvél skilar skýrum og björtum 1080p vídeómyndum og
8,6 megapixla kyrrmyndum. Mjög öflug handstilling gerir þetta að
góðum valkosti fyrir þá sem vilja hafa sem mesta stjórn á hlutunum.
35. MoZIllA fIrefoX 3.5
Vafri (ókeypis. www.firefox.com). Nýjasta útgáfa Firefox var miklu
hraðvirkari en fyrri útgáfan í prófunum PC World og reyndist sú
næsthraðvirkasta af öllum vöfrum – einungis Google Chrome sló
honum við í hraðaprófunum. Firefox er hins vegar með fullt af
flottum eiginleikum sem gera þetta að besta vafranum sem í boði er.
36. clIckfree trAveler
Geymslumiðill, (Verð sennilegast frá 15.000, www.clickfree.com).
Þessi handhægu minnistæki eru einungis á stærð við greiðslukort,
en geta engu að síður geymt allt frá 16 og upp í 64 GB af gögnum.
Einfaldur öryggisafritunarhugbúnaður fylgir.
37. hp offIcejet 6500 wIreleSS
Fjölnotaprentari (61.541 kr. hjá www.ok.is). Fyrirferðarlítill fjölnota-
prentari en þó troðfullur af eiginleikum. Hér er fullkomið jafnvægi
milli afkastagetu, einfaldleika í notkun og nytsamlegra eiginleika –
góður kostur fyrir smærri skrifstofur með hefðbundnar þarfir.
38. novA developMent pArAllelS deSktop
sýndarhugbúnaður (u.þ.b. 10.000 kr., www.novadevelopment.
com). Þurfið þið að keyra Windows-forrit á Makkanum eða Linux-
tölvunni? Eða öfugt? Þá er Parallels-hugbúnaðurinn sá rétti fyrir
ykkur, með fjölmörgum eiginleikum sem gera það einstaklega einfalt
að skipta milli stýrikerfa á sömu tölvunni.
27. Alienware-tölvurnar eru
eitursvalar og M15x er engin
undantekning.
37. Officejet 6500
Wireless frá HP er eini
prentarinn sem kemst
á topp 50 þetta árið.
30. MPro120 skjávarpinn er
smár – en knár.
34. Canon Legria
HF S10 er flott fyrir
heimavídeóin.