Frjáls verslun - 01.04.2005, Blaðsíða 28

28 F R J Á L S V E R S L U N • 4 . T B L . 2 0 0 5
Jón Ásgeir Jóhannesson er
hástökkvari.
30. apríl
Jón Ásgeir er
hástökkvari
Það er ekki oft sem Jón Ásgeir
Jóhannesson, forstjóri Baugs,
er flokkaður sem hástökkvari.
Hann var það þó þegar breska
fagtímaritið Retail Week sagði
hann fjórða áhrifamesta kaup-
sýslumanninn í breskri smásölu.
Tímaritið valdi 50 áhrifamestu
einstaklingana í breskri smá-
sölu árinu 2005 í grein sinni.
Jón Ásgeir var nýr á listanum
og fyrir vikið var haft á orði að
hann væri hástökkvari listans.
Efst á listanum trónir hinsvegar
Terry Leahy, forstjóri Tesco, í
öðru sæti er kaupsýslumaðurinn
Philip Green og í þriðja sæti er
Stuart Rose, forstjóri Marks &
Spencer.
2. maí
Fjórföld eftirspurn
í Mosaic Fashions
Þennan dag var tilkynnt að
breska verslanakeðjan Mosaic
Fashions, sem á og rekur kven-
fataverslanirnar Oasis, Coast,
Karen Millen og Whistles,
undirbyggi skráningu í Kauphöll
Íslands í ljósi þess að nýtt
hlutafé fyrir 4,8 milljarða króna
verði boðið íslenskum aðilum
til sölu. Fljótlega kom í ljós að
mikil eftirspurn var eftir bréfum í
félaginu og óskuðu fagfjárfestar
eftir að kaupa rúmlega fjórfalt
fleiri hluti en í boði var til fagfjár-
festa. Útboð til almennings hefst
6. júní nk. og er búist við að það
gangi að óskum líka.
Mosaic Fashions er í meiri-
hlutaeigu Baugs og Kaupþings
banka, en er engu að síður
erlent. Það verður fyrsta
erlenda félagið sem skráð er í
Kauphöllinni. Það varð til í fyrra
með sameiningu Karen Millen
og Oasis. Verslanir félagsins eru
600 talsins, flestar á Bretlandi
og Írlandi. Um áramótin voru
starfsmenn þess um 5.400.
Baugur Group á nú um 40% í
félaginu og Kaupþing á 11,2%.
Mosaic Fashions þótti ekki
nógu stórt til að fara á markað
í Bretlandi og fékk Jón Ásgeir
Jóhannesson þá hugmynd að
skrá það í Kauphöll Íslands og
bjóða hlutafé út á Íslandi.
3. maí
28% ánægð
með störf Halldórs
Það hefur fjarað undan vin-
sældum Halldórs Ásgrímssonar
forsætisráðherra jafnt og þétt.
Samkvæmt Þjóðarpúlsi Gallup,
sem birtur var þennan dag, sögð-
ust einungis 28% ánægð með
störf Halldórs Ásgrímssonar for-
sætisráðherra og hefur ánægja
með störf hans minnkað jafnt
og þétt frá árinu 1998. Það ár
voru tæplega 67% ánægð með
störf hans og hefur sjaldan eða
aldrei mælst svo mikil ánægja
með störf ráðherra. Af ráðherrum
Framsóknarflokksins nýtur Jón
Kristjánsson heilbrigðisráðherra
sem fyrr mestrar hylli á meðal
ráðherra Framsóknarflokksins og
eru 49% aðspurðra ánægð með
störf hans.
Þorgerður Katrín Gunnars-
dóttir menntamálaráð-
herra er vinsælasti ráðherra
Sjálfstæðisflokksins og raunar
vinsælasti ráðherrann í stjórn-
inni. Yfir 50% sögðust ánægð
með störf hennar. Næstir koma
Davíð Oddsson utanríkisráðherra
og Geir H. Haarde fjármálaráð-
herra, báðir með tæp 49%.
3. maí
Margrét til
Austurbakka
Margrét
Guðmundsdóttir
hefur verið
ráðin fram-
kvæmdastjóri
Austurbakka
í framhaldi af
kaupum Atorku
á rúmlega 63%
hlutafjár í félaginu. Samhliða
D A G B Ó K I N
TEXTI: JÓN G. HAUKSSON • MYNDIR: GEIR ÓLAFSSON o.fl.
Mosaic Fashions rekur kvenfataverslanirnar Oasis, Coast, Karen
Millen og Whistles.
Halldór
Ásgrímsson.
Þorgerður Katrín
Gunnarsdóttir.
Margrét
Guðmunds-
dóttir.