Frjáls verslun - 01.04.2005, Blaðsíða 26

FORSÍÐUGREIN
26 F R J Á L S V E R S L U N • 4 . T B L . 2 0 0 5
„Okkur þótti vissulega vænt um þá viðurkenningu og hún
hvatti okkur til frekari dáða,“ segir Ívar og bætir kíminn við: „Þessi
viðurkenning hefur reyndar ekki verið veitt síðan.“
- Stefnið þið á frekari hótelumsvif?
„Við höfum verið í hægri en stöðugri
sókn síðustu fimm ár og við höfum vissulega
áhuga á að fjölga hótelum en ekki síður að
koma að rekstri annarra hótela með þjónustu-
samningum, þ.e. að taka þau inn í okkar
sölu- og bókunarkerfi. Það er ekki síst í
Reykjavík sem við horfum til framtíðar enda
ferðamannastraumurinn þar stöðugri allan
ársins hring, en við erum líka með augun á
landsbyggðinni,“ segir Páll Lárus.
- Verða aldrei árekstrar um stefnumótunina þegar eigendurnir
eru svona margir?
„Það er afar sjaldan. Þetta er einstakt teymi. Við erum í þessu
af lífi og sál, við erum ekki bara fjárfestar og þetta er ekki bara
vinnan okkar, heldur líka áhugamál,“ segir Hlynur. Páll Sigurþór
bætir við: „Það er einn af styrkleikum fyrirtækisins að vera með
starfandi eigendur, þetta er fyrirtæki með sál. Hver og einn hefur
ennfremur vel afmarkað verksvið innan fyrirtækisins þannig að það
kemur sjaldan til árekstra.“
Um hve stór eignarhlutur hvers og eins í fyrirtækinu er vilja
þeir ekki tjá sig. „Hann er mismikill. Enda komu
menn á misjöfnum tíma inn í fyrirtækið og við
höfum aldrei verið að flíka hlut hvers og eins,“
segir Hlynur. „Við höfum það fyrir fastan sið að
hittast einu sinni í viku þar sem við förum yfir
reksturinn í hverri og einni deild, hvað þar er að
gerast, hvernig hefur gengið og hvað sé á döfinni.
Á þessum fundum eru allar stærri ákvarðanir
ræddar og teknar og það koma allir jafnt að
ákvarðanatöku án tillits til eignarhluta.“
Það er vissulega margt sérstakt við samstarf
fimmmenninganna. Það leynir sér ekki að þeir eru
góðir vinir og félagar, það er stutt í kímnina og hláturinn. Framundan
eru spennandi tímar. Norðlensku spútníkarnir í hótelgeiranum
eru með báða fætur á jörðinni þrátt fyrir að hafa hertekið, með
góðfúslegu leyfi, hótel hótelanna í sjálfri höfuðborginni. Innrásin er
engin leiftursókn. Herinn virðist vel útbúinn til þess að sækja enn
frekar fram.
Styrkur Keahótela og
annarra fyrirtækja
Eignarhaldsfélagsins felst
ekki síst í öflugu tölvuveri
sem hýst er í fyrirtækinu
sjálfu og tölvuþekkingu
innan fyrirtækisins.
Þú finnur það á sumrin í garðinum heima hvað það er gott að hafa trausta undirstöðu.
Vínarsteinn er vinsæll hjá þeim sem vilja ná fram náttúrulegum áhrifum, t.d. í görðum og
göngustígum. Fjölbreytt lögun og mynstur opnar þér endalausa möguleika.
Komdu og skoðaðu úrvalið í Fornalundi og pantaðu nýja og glæsilega handbók í síma 800
5050 eða á www.bmvalla.is.
Fornalundur 110 Reykjavík : 585 5050 Suðurhrauni 6 210 Garðabæ : 585 5080 V/Súluveg 600 Akureyri : 460 2200 Ægisgötu 6 730 Reyðarfirði : 477 2050 Höfðaseli 4 300 Akranes : 433 5600