Frjáls verslun - 01.04.2005, Blaðsíða 52
52 F R J Á L S V E R S L U N • 4 . T B L . 2 0 0 5
G
unnar Einarsson segist ekki hafa
neinar gagngerar breytingar í huga á
fyrstu dögum sínum sem bæjarstjóri
Garðabæjar. Hann segir þó óhjá-
kvæmilegt að stíllinn breytist með nýjum
manni. „Núna á fyrstu dögunum finnst mér
mikilvægast að kynna mér vel öll þau mál
sem liggja á borði bæjarstjóra og síðan
verður bara að koma í ljós með hvaða hætti
ég nálgast þau. Það er náttúrlega hlutverk
mitt sem framkvæmdastjóra sveitarfélagsins
að framfylgja ákveðinni stefnu sem þegar
hefur verið mótuð.“ Hann segir rekstur bæjar-
ins traustan þó svo að álögur á bæjarbúa séu
lægri en víðast hvar annars staðar.
Gunnar tók við embætti bæjarstjóra í
Garðabæ af Ásdísi Höllu Bragadóttur þann
24. maí síðastliðinn, daginn fyrir fimmtugs-
afmælið sitt. Hann hefur starfað hartnær
hálfa ævina fyrir Garðabæ, eða frá því að
hann var ráðinn æskulýðs- og íþróttafulltrúi
bæjarins aðeins 26 ára að aldri. Hann segist
þó með reglulegu millibili hafa fengið leyfi
frá störfum til að ná sér í menntun.
Gunnar er með kennarapróf í íþróttum
og heilsufræði, meistarapróf í stjórnun og
hefur einnig numið opinbera stjórnsýslu.
Síðastliðin tíu ár hefur hann starfað sem
forstöðumaður fræðslu- og menningarsviðs
Garðabæjar og undanfarin þrjú ár hefur
hann samhliða starfi verið í doktorsnámi
við Redding University í stjórnun mennta-
mála. „Ég er að skoða það með mínum
leiðbeinanda úti í Bretlandi hvernig hægt er
sinna bæjarstjórastarfinu án þess að þurfa
að hætta í námi. Það er greinilegt að ég verð
að hægja aðeins á en ég er kominn nokkuð
langt með þetta og því spurning hvernig
framhaldið verður.“
Í Garðabæ búa núna rúmlega 9.000
manns og fjölgar ört. „Mig minnir að árið
2012 sé gert ráð fyrir 14.000 manna samfé-
lagi í bænum og miðað við áætlanir fram
til ársins 2024 verða íbúar orðnir um rúm-
lega 20.000,“ segir Gunnar og bætir því
við að á næstu árum stefni fólksfjölgun á
höfuðborgarsvæðinu í að verða hvað mest
í Garðabæ. Bærinn á enn töluvert af bygg-
ingarlandi og nefnir Gunnar sem dæmi um
fyrirhugaða fólksfjölgun að Garðaholtið eitt
rúmi yfir 8.000 íbúa.
„Hér á árum áður var það stefnan að
reisa ekki fleiri en 50 íbúðir á ári, en síðustu
árin hefur íbúðum fjölgað verulega. Í Sjá-
landshverfinu eru til dæmis um 760 íbúðir
og Akrahverfið er um 400 íbúðir þannig að
uppbyggingin er mjög hröð. Það eru spenn-
andi tímar fram undan, að skipuleggja þetta
allt án þess að lífsgæði skerðist.“
Garðabær miðsvæðis
Gert er ráð fyrir að IKEA opni verslun í
Kauptúni í Urriðaholti í ágúst á næsta ári
og Gunnar segir áhuga fyrirtækja á stað-
setningu í Garðabæ vera að aukast í takt
við þróun bæjarins. „Það eru stöðugt í gangi
einhverjar hugmyndir og aðilar að þreifa
fyrir sér með land og annað. Bærinn er mið-
svæðis og aðgangur út á Reykjanesbrautina
og þess vegna á flugvöllinn er greiður. Fyrir-
tæki, sem eru til dæmis í Molduhrauni, sáu
fyrir þessa þróun byggðar hér á árum áður
og eru með lykilstaðsetningu núna.“
Sjálfur treystir Gunnar sér þó ekki til
að spá fyrir um þróun bæjarins meira en
20 ár fram í tímann. Hann telur ólíklegt að
skortur á landi eigi eftir að standa bænum
fyrir þrifum því möguleikar til landkaupa
geti skapast auk þess sem hægt sé að skipu-
leggja ný svæði og þétta byggð ef svo ber
undir. Hann leggur enn fremur áherslu á að
bærinn sé langt frá því að vera í landnauð en
segir sjálfsagt að skoða alla möguleika.
Gunnar sér engan sérstakan ávinning í
því að Garðabær sameinist Reykjavík eða
öðrum sveitarfélögum eins og staðan er
í dag. „Það er auðvitað erfitt að spá fyrir
um landslag í þessum málum eftir 50 ár til
dæmis. Það hefur stundum verið talað um
Álftanesið í þessu samhengi og það var nú
reyndar einhvern tíma kosið um það en við
höfum ekki verið að sækja það neitt sérstak-
lega. Við erum bara í góðum málum eins og
við erum.“
Hann segir samstarfið við nágrannasveitar-
félögin ganga með ágætum og að mikil
samvinna sé á milli bæjarfélaga í skipulags-
málum. Líkt og Gunnar Birgisson sér hann
fyrir sér að höfuðborgarsvæðið þróist til
suðurs. „ Einhver sagði nú að allar borgir
þróuðust í suður. Ég sé miðju höfuðborgar-
svæðisins færast nær Garðabæ. Bærinn
liggur mjög miðsvæðis, auk þess að eiga
mikla möguleika á stækkun. Ég sé ekkert
nema bara góða þróun í þessum efnum.“
S V E I T A R S T J Ó R N A R M Á L
GUNNAR EINARSSON
„Einhver sagði nú að allar
borgir þróuðust í suður. Ég sé
miðju höfuðborgarsvæðisins
færast nær Garðabæ. Bærinn
liggur mjög miðsvæðis, auk
þess að eiga mikla möguleika
á stækkun.“
– Gunnar Einarsson,
bæjarstjóri Garðabæjar.