Frjáls verslun - 01.04.2005, Blaðsíða 37

F R J Á L S V E R S L U N • 4 . T B L . 2 0 0 5 37
E
inar Bárðarson hefur verið einn
áhrifamesti maðurinn í íslensku
tónlistarlífi síðustu árin. Fyrirtæki
hans, Concert ehf., hefur á síðustu
þremur árum verið í örum vexti og er nú
einn stærsti tónleikahaldari landsins og
án efa öflugasta umboðsskrifstofan. Árið
í ár verður það umsvifamesta í sögu fyrir-
tækisins og þegar því lýkur má gera ráð
fyrir að það verið búið að halda tíu til tólf
tónleika með erlendum listamönnum. Þá
stefnir Einar á aukna útgáfu - jafnframt því
sem hann stefnir í landvinninga með Nylon-
flokknum í Bretlandi.
Fjölmargir erlendir listamenn hafa komið
til lands á vegum Einars síðustu árin. Hér
má nefna Kiri Te Kanawa, Diana Krall,
Deep Purple, Van Morrison, Olsen bræð-
urna dönsku, Jarvis Cocker, Marianne Faith-
ful, Slade, Jose Carreras, Shadows, Alice
Cooper, og Sissel Kirkjebo. Þá hefur Einar
einnig verið umboðsmaður margra vinsæl-
ustu skemmtikrafta landsins, svo sem Skíta-
mórals, SSSól, Jet Black Joe, Írafárs, Nylons
og Idolstjörnunnar Hildar Völu.
Gera tónlistina að aðalstarfi
„Satt að segja ætlaði ég mér aldrei að leggja
skemmtana- eða tónleikahald fyrir mig sem
atvinnu. Mér fannst alltaf hallærislegt að
vera kallaður umboðsmaður og var alltaf á
leiðinni að verða eitthvað miklu merkilegra,“
segir Einar og hlær.
Hann nam markaðsfræði við Arizona
State háskólann í Phoenix í Bandaríkjunum.
Segist með því hafa ætlað að skapa sér
tækifæri á starfi við markaðsmál, rétt eins
og hugur hans stóð til. Fyrsta verkefni Ein-
ars eftir heimkomu var að stýra veitinga-
staðnum Hard Rock í Kringlunni en um ári
síðar var hann ráðinn markaðsstjóri netmið-
ilsins Vísis.
En tónlistin togaði í
„Það var haustið 2001 sem ég tók meðvitaða
ákvörðun um að gera tónlistina að mínu aðal-
starfi. Ég gerði mér vissulega grein fyrir að
þetta yrði erfitt, en tilraunarinnar virði. Þótt-
ist vita að með útsjónarsemi við að koma
með nýja atburði væri möguleiki að búa til
lítið fyrirtæki í kringum svona starfsemi. Ég
gaf mér fimm ár í verkefnið, en þurfti aðeins
fáein misseri til að sjá og finna að grund-
völlur væri fyrir starfsemi af þessum toga.“
Ríkur af reynslu
Eftir sumarið 2001 fór Einar í tvö verkefni
sem bæði urðu mjög áberandi. Hið fyrra var
þátttaka fyrir hönd Íslendinga í Evróvision
það árið - og það seinna útihátíð á Kaldár-
melum, sem nefnd var Eldborg.
„Eldborgin var dýr tilraun. Vissulega fór
eitthvað úrskeiðis en gagnrýnin sem við
fengum var mjög ómakleg. Eftir hátíðina bár-
ust sjö nauðgunarkærur og eins og stundum
gerist í umræðunni var umfjöllun um þau
Einar Bárðarson rekur öflugustu umboðsskrifstofu
landsins, Concert. Einar er einn stærsti tónleika-
haldarinn hér á landi og á vegum hans koma flestir
erlendu tónlistarmennirnir.
UMBOÐSMAÐUR ÍSLANDS
T Ó N L E I K A H A L D