Frjáls verslun - 01.04.2005, Blaðsíða 61
F R J Á L S V E R S L U N • 4 . T B L . 2 0 0 5 61
íþróttafjárfestingum og keypti Tampa Bay
Buccaneers 1995 fyrir 192 milljón ir dala.
Liðið var frægt fyrir slæmt brautargengi
en hann sneri málunum við, klæddi liðið í
nýja liti, fékk þekktan þjálfara og viti menn:
Buccs reis úr öskustónni og vann Super
Bowl 2003. Nú er liðið líka metið á 780
milljón ir dala.
Samt sem áður er Glazer ekki vinsæll
hjá öllum í Tampa því hann hefur reynt að
fá borgina til að hósta upp skattamilljónum
í nýjan leikvang, sem ýmsum finnst að
hann ætti sjálfur að fjármagna. Það vakti
líka gremju ýmissa framámanna þar þegar
Glazer mætti ekki á fund sem átti að blása
krafti í tilraunir borgarinnar til að halda
Super Bowl 2009. Og það versta er að nú
gengur Buccs ekki lengur vel og ýmsir
kenna Glazer um.
Þegar Glazer hóf að kaupa hlutabréf í
Man U fór hann rólega af stað. Menn veltu
því fyrir sér hvort hann áttaði sig á muninum
á að reka fótboltalið hér og í heimalandinu.
Munurinn er meðal annars sá að miðasala
og greiðslur fyrir útsendingar renna í stóran
pott í Bandaríkjunum, sem liðin fá sinn
hluta af svo liðum sem gengur illa fá þrátt
fyrir allt heilmikla peninga – og já, svo er
evrópskur og amrískur fótbolti auðvitað
tvær óskyldar íþróttir.
Þurfti að takast á við tvo gallharða Íra
Í Man U hf þurfti Glazer einkum að takast
á við tvo gallharða auðmenn, Írana JP
Mc Manus og John Magnier, sem hafa um hríð
eldað grátt silfur við Man U-þjálfarann Alan
Ferguson, ekki bara vegna fótboltans heldur
sameiginlegra fjárfestinga þre menninganna
í veðhlaupahesti og deilt um hagn aðinn af
sæðinu úr honum – óneitan lega viðeigandi
deiluefni í þessum karlrembu heimi sem fót-
boltinn er.
Þegar Írarnir seldu sinn hlut, 29%, var
Glazer orðinn nokkuð öruggur með sín
áform, þar sem hann átti 28% fyrir – hann
þarf 75% til að geta ráðstafað málum að
vild. Írarnir höfðu ríflega 80 milljónir punda
upp úr Man U-hlut sínum. Blaðamaðurinn
Tom Bower og höfundur bókar um breska
fótboltaheiminn, „Broken Dreams: Vanity,
Greed and the Souring of British Football“,
hefur bent á að gróði tvímenninganna sé
dæmigerður: þeir græði en hafi samt hvorki
skapað né gefið liðinu eitt né neitt.
Verð hlutarins úr 1 pundi í 3 pund
Man U er eitt þekktasta fótboltalið heims.
Þegar Glazer hóf að kaupa hlutabréf í liðinu
2003 var verðið í kringum eitt pund en er
nú um þrjú pund, sem hefur komið hluta-
fjáreigendum þess til góða. Fótboltafjárfest-
ingar hafa annars ekki verið mjög traustar
undanfarin ár. Í óðabjartsýni 10. áratugarins
gegndi öðru máli – um hríð. Þegar Aston
Villa fór á markað 1997 var markaðsgengið
11 pund á hlut, var komið niður í 1,50 pund
árið 2003 en hefur nú hysj ast upp í 3,63.
Þessar tölur eru dæmigerðar fyrir
almennt brautargengi boltans á hlutabréfa-
markaðnum. Fyrir tíu árum, þegar fjöldinn
var í hámarki, voru 20 lið á markaðnum,
en núna eru þau tíu. Þeir sem höfðu haldið
bréfunum sínum í Chelsea frá því það lið fór
á markaðinn 1996 töpuðu grimmilega þegar
Abramóvitsj keypti og afskráði félagið 2003.
Önnur sorgarsaga er Leeds og fjármálahrun
þess félags er fordæmið sem Man U-áhang-
endur hræðast einna mest.
Það eru skiptar skoðanir á möguleikum
Man U og fótboltaliða almennt á markað-
num. Sumir segja að stígandi gengi Man U
undanfarin ár endurspegli helst trú manna
að það yrði boðið í félagið en flest félög in
streða við skuldir og himinháar greiðsl ur
til leikmanna. En það hillir líka undir stór-
felldan framtíðarvanda sem er minnk-
andi aðsókn á leiki og minnkandi áhorf.
L U N D Ú N A P I S T I L L
Æstir áhangendur Manchester United brenna brúðu, sem átti
að tákna Glazer, fyrir utan Old Trafford, heimavöll United.
GLAZER GERIR ALLA VITLAUSA
Malcolm Glazer, „þögli Ameríkaninn“,
sem lætur helst aldrei sjá sig og er að sögn
76 ára. Hann er nagli og alls óhræddur við
óvinsældir.