Frjáls verslun - 01.04.2005, Blaðsíða 80

80 F R J Á L S V E R S L U N • 4 . T B L . 2 0 0 5
Sífellt færist í vöxt að nýbyggingar séu klæddar að utan með áli, enda eru kostir þess í senn bæði miklir og augljósir. Að klæða veggi inn í hlýja kápu sparar kostnaðarsamt viðhald
á seinni stigum, lækkar húshitunarkostnað, jafnframt því sem
álklæðningar eru mjög einfaldar og þægilegar í allri uppsetningu.
Litaúrval er mjög fjölbreytt sem og möguleikar á mismunandi
útfærslum „Álið er líka eini málmurinn sem er umhverfisvænn og
hægt að endurvinna. Það hefur orðið sprenging í þessu á síðustu
misserum, álið kemur sífellt sterkar inn,“ segir Magnús Ólafsson,
framkvæmdastjóri Áltaks hf.
Mest til nýframkvæmda Áltak var stofnað fyrir átta árum og
hefur frá upphafi haft að markmið að bjóða viðskiptavinum sínum
heildarlausnir á sviði álklæðninga hvort heldur er á þök eða veggi.
Þá býður fyrirtækið einnig ýmsa fylgihluti sem þarf, svo sem þak-
glugga, zinkklæðningar, kerfi undir flísar á veggi og fleira slíkt.
Magnús Ólafsson hefur stýrt fyrirtækinu frá upphafi, Húsasmiðjan
keypti það árið 2001 en það er þó að öllu leyti rekið sjálfstætt.
„Þegar við settum fyrirtækið á laggirnar reiknuðum við að 10% af
öllu efni sem við seldum færi í nýbyggingar en hitt til viðhaldsfram-
kvæmda. En ætli hlutföllin í dag séu ekki alveg á hinn veginn, sem
sýnir auðvitað best hvaða tröllatrú menn hafa á áli sem bygginga-
efni,“ segja Magnús Ólafsson og Herjólfur Guðjónsson sölustjóri.
Álið er endingargott „Álklæðningar eru líka mjög endingargóðar,
geta þess vegna dugað í fimmtíu ár. Bárujárnið, sem er mjög gjarnan
notað á þök, dugar aldrei svo lengi. Því er álið að koma mjög mikið
þess í stað jafnframt því sem verðmunurinn er sífellt minni. Var
líklega um 20%, en er minni nú. Það er líka kostur við álið að þurfi
að sníða það eitthvað til lokar sárið
sér fljótlega, en sé járnið skorið til fer
gjarnan að ryðga út frá sárinu og það
tærist upp í fyllingu tímans.“
PVDF lakkhúðin, sem Áltak býður,
hefur mikla gæðayfirburði yfir aðrar
lakkhúðir sem seldar eru hér á landi.
PVDF lakkhúðin heldur lit og gljáa í
marga áratugi og helst þannig húsið fallegt og án viðhalds í mun
lengri tíma.
Framleiðendur sem eru birgjar Áltaks eru í Þýskalandi þar sem
rík hefð er fyrir því að nota álklæðningar sem byggingaefni. Að
utan kemur efnið í heilum plötum, en hægt að fá það sniðið til hér
heima í blikksmiðjum. Í flestum tilvikum eru það svo húsasmiðir
sem ganga frá uppsetningu klæðninga. Fjöldamargar byggingar í
Reykjavík hafa síðustu ár verið klæddar að utan með áli frá Áltaki
og má þar til dæmis nefna Skeljungshúsið við Suðurlandsbraut,
háhýsi Landsvirkjunar og fjölbýlishús, til dæmis við Ljósheima
og í Fellahverfinu; allt byggingar sem þurftu mikið viðhald vegna
steypuskemmda.
Horft til gæða „Fermetraverð er sá mælikvarði sem helst hefur
verið notaður á markaðnum hér á landi. Menn ættu þó engu að síður
að horfa til þess hver gæði bygginganna eru – og fullyrða má að þau
eru margfalt meiri en ella ef þær eru klæddar að utan með áli strax í
upphafi. Ef vel er vandað til verka strax í upphafi lendir fólk í fjölbýl-
ishúsum ekki í viðhaldi þar sem hver íbúðareigandi getur þurft að
mæta kostnaði sem hleypur jafnvel á milljónum króna þegar verst
lætur,“ segja Magnús Ólafsson og Herjólfur Guðjónsson.
Ál hefur augljósa
kosti. Æ vinsælla
byggingaefni.
Húsin klædd í
hlýja kápu.
Áltak
Tröllatrú á álinu
„Álið kemur sífellt
sterkar inn,“ segja
Magnús Ólafsson,
framkvæmdastjóri
Áltaks, og Herjólfur
Guðjónsson sölu-
stjóri, til vinstri.
Stórhöfða 33 • 110 Reykjavík • Sími: 577-4100 • Fax: 577-4101
GSM: 898-0860 • Netfang: a l tak@altak. is • www.altak. is
Álklæðning er skynsamleg framtíðarlausn.
Ekkert viðhald. Margar gerðir og litir.
Álklæðningar
Fegurð, mýkt, ending
B
A
Z
O
O
K
A
/2
0
0
5