Frjáls verslun - 01.04.2005, Blaðsíða 77

F R J Á L S V E R S L U N • 4 . T B L . 2 0 0 5 77
SUMARIÐ ER TÍMINN
Með sameiningu Límtrés á Flúðum og Vírnets í Borgarnesi um sl. áramót varð til fyrirtæki sem veitt getur við-
skiptavinum fjölþættar lausnir þegar reisa skal
mannvirki. Bæði fyrirtækin, sem nú eru orðin
eitt og hið sama, eru þjóðinni vel þekkt eftir
langa samfylgd. „Það eru uppgangstímar í bygg-
ingaiðnaði og útlitið er bjart. Við höfum trygga
verkefnastöðu fram á haust og sjáum ekki fram
á samdrátt,“ segir Stefán Logi Haraldsson fram-
kvæmdastjóri.
Naglar, stál og einingar Vírnet var stofnað árið 1956 og hefur allar
götur síðan framleitt nagla og haft sterka stöðu á þeim markaði.
Þá framleiðir fyrirtækið þak- og klæðningarstál, innveggjastoðir,
spírórör og fleira, því framleiðslan hefur orðið sífellt fjölþættari í
fyllingu tímans.
Límtré, sem keypti rekstur Vírnets árið 2000, var sett á laggirnar
1982. Það framleiðir límtrésbita sem verða æ vinsælli, einkum þegar
reistar eru stærri byggingar. Þá starfrækir fyrirtækið einingaverk-
smiðju í Reykholti í Biskupstungum, þar sem eru framleiddar svo-
nefndar samlokueiningar, úr „urethane“ og steinull, klæddar með
stálbyrði. Jafnframt er móðurfélagið stór eignaraðili í límtrésverk-
smiðjum í Portúgal og Rúmeníu, þar sem byggt er á reynslu Íslend-
inga við límtrésframleiðslu og hönnun þess sem byggingarefnis.
Því má segja að framleiðsla fyrirtækisins spanni allan stærðar-
skalann; það er allt frá agnarsmáum nöglum upp í að bjóða límtrés-
bita, sem eru stærstir nærri 30 metrar á lengd og rúmlega
hálfur þriðji metri á hæð.
Höfuðstöðvar í Borgarnesi „Við höfum síðustu mánuði
verið að stilla saman strengi Límtrés og Vírnets, enda ólíkar
hefðir á hvorum bæ um sig,“ segir Stefán Logi Haraldsson.
Heimilisfesti fyrirtækisins er í Borgarnesi og þaðan stýrir
Stefán starfseminni, en er þó mikið á ferðinni milli starfs-
stöðva og á skrifstofunni í Reykjavík, þar sem jafnframt er
starfrækt- hönnunar og tæknideild, þar sem viðskiptavinir
geta fengið ráðgjöf og tilboð.
„Hönnunardeildin gefur okkur sterka snertingu við hluta af
okkar stærstu viðskiptavinum. Sala á annari framleiðslu, svo sem
innflutningsvörunum, nöglunum og stálinu fer nánast alfarið fram í
byggingavöruverslunum.“
Límtré í stærri byggingar Límtrésbitar verða sífellt algengara bygg-
ingaefni, þá sem burðarvirki þegar reistar eru stærri byggingar, svo
sem íþróttahús, verslanir, fiskvinnsluhús og fleiri slíkar. Erlendis
tíðkast að nota límtré sem byggingaefni í íbúðarhúsum. „Það er
markaður sem við eigum eftir að vinna.“ segir Stefán.
„Gildi Límtrés-Vírnets ehf. eru þrjú og vel skilgreind,“ segir
Stefán Logi. „Þau eru áreiðanleiki sem helgast meðal annars af mik-
illi sérþekkingu sem er til staðar í fyrirtækinu. Þjónusta sem ávallt
hefur verið í hávegum höfð, það að allir viðskiptavinir fái þjónustu
við sitt hæfi. Síðast en ekki síst árangur, að lausnir fyrirtækisins skili
viðskiptavinum þess sem bestum árangri.“
Límtré–Vírnet ehf:
Naglar úr Borgar-
nesi og límtrés-
bitar frá Flúðum.
Límtré-Vírnet
býður fjölþættar
lausnir í bygginga-
iðnaði.
„Okkar gildi eru áreiðan-
leiki sem helgast meðal
annars af mikilli sérþekk-
ingu,“ segir Stefán Logi
Haraldsson, framkvæmda-
stjóri Límtrés-Vírnets.
Litlir naglar og límtrésbitar