Frjáls verslun - 01.04.2005, Page 55

F R J Á L S V E R S L U N • 4 . T B L . 2 0 0 5 55
N
ýr mjólkurrisi, sem varð til við sameiningu
Mjólkursamsölunnar og Mjólkurbús Flóamanna
og ber tímabundið nafnið MS/MBF, er samvinnu-
félag um 550 bænda og nær félagssvæðið frá
Hellisheiði eystri suður um og norður að Vatns-
skarði. Fyrirtækið fær reyndar nýtt nafn á næstu
vikum að undangenginni samkeppni meðal starfsmanna og
mjólkurframleiðenda fyrirtækisins.
Starfsstöðvar hins nýja mjólkurrisa eru í Búðardal, Blöndu-
ósi, Egilsstöðum, Selfossi og Reykjavík. Hjá hinu nýja fyrirtæki
starfa 375 manns og áætluð velta er um 7 milljarðar króna. Til-
gangur sameiningarinnar er fyrst og fremst sá að þjóna betur
neytendum og tryggja að framhald verði á þeirri hagræðingu
sem átt hefur sér stað undanfarin misseri.
Tekið hefur verið upp nýtt skipulag, svokallað matrixus-
skipulag sem hentar vel þeim verkefnum sem framundan eru,
en jafnframt er markvisst reynt að láta þessar breytingar hafa
sem minnst áhrif á daglegan rekstur. Framleiðslueiningar
félagsins munu mynda fjögur sjálfstæð afkomusvið en þvert
á þau ganga svo fimm stoðsvið sem veita miðlæga þjónustu
og samhæfa starfsemi félagsins í gæða- og umhverfismálum.
Dótturfyrirtæki MS/MBF verða EMMESS ís, Smásöluvörur,
Bitruháls og Remfló.
Nýráðinn forstjóri MS/MBF, Guðbrandur Sigurðsson, segir
að leitað hafi verið eftir því af ráðgjafafyrirtæki að hann tæki
að sér forstjórastarf í fyrirtæki þar sem verið væri að sameina
tvö fyrirtæki í eitt. Hann segir að það hafi kitlað hann fljótt
að taka þetta að sér, þetta væru áhugaverð félög sem væri í
mikilli matvælavinnslu.
Guðbrandur starfaði m.a. áður sem forstjóri ÚA á Akureyri
og Brims og hann segir að sú reynsla sem hann hafi fengið
þar nýttist vel enda einnig um matvælaframleiðslu að ræða,
en hann er matvælafræðingur frá Háskóla Íslands. Á sínum
tíma var hann fyrst og fremst ráðinn til Akureyrar til að koma
góðu lagi á landvinnsluna en þá starfaði hann hjá Íslenskum
sjávarafurðum við erlend verkefni, m.a. í Namibíu og Rúss-
landi.
Guðbrandur segir að auðvitað eigi hann margt ólært á
nýjum vinnustað og mjólkin sé hráefni sem hann hafi litla
reynslu af og vinnsluferillinn sé gjörólíkur því sem hann eigi
að venjast frá fiskvinnslunni. En hann takist á við nýtt verke-
fni af miklum áhuga.
M J Ó L K U R I Ð N A Ð U R
Guðbrandur Sigurðsson er forstjóri nýja
mjólkurrisans, hins sameinaða fyrirtækis
Mjólkursamsölunnar og Mjólkurbús Flóamanna.
Fyrirtækið veltir 7 milljörðum og spannar
félagssvæðið meira en hálft landið.
TEXTI: GEIR A. GUÐSTEINSSON
MYNDIR: GEIR ÓLAFSSON
ER GÓÐ
MJÓLK