Frjáls verslun - 01.04.2005, Blaðsíða 70
70 F R J Á L S V E R S L U N • 4 . T B L . 2 0 0 5
SUMARIÐ ER TÍMINN
Glæsileiki og fjölbreytt vöru-úrval einkennir verslun Odda að Borgartúni 29 sem
opnuð var á dögunum. Kostað er
kapps að vera með allt sem þarf til
skrifstofuhalds og rekstrar, enda
eru fjölmörg stór fyrirtæki og stofn-
anir í þessu hverfi borgarinnar. „Við
hönnun og undirbúning verslunar-
innar var lögð áhersla á að skynja
þarfir viðskiptavina og geta boðið þeim fjölþætta þjónustu. Það
gerist æ oftar að fólk leiti til Odda og feli okkur hönnun skrifstof-
unnar og að útvega allt sem þarf; allt húsgögn, tölvubúnað, ritföng og
allt þar á milli,“ segir Stefán Már Óskarsson verslunarstjóri.
Fjölbreytt vöruúrval Prentsmiðjan Oddi hóf að selja pappír og
rekstrar vörur til fyrirtækja árið 1985 og hefur á þessum tuttugu árum
náð traustri stöðu á skrifstofumarkaðnum, það er með vörulista og
verslun sinni við Höfðabakka og nú bætist Borgartún við. Sú verslun
er alls um 600 fermetrar og einkar glæsileg. Athygli vekja þar meðal
annars skemmtileg spakmæli og tilvitnanir í ýmsa einstaklinga sem
náð hafa góðum árangri og vakið eftirtekt í viðskiptalífinu.
„Hér bjóðum við meðal annars fjölbreytt úrval af hvers konar
tölvubúnaði, merki eins og Sony Wayo, Acer og HP. Erum hér með
tölvur og flatskjái á mjög hagstæðu verði og eins skjávarpa. Nota-
gildi þeirra fer raunar stöðugt vaxandi og æ algengara er að fólk noti
þá í heimaranni,“ segir Stefán. Í Borgartúninu fást tölvuprentarar í
öllum stærðum og gerðum, pappírstætarar, ferðatöskur, blekhylki
fyrir prentara og ýmiss konar smávörur eins og pennar.
Nútímaföndur Verslun Odda í Borgartúni er opin virka daga frá kl.
8 og fram til 18 síðdegis. Á laugardögum er opið frá 10 til 17. „Með
því að opna snemma á morgnana viljum við bjóða viðskiptavinum
okkar góða þjónustu. Margir, til dæmis einyrkjar í atvinnulífinu,
koma gjarnan hér við á leið til vinnu og sækja það sem þá van-
hagar um fyrir verkefni dagsins,“ segir Stefán Már, sem bætir við að
þjónustan taki ekki síður mið af þörfum einstaklinga. Nefnir hann
„nútímaföndrið“ sérstaklega í því sambandi.
„Mörgum finnst gaman að taka ljósmyndir á stafrænu vélarnar
sínar, vinna þær til í tölvunni og prenta út. Hér bjóðum við upp á
ýmsar gerðir af myndaprenturum, til dæmis mikið úrval af ljós-
myndapappír, skurðarhnífum og bókum til að líma myndirnar inn í.
Þörfum þessa fólks og allra annara er metnaðarmál okkar að mæta,“
segir Stefán Már Óskarsson.
Ný glæsileg verslun
Odda við Borgartún.
Allar rekstrarvörur
og margt annað
skemmtilegt.
Tilvitnanir á veggjum.
„Hér bjóðum við fjöl-
breytt úrval af hvers
konar tölvubúnaði,“
segir Stefán Már
Óskarsson, verslunar-
stjóri Odda í Borgartúni.
Ný verslun Odda í Borgartúni:
Sérfræðingar í skrifstofuvörum