Frjáls verslun - 01.04.2005, Side 68

68 F R J Á L S V E R S L U N • 4 . T B L . 2 0 0 5
SUMARIÐ ER TÍMINN
Matarmenning þjóðarinnar breytist milli árstíða og á sumrin kjósa margir að grilla úti, sem er reyndar orðinn lífsstíll býsna
margra. „Á sumrin gerir fólk líka meira af því að
borða brauð með grillmatnum og hægt er að gera
marga góða rétti sem ég hef verið að skrifa um og
sýna í sjónvarpinu undanfarin ár,“ segir Jóhannes
Felixson, bakarameistarinn góðkunni. Bakarí hans
og verslun er að Kleppsvegi 152. Á liðnu hausti
opnaði hann aðra verslun í Smáralind sem hefur
fengið frábærar viðtökur, ekki síður en verslunin
inni við Sund, en með bakstri sínum og boðskap
í fjölmiðlum hefur Jói Fel breytt brauðmenningu
þjóðarinnar.
„Góður forréttur er til dæmis þægilegur í elda-
mennsku, þá er brauð sett á grill og olíu svo hellt yfir
ásamt góðum ostabita. Á sumrin kemur meira inn
af ítölskum brauðum með góðri fyllingu, til dæmis
hvítlauks- og ólífubrauð og fleira.
Þegar sumarið gengur í garð leggjum við meiri áherslu á góð mat-
arbrauð sem passa vel með léttum réttum.
Brucetta í mörgum útfærslum Tillaga Jóa að góðum brauðrétt á
sumrin, hvort heldur er til að setja á grillið eða matbúa heima í eld-
húsi, er brucetta og þær má útfæra á marga vegu, en mestu skiptir
að láta hugmyndaflugið ráða ferðinni. Í grunninn er brucetta grillað
brauð, smurt með hvítlauk, smátt skornum tómat-
bitum og ferskri basilicu. Ljúffengt er að setja góðan
ost á brauðið og sömuleiðis þykir beikon eða ekta
parmaskinka frábært álegg.
„Íslendingar eru sem betur fer farnir að átta sig á
hvað matarbrauð er mikilvægt í góða máltíð hvort
sem það er í forrétt eða með aðalréttinum. Þá erum
við aðallega að tala um gott baguette brauð eða
ítölsk brauð sem henta með öllum mat eða eitt og
sér með góðu áleggi,“ segir Jói Fel.
Ítalskar snittur vinsælar „Ítalskar snittur eru til að
mynda mjög vinsælar í dag en þær byrjaði ég með
þegar við opnuðum bakaríið fyrir tæpum átta árum.
Snitturnar frá Ítalíu eru allt öðruvísi en þær íslensku
sem við þekkjum. Í hinar ítölsku er notað gott snittu-
brauð og sett sælkeraálegg, til dæmis pesto, ostur,
sólþurrkaðir tómatar og fleira slíkt. Snitturnar eru
mikið notaðar sem léttur pinnamatur eða góður forréttur og er mjög
einfalt að búa þær til.“
Sem áður segir opnaði Jói Fel. nýja verslun í Smáralind. „Versl-
unin í Smáralindinni er að gera það gott og þar er allt upp á við eins
og verslunarmiðstöðin er reyndar öll. Það tók einfaldlega sinn tíma
að fólk vendist því að gera innkaupin þar, en nú er sá hjalli yfirstað-
inn og ég finn að fólk er mjög ánægt með að geta fengið brauðin
víðar en á Kleppsveginum.“
Brauðmenning þjóðar-
innar breytist. Ítalskt
tekur völdin. Jóa Fel.
vel tekið í Smáralind.
„Á sumrin gerir fólk meira
af því að borða brauð með
grillmatnum,“ segir bakara-
meistarinn Jói Fel.
Jói Fel:
Ítölsk brauð
á grillið
�������������������������������������
����������� ��
���������
������������� ��
���� ���
������������������������������������������
������������������������������������������������
�������������������������
�����������������
���������������������������������������������������������������������
Jói
Fel