Frjáls verslun - 01.11.2006, Side 30

30 F R J Á L S V E R S L U N • 1 1 . T B L . 2 0 0 6
FORSÍÐUGREIN • MAÐUR ÁRSINS
„Það fer eftir því hver er að tala við okkur. Það hefur aldrei neitt félag
vaxið svona hratt í okkar geira, hvorki að verðmætum né veltu, og
það vekur athygli. Við erum þekkt fyrir mikið þróunarstarf. Þeir sem
vinna við að greina fyrirtæki hafa áhuga á okkur því að við höfum
bestu framtíðarsýnina og stefnumótunina. Bankaheimurinn hefur
áhuga á okkur því að við framleiðum mörg lyf, gæðavörur, með
lágum framleiðslukostnaði og störfum víða.
Okkur hefur gengið vel í iðnaði sem er þekktur fyrir harða sam-
keppni. Allir vilja vera með þeim sem eru að vinna svo það er auðvelt
fyrir okkur að fá fólk í vinnu. Áhuginn skilar sér líka í því að þegar
við leitum eftir kaupum er starfsfólkið oft á okkar bandi og eigendur
treysta okkur til að gera eitthvað gott úr fyrirtækinu.
Við vildum til dæmis gjarnan kaupa Sindan í Rúmeníu því að
það þróar og framleiðir krabbameinslyf, sem fáir framleiða, og selur
til Evrópu og Bandaríkjanna. Ég fór út og hitti eigandann sem
vildi auðvitað hagnast á sölunni, en það skipti hann líka máli hver
keypti. Þá lágu fyrir fimm kauptilboð, þar af fjögur bindandi. Við
buðum 160 milljónir dala, næsta tilboð var næstum 220 milljónir.
Starfsmenn JP Morgans, sem sá um söluna, lágu í okkur að hækka
tilboðið. Allir voru að fara á taugum en ég var sannfærður um að
eigandinn tæki ekki aðeins afstöðu eftir verðinu heldur líka eftir því
hvað yrði um fyrirtækið og starfsfólkið eftir söluna – og það reynd-
ist líka rétt.
Amide var selt einu og hálfu ári eftir að eigandinn varð bráð-
kvaddur á besta aldri og fjölskyldan var hikandi að selja. Við eyddum
því miklum tíma í að sannfæra hana um að selja, en á endanum
tókumst við í hendur ég og einn sonurinn um 500 milljónir Banda-
ríkjadala auk allt að hundrað milljónum í áfangagreiðslur. Þegar fjöl-
skyldan réð Bank of America til að sjá um söluna vildu þeir hitta mig
til að ræða verðið, 700 milljónir Bandaríkjadala væru lágmark því að
annars yrði fyrirtækið selt öðrum. Ég neitaði að ræða við þá, sagði
þeim að verðið væri þegar umsamið og þeir skyldu tala við fjölskyld-
una. Þeir komu svo aftur með það svar að hún stæði við verðið þó að
bankinn hefði legið í henni að hækka það.
Við höfum unnið margar kaupsamningalotur á þennan hátt.
Höfum hitt fólk og sannfært það um að það ætti að selja okkur og
síðan klárað kaupin hraðar en aðrir hafa treyst sér til.“
- Hvaða spurningar færðu oftast frá erlendum blaðamönnum?
„Í byrjun var athyglin á örum vexti Actavis, hvernig þetta væri allt
hægt. Nú horfa menn á framtíðina, hafa áhuga á nýjum kaupum og
nýjum mörkuðum okkar. Á þessu ári hafa birst um 600 greinar um
okkur í virtum miðlum. Bloomberg- sjónvarpsstöðin var nýlega hér
með fimm manns í þrjá daga að gera þátt um félagið.“
- Hvaða eiginleikar Íslendinga heldurðu að hafi gefist best í útrás
íslenskra fyrirtækja erlendis undanfarin ár?
„Þetta er komið undir einstaklingunum sem reka þessi fyrirtæki,
en ekki endilega þjóðerninu. Sumt má þó rekja til þess að hefðir
hér heima er öðruvísi. Menn verða að fara út til að vaxa, þeir eru
óhræddir við það og óragir að taka slaginn.
Viðhorfið hér á Íslandi er að gera ekki of mikið mál út hlutunum
og að flest sé hægt. Við leysum bara vandann. Erlendis er tilhneiging
til að líta á allt sem vandamál og að sumt sé ekki hægt. Stór erlend
fyrirtæki eru líka í viðjum pappírsflóðs og stjórnskipulags sem tefur
ákvarðanir. Svona er þetta ekki á Íslandi. Menn hér eru almennt
snöggir að taka ákvarðanir og hrinda þeim í framkvæmd.“
- Útlendingar segja stundum að Íslendingar séu vissulega fljótir að
taka ákvarðanir en svo skorti þá eftirfylgni. Kannastu við það?
„Ég eyði a.m.k. miklum tíma í að prédika yfir mínu fólki að það sé
sjálfsagt að treysta á fólk en líka nauðsynlegt að tryggja að hlutirnir
séu kláraðir. Stjórnendur bera ábyrgð á því gagnvart mér. Það þýðir
ekki að koma með afsakanir um að einhver hafi ekki gert það sem
hann átti að gera og því hafi viðkomandi verk ekki verið klárað.
Róbert í akstri á Formúlu 1 bíl í Frakklandi í október síðastliðnum.
Róbert prýddi nýlega forsíðu hins þekkta viðskipta-
tímarits CNBC European Business.