Ægir - 01.09.2004, Blaðsíða 17

17
N O R Ð AU S T U R H O R N I Ð
inn í verksmiðjuna í desember og
janúar, þar sem nótaveiði er oft
erfið á þessum mánuðum. Í það
heila má segja að með þessu nýja
skipi getum við aukið verðmæti
úr þeim kvóta sem við höfum yfir
að ráða í dag,“ segir Magnús.
Hitt skip Hraðfrystistöðvar
Þórshafnar, sem nú er í rekstri, er
Þorsteinn ÞH-360. „Hann er nú á
síldveiðum í Síldarsmugunni og
er aflinn flakaður og frystur um
borð. Í sumar var síldarafurðum
skipað beint yfir í flutningsskip á
Svalbarðasvæðinu, sem skilaði
annars vegar lægri olíukostnaði
útgerðar og hins vegar stóraukn-
um afla en annars hefði verið ef
landa hefði þurft aflanum á Ís-
landi, þar sem löndunarbann var í
Noregi í sumar. Gert er ráð fyrir
að skipið verði á síld á heimamið-
um fram að áramótum. Eftir ára-
mótin fer Þorsteinn síðan í að
frysta loðnu eins og á síðustu ver-
tíð. Þessi frysting gekk mjög vel,
en menn þurfa að ná betri tökum
á Japansfrystingunni,“ segir
Magnús.
Hraðfrystistöðin hefur yfir að
ráða um 1000 tonna þorskígildis-
kvóta í bolfiski, en sá kvóti hefur
bæði verið leigður og honum ver-
ið skipt út fyrir aflaheimildir í
uppsjávartegundum. Þó bendir
Magnús á að möguleikar séu til
þess að Þorsteinn veiði hluta af
bolfiskinum.
Sérhæft fyrirtæki
„Það má vissulega segja að Hrað-
frystistöð Þórshafnar sé í dag sér-
hæft fyrirtæki í uppsjávarveiðum
og -vinnslu. Og með kaupum á
Júpiter ÞH-363 erum við að
styrkja fyrirtækið enn frekar á
þessu sviði. Það er mikilvægt fyr-
ir verksmiðjuna okkar, sem er
mjög vel búin og hefur mikla af-
kastagetu, að fá aukið hráefni og
ef ekki verður samið um skipt-
ingu kolmunnakvótans þá opnast
þar aukin tækifæri en H.Þ. á
núna 2% af aflahlutdeild i
kolmunna.“
Magnús neitar því ekki að
ákveðinn veikleiki sé í því fólginn
að hafa fyrirtækið svo sérhæft sem
raun ber vitni. „Veikleikinn felst
fyrst og fremst í því ef t.d. loðnu-
vertíðin bregst,“ segir Magnús án
umhugsunar.
Hið nýja skip Hraðfrystistöðvar Þórshafnar, Júpiter ÞH-363, kom til heimahafnar 28.
september sl. Þessi mynd var tekin við það tækifæri.
Magnús H. Helgason er Aust-
firðingur, fæddur og uppalinn á
Reyðarfirði. Á unglingsárunum
starfaði hann í frystihúsinu á
staðnum. Hann sótti sér mennt-
un í Fiskvinnsluskólanum og
starfaði fyrst sem verkstjóri hjá
Búlandstindi á Djúpavogi árið
1980. Magnús kom fyrst til
starfa á Þórshöfn sem verkstjóri
árið 1981. Árið 1983 var hann í
nokkra mánuði hjá Útveri á
Bakkafirði. Kom síðan aftur til
Þórshafnar og starfaði hjá Hrað-
frystistöðinni sem verkstjóri,
skrifstofumaður og útgerðar-
stjóri Stakfellsins allt til ársins
1995 þegar hann flutti norður í
Eyjafjörð og tók að sér að stýra
fiskvinnslu KEA í Hrísey. Árið
1996 keypti KEA Gunnarstind
á Stöðvarfirði og Magnús fór í
kjölfarið austur á Stöðvarfjörð.
Síðar kom Samherji hf. að þeim
rekstri árið 2000. Eftir að Jó-
hann A. Jónsson lét af starfi
framkvæmdastjóra Hraðfrysti-
stöðvar Þórshafnar í árslok 2001
tók Magnús jafnframt að sér að
stýra Hraðfrystistöðinni. Í tvö
ár stýrði hann því bæði Hrað-
frystistöð Þórshafnar og bolfisk-
vinnslu Samherja á Stöðvarfirði
og var því oft á ferðinni á milli
staðanna. Í ágúst 2003 hætti
Magnús á Stöðvarfirði og hefur
síðan einbeitt sér að fram-
kvæmdastjórn Hraðfrystistöðv-
ar Þórshafnar.
Með víðtæka reynslu
Magnús H. Helgason.