Ægir - 01.04.2009, Side 35

35
N Ý S K Ö P U N Í S J Á V A R Ú T V E G I
hefur starfað hjá Norrænu ný-
sköpunarmiðstöðinni í Osló í
rúm fjögur ár tók þátt í undir-
búningi ráðstefnunnar og sat
hana. Miðstöðin heyrir undir
Norrænu ráðherranefndina
sem Íslendingar fara nú með
forsæti í. Sigríður sér mörg
nýsköpunartækifæri í sjávar-
útvegi og telur möguleikana
ekki síst felast í samstarfi um
nýsköpunarverkefni á sjávar-
útvegssviðinu með hinum
Norðurlandaþjóðunum. Þar
geti Norræna nýsköpunarmið-
stöðin leikið umtalsvert hlut-
verk. Sigríður segir að of lítið
hafi verið horft til nýsköpun-
artækifæra í sjávarútvegi og
það eigi ekki aðeins við á Ís-
landi heldur í öðrum löndum
einnig.
„Svo virðist sem sjávarút-
vegurinn hafi setið eftir þegar
kemur að fjármagni til ný-
sköpunar. Það er helst að
greinin komi við sögu í verk-
efnum sem lúta að líftækni.
Skýringin kann að felast í því
að sjávarútvegurinn, líkt og
landbúnaðurinn, hafi verið
flokkaður sem grein með lágt
tæknistig og því hafi fjármagn
til nýsköpunar fremur leitað
inn í aðrar greinar. Við hjá
Norræna nýsköpunarmiðstöð-
inni teljum að nú sé tímabært
að gera átak á þessu sviði,
horfa á sjávarútveginn frá
mjög víðu sjónarhorni og
horfa til nýsköpunartækifæra
í öllu því sem tengist sjávarút-
vegi almennt. Þar getum við
nefnt hafið í tengslum við
orkuframleiðslu, veiðarfæra-
tækni, eldi, líftækni og áfram
væri hægt að telja. Með öðr-
um orðum má segja að
kannski höfum við nýtt sjáv-
arútveginn á einhæfari hátt en
hægt væri. Kastljósið hefur
verið á allt sem lýtur að hrá-
efninu og hráefnisnýtingu en
ég er ekki í vafa um að þegar
skipulega er kafað ofan í sjáv-
arútvegssviðið þá leynast
tækifæri mun víðar en fólk
gerir sér í hugarlund í dag,“
segir Sigríður.
Nýtum styrkleika hverrar
þjóðar
Ráðstefnan í Reykjavík á dög-
unum var sú fyrsta sinnar teg-
undar þar sem leitt er saman
fólk frá Norðurlöndunum og
Kanada til að ræða nýsköp-
unarmöguleika í sjávarútvegi.
Sigríður segir engan vafa leika
á því að aðkoma Kanada-
manna auki tækifærin. Allt
samstarf sé af hinu góða og
nú sem aldrei fyrr þurfi Ís-
lendingar á öflugu samstarfi
að halda við grannþjóðir til
atvinnusköpunar. Tækifærin
muni opnast.
„Að mínu mati eru ákveðn-
ir styrkleikar í sjávarútvegi á
Íslandi sem ekki eru með
sama hætti í Noregi svo dæmi
sé tekið. Á sama hátt eru aðr-
ir styrkleikar í greininni í Nor-
egi og Danmörku, enn aðrir í
Finnalandi, Svíþjóð og Fær-
eyjum. Með því að leiða
þessa styrkleika saman í verk-
efnum skapast grunnur sem
gefur okkur hjá Norrænu ný-
sköpunarmiðstöðinni tækifæri
til að koma að málum. Þá
gerist tvennt; annars vegar að
þekkingin verður sterkari í
heild en í hverju landi fyrir
sig og hins vegar leiðir sam-
starfið af sér nýja skriðu í
framþróun. Út á við, til að
mynda innan Evrópu sem
heildar verður sjávarútvegur-
inn á Norðurlöndunum sterk-
ari og það skapar sem slíkt
tækifæri í hverju landi fyrir
sig. Norðurlöndin sem heild
eiga í alþjóðlegri samkeppni
og eftir því sem þau ná betur
saman í atvinnugreinum,
þeim mun sterkari verða þau
á alþjóðavettvangi.“
Getum lært af Dönum og þeir
af okkur!
Noregur og Færeyjar eru
gjarnan fyrst nefnd þegar tal-
að er um samstarf Íslendinga
á sjávarútvegssviðinu við aðr-
ar þjóðir. Ástæðan er líkast til
sú að margt er líkt með sjáv-
arútvegi þjóðanna þriggja.
Sigríður segir að samt sem
áður geti Íslendingar nýtt sér
margt af því sem Danir eru
að gera á sjávarútvegssviðinu.
„Það á til dæmi við um
reynslu Dana og Færeyinga í
eldi og vinnslu á eldisfiski.
Síðan sé ég fyrir mér að inn í
þessi verkefni geti Finnar lagt
mikið í formi tækniþekkingar
því það má ekki gleyma því
að tækniþekking úr einni at-
vinnugrein getur vel nýst til
nýsköpunarverkefna í annarri
atvinnugrein. Við Íslendingar
höfum sýnt að við erum mjög
móttækileg fyrir nýrri tækni,
ekki hvað síst í sjávarútvegi
Sigríður Þormóðsdóttir, starfsmaður Norrænu nýsköpunarmiðstöðvarinnar í Osló.
SJÓMANNADAGURINN 2009
hedinn. is