Ægir - 01.04.2009, Blaðsíða 46

S J Ó M E N N S K A N
„Ég er búin að vera þerna á
Herjólfi síðan 2005 og uni
mér vel á sjónum. Ég hef búið
í Vestmannaeyjum alla mína
ævi og ég kann einfaldlega
ekki annars staðar við mig en
við sjávarsíðuna. Því lá beint
við að fara að vinna á sjón-
um,“ segir Ingibjörg Bryn-
geirsdóttir í Vestmannaeyjum
sem á dögunum útskrifaðist
fyrst kvenna úr sýrimannadeild
Framhaldskólans í Vest-
mannaeyjum.
Ingibjörg hefur öðlast rétt-
indi til að vera 2. stýrimaður
á skipum upp að 45 metrum
að lengd. Námið hefur tekið
tvö ár og hún hefur unnið
samhliða á Herjólfi. „Mér var
eiginlega ýtt út í þetta á sín-
um tíma og ég hefði örugg-
lega ekki farið í skólann
nema vegna þess að þetta var
í boði hér í Vetmannaeyjum.
Þökk sé miklum liðlegheitum
í skólanum og hjá vinnuveit-
endum mínum á Herjólfi að
ég hef getað unnið samhliða
náminu þannig að þetta gekk
vel upp,” segir Ingibjörg.
Klapp á bakið og hvatning
Aðspurð segir hún að fiski-
skipin hafi ekki heillað hana
sem starfsvettvangur líkt og
farþega eða vöruflutninga-
skipin gera. „Jú að sjálfsögðu
stefni ég að því að færa mig
upp í brú og fara að vinna
við þetta. Þess vegna ætla ég
að flytja til Reykjavíkur í haust
og setjast í Stýrimannaskólann
og öðlast þar full réttindi á
næstu tveimur árum. Þetta er
vettvangur sem við konurnar
eigum að takast ótrauðar á
við. Og því skyldum við ekki
geta það. En þetta er mjög
gamalt karlaveldi að fara inn
í,” segir Ingibjörg og hlær.
Hún viðurkennir að stöku
sjómenn hafi sent henni glós-
ur á léttum nótum. „En grín-
laust þá fæ ég oftast klapp á
bakið og hvatningu að halda
áfram á þessari braut,” segir
Ingibjörg Bryngeirsdóttir
þernan á Herjólfi sem stefnir í
brúna!
Ingibjörg Bryngeirsdóttir útskrifaðist fyrst kvenna úr stýrimannanámi
í Framhaldsskólanum í Vestmannaeyjum á dögunum:
Þernan á Herjólfi stefnir upp í brú!
Ingibjörg á útskriftardaginn með foreldrum sínum þeim Ástu M. Kristinsdóttur og Bryngeiri Sigfússyni. Mynd: Óskar Pétur Friðriksson.
Hafnarfjarðarhöfn
Hafnir Ísafjarðarbæjar
Kópavogshöfn
Seyðisfjarðarhöfn
Vestmannaeyjahöfn
Faxaflóahafnir
Reykjaneshöfn
Tálknafjarðarhöfn
Sandgerðishöfn
Hafnarsjóður
Fjarðabyggðar
Hafnarsjóður
Skagafjarðar
Hafnarsjóður
Þorlákshafnar
Gleðilega sjómannadagshátíð!