Tímarit Máls og menningar - 01.03.1982, Blaðsíða 112

Tímarit Máls og menningar
Við erum að leita nýrra sameiningarafla. Það er erfið barátta og virðist ekki
vænleg til árangurs (um það erum við sammála). Hún myndi í fyrstu hefjast
með minni háttar samskiptum, með samræðum. Hún gæti birst hjá æskulýð í
báðum hlutum Evrópu, í nokkrum sameiginlegum táknum og táknrænum
athöfnum. Hún mundi ekki hvíla á samræmdum áætlunum heldur gagn-
kvæmum skilningi á markmiðum hvor annars.
Ef takast mætti að leiða þessi tvö öfl saman í eindrægni og samruna —
sjálfráð, lýðræðisleg og friðarsinnuð — þá skynjaði fólk á öllu meginlandinu
voldugt, jákvætt afl. Það er eina aflið sem gæti verið nógu öflugt til að hindra að
lögmál hernaðarhyggju nái endanlegu marki. Ef slík staða næðist mundu
grundvallarþættir kaldastríðspólitíkur breytast samstundis (en þeir hafa nú
haldist í meira en þrjátíu ár). Smáþjóðir tækju upp sjálfstjórn, nýtt svigrúm
opnaðist fyrir þjóðfélagslegar tilraunir og ný umræða um menn og hugmyndir
mundi hefjast.
Þér kunnið að álíta þetta ómögulegt. En það gleður okkur að þér skylduð
hefja þessi skoðanaskipti og við munum fagna svari yðar. Við óskum yður
árangurs í baráttu yðar fyrir mannréttindum, þar á meðal (og ekki hvað síst)
fyrir rétti yðar til að vera okkur ósammála.
Yðar einlægur,
E.P. Thompson.
Guðmundur Georgsson og Ömólfur Thorsson pýddu.
102