Ský - 01.01.2006, Side 49

sk‡ 49
„Íslendingar eru afar
duglegir að eyða um
efni fram og koma
sér upp erlendum
skuldum, methalli er á
viðskiptum við útlönd
og skuldasöfnunin
samsvarandi.“
ÍSLAND ÁRIÐ 2030
Framtíðin
GYLFI MAGNÚSSON
Gylfi Magnússon, hagfræðingur og prófessor við Háskóla Íslands, er
ágætlega bjartsýnn á framtíðina þótt ýmsar blikur séu á lofti í efnahags-
málum.
Íslendingar eru afar duglegir að eyða um efni fram og koma sér upp
erlendum skuldum, methalli er á viðskiptum við útlönd og skuldasöfn-
unin samsvarandi.
Íslendingar eru vanir aflahrotum og það má kannski til sanns vegar
færa að við séum stödd í einni slíkri og oft er lítt unnið úr verðmætunum
á þess konar tímum. Útrás íslenskra fyrirtækja á erlenda markaði hefur
verið svakaleg og þá er ekki undarlegt þótt
eitthvað láti undan.
Gylfi metur stöðuna þannig að hikst
muni koma á fjármálamarkaðinn í kjölfar
þessarar miklu sveiflu og trúlega þurfi að
koma á jafnvægi að nýju. Hann telur þó
að efnahagslegar þrengingar verði skamm-
tímavanda.
Nýjar áherslur eru í atvinnulífi á Íslandi,
gömlu aðalatvinnuvegirnir, landbúnaður og
fiskveiðar hafa dregist saman jafnt og þétt
undanfarna áratugi og munu væntanlega
gera það áfram.
Gylfi telur að mannauðurinn og sókn
í menntun séu helsti vaxtarbroddurinn í íslensku atvinnulífi og myndi
grundvöll fyrir hálaunastörf í framtíðinni. Við drögum hratt á nágranna-
löndin í háskólamenntun og framtíðarstörfin munu væntanlega færast úr
framleiðslu og yfir í þjónustu eins og þar hefur gerst.
Framleiðslustörf flytjast stöðugt til láglaunalanda, s.s. Kína og Ind-
lands, en störf við fjármálaþjónustu, heilbrigðis- og lyfjageirann, svo eitt-
hvað sé nefnt, taka sér bólfestu þar sem menntunarstig er hærra eins og
reynslan sýnir hér. Framtíð efnahagsþróunar hvílir á okkar eigin herðum,
því varlegar sem við rifum seglin, þess mýkri verður siglingin framundan.
Framtíð ungra
Íslendinga? Börn úr
Tjarnarborg skoða
landið sitt í Ráðhúsinu.
Gylfi Magnússon, hagfræðingur og prófessor.