Morgunblaðið - Sunnudagur - 22.02.2015, Side 15

22.2. 2015 MORGUNBLAÐIÐ SUNNUDAGUR 15
mák, Nínu Dögg Filippusdóttur, Ingvar E.
Sigurðsson og Gísla Örn Garðarsson hafa
hlotið verðlaunin en frá því að ákveðið var
að fækka hinum rísandi stjörnum niður í
tíu ár hvert hefur aðeins Hilmar Guð-
jónsson hlotið verðlaunin fyrir hönd Íslend-
inga, árið 2012.
Berlínarborg undirlögð
Berlinale-hátíðin virðist leggja undir sig
borgina að stórum hluta og kvikmynda-
skólanemar og aðrir menningartúristar
streyma til Berlínar í rútum frá öðrum
stórborgum álfunnar. Víða má sjá rauða
dregla fyrir utan kvikmyndahús, vandlega
afgirta með tjöldum sem bera einkennis-
merki hátíðarinnar, ráfandi bjarndýr. Á
göngutúr um Berlín á meðan hátíðin stend-
ur yfir er ekki óalgengt að sjá fólk liggj-
andi í röðum í svefnpokum fyrir utan kvik-
myndahús að kvöldi, eða sitjandi á
garðstólum fyrir utan miðasölur, og því
ljóst að eftirspurn eftir miðum er gríðar-
leg. Eins er ekki óalgengt að heyra köll og
skríkjur þegar frægur aðili lítur dagsins
ljós, stígur út úr glæsibifreið og speglar
sig í linsum ljósmyndara á rauða dregl-
inum. Mér tókst nokkrum sinnum að til-
heyra mannþyrpingu sem ærðist af fögnuði
fyrir utan kvikmyndahús þegar fræga
manneskju bar að garði en yfirleitt hafði
svo margt fólk safnast saman að ómögu-
legt var að berja þessa frægu manneskju
augum fyrir öllum hinum. Mér skilst þó að
einu sinni hafi Nicole Kidman verið á ferð,
en þrátt fyrir ítrekaðar tilraunir mínar til
að sjá hana, hoppandi eins og kengúra í
mekkinum, komst ég aldrei nær en svo að
sjá bara brúnaþungan, tröllvaxinn öryggis-
vörð, með einn af þessum snúruvafningum
aftan við hægra eyrað sem öryggisverðir
um víða veröld virðast styðjast við, stika
fram og aftur um dregilinn eins og mann-
ýgt naut þegar Kidmann var horfin inn á
braut. Þetta olli mér óneitanlega von-
brigðum.
Snemma á mánudagskvöld, stuttu eftir
að Natalie Portman hafði veitt Heru og
öðrum rísandi stjörnum viðurkenningu á
glæsilegri athöfn við Potsdamer Platz, bár-
ust mér þau tíðindi frá félaga mínum hér í
borg að honum hefði tekist að útvega tvo
miða á mynd Dags Kára, og ég hafði því
hraðar hendur og dreif mig niður að Alex-
anderplatz og hljóp þaðan eftir Karl-Marx-
Allee eins og unglingur í Kalda stríðinu til
að ná í bíóhúsið Kino International í tæka
tíð. Kvikmyndahúsið er stórglæsilegt, byggt
á sjötta áratugnum, og óhætt að segja að
stemmningin í húsinu hafi verið mögnuð.
Þar voru jafnframt viðstödd mörg kunnug-
leg andlit úr íslenskum kvikmyndaheimi.
Kominn yfir fertugt en lifir á
Kókópöffsi
Gunnar Jónsson fer með aðalhlutverkið í
mynd Dags Kára um Fúsa, sem fjallar um
liðlega fertugan mann sem borðar ógrynni
af Kókópöffsi og býr enn hjá móður sinni.
Líf hans er í afar föstum skorðum, hann
vinnur á færibandi á Keflavíkurflugvelli og
spilar herkænskuleiki með líkönum og
módelum með félaga sínum. En þegar ung
stúlka og kona á hans reki koma inn í líf
Fúsa þarf hann að endurskoða margt í
sjálfum sér og viðhorfum til tilverunnar.
Myndin er fallega skotin og einkennist
m.a. af frábærum samtölum og sannfær-
andi og sterkum leik helstu leikara. Öðru
hverju sprakk svo salurinn úr hlátri, enda
er myndin bráðfyndin. Fúsa var afar vel
tekið af áhorfendum og að henni lokinni
tók við dynjandi lófatak um stund. Að-
standendur myndarinnar, leikstjórinn Dag-
ur Kári ásamt framleiðendunum Agnesi
Johansen og Baltasar Kormáki, stigu þá á
svið ásamt aðalstjörnu hennar, fyrr-
greindum Gunnari. Leikstjórinn þakkaði
kurteislega fyrir sig og Gunnar sagðist
jafnframt afar þakklátur fyrir tækifærið til
að fá að leika í „alvöru drama“ í ljósi þess
að hann væri að upplagi grínisti. Lands-
menn allir geta svo fylgst með grát-
broslegum ævintýrum Fúsa frá og með 20.
mars næstkomandi, þegar hún verður
frumsýnd á Íslandi.
Að sýningu lokinni snerum við áhorf-
endur aftur út í nístandi kulda Austur-
Berlínar. Við settum upp húfur, smeygðum
okkur í vettlinga. Sum okkar hóuðu í leigu-
bíla, önnur streymdum við niður í jarðgöng
til að ná síðustu lestum til fjarlægra borg-
arhluta.
Hin ástralska Cate Blanchett og Svíinn Stellan Skarsgard voru áberandi á kvikmyndahátíðinni Berlinale.
AFP
Listafólkið Lada Redstar og Sheila Wolf hlutu sérstök verðlaun í flokki LGBT-
mynda, eða mynda sem beina sjónum að samkynhneigðum, tvíkynhneigðum
og transfólki.
Skeifunni 8 | Sími 588 0640 | casa.is
Cuero Mariposa
Hönnuðir: Bonet, Kurchan & Ferrari
Hannaður 1938
Íslenskt lambaskinn
Stóll verð 199.000,-