Morgunblaðið - Sunnudagur - 22.02.2015, Blaðsíða 53

Frikka en hann söng bakraddir í laginu.
„Við vorum ekki búnir að horfa á þetta sem
raunhæfan möguleika,“ segir Pálmi um að
bæði lögin kæmu til greina. „Við vorum í
skýjunum yfir að koma öðru laginu í einvígið,“
segir hann.
„Síðan þegar þau voru komin þarna bæði
var það mjög súrsætt því maður vissi að bara
annað lagið myndi vinna,“ segir Ásgeir og út-
skýrir nánar. „Um leið og við vorum að fagna
að annað lagið myndi vinna vorum við að
syrgja að hitt myndi tapa.“
Mál manna er að keppnin í ár hafi verið
óvenjusterk og endurspeglast það meðal ann-
ars í því að aldrei hafa verið greidd fleiri at-
kvæði. Margir þátttakendanna voru líka ungt
fólk. „Ég vona að þessi keppni hafi hjálpað til
við að taka gamla lummustimpilinn af keppn-
inni,“ segir Pálmi.
StopWaitGo hefur heilmikið unnið með
Steinda Jr. eins og í þáttunum Hreinn Skjöld-
ur og Steindinn okkar og hefur samstarfið
verið farsælt. Pálmi talar vel um Steinda og
Bent samstarfsmann hans. „Þeir koma með
pælingar sem við hjálpum þeim að setja í orð
og búning sem fólk skilur. Þetta snýst um að
skapa ákveðna tilfinningu, í þessu tilfelli hlát-
ur og gleði.“
Friðriki Dór kynntust þeir í Versló. „Við
unnum að báðum plötunum hans og samstarf
okkar hefur alltaf verið mjög gott og kært.“
Versló hefur verið mikill áhrifavaldur í
þeirra lífi því þar kynntust þeir líka Maríu.
„Það var þegar við gerðum tónlistina fyrir
söngleik Nemó árið 2011,“ segir Sæþór en
þeir voru tónlistarstjórar sýningarinnar. Hún
stóð upp úr í prufunum og þeir hafa unnið
með henni síðan. Þeir voru um þetta leyti að
stíga sín fyrstu skref í að semja lög til að
senda út í heim í þeirri von að aðrir listamenn
taki þau upp á sína arma. „Við áttum okkur á
því að við þurfum góða söngvara til að túlka
lögin og María er þar efst á blaði,“ segir
Pálmi en Ásgeir hefur sjálfur sungið þau lög
þar sem þurfti karlkyns söngvara.
Útrásin hófst með Nylon. Sveitin var komin
með samning við Hollywood Records og tókst
StopWaitGo að keppa við stóra lagahöfunda
og ná lagi á plötuna. Platan kom þó aldrei út
en engu að síður fengu þeir greitt fyrir lagið.
„Við ákváðum að taka þennan pening til að
fjármagna ferð fyrir okkur út, taka nokkur
lög með stelpunum og hitta bransafólk. Við
vorum í Los Angeles í þrjár vikur og hittum
umboðsmann sem leist vel á okkur og gerðum
samning við hann fljótlega eftir að við komum
heim,“ segir Pálmi en þetta var árið 2011. Í
kjölfarið kynntust þeir bransanum betur.
„Þetta er ein stór hringiða og við erum ennþá
að reyna að finna okkar stað í þessu öllu. Við
erum ennþá bara kettlingar í þessum bransa,“
segir Pálmi en vinnan hefur í vaxandi mæli
krafist þess að þeir dvelji vestra. Hann og
Sæþór voru búsettir í níu af tólf mánuðum á
síðasta ári í Los Angeles á meðan Ásgeir hef-
ur verið á Íslandi.
Það lag þeirra sem hefur náð bestum ár-
angri er „Disco Love“ með bresku stúlkna-
sveitinni The Saturdays en það fór í 5. sæti í
Bretlandi. Hér til hliðar má síðan sjá lista yfir
helstu útgáfur og verkefni StopWaitGo síð-
ustu ár.
Viðræður um þrjú lög
Núna standa yfir samningaviðræður í Banda-
ríkjunum um þrjú lög, sem þeir eru mjög
spenntir fyrir en of snemmt er að greina frá
að svo stöddu.
„Við erum alltaf að taka hænuskref í þá átt
að geta lifað góðu lífi á þessu. Það er fyrst og
fremst markmiðið,“ segir Pálmi en útskýrir að
það verði að vera jafnvægi á milli þess að
sinna íslensku og erlendu verkefnunum.
Kettlingurinn er að vaxa og breytist áreið-
anlega í ljón þegar Eurovision er búið. „Þetta
er svo skemmtileg keppni. Lagahöfundarnir fá
að láta ljós sitt skína. Þetta er góð kynning
fyrir okkur og á án efa eftir að opna margar
dyr og tækifæri,“ segir Ásgeir.
Þegar blaðamaður hitti þremenningana
voru þeir nýkomnir af fundi með RÚV. Hvað
er næst á dagskrá? „Fyrst og fremst að klára
lagið,“ segir Sæþór en allt þarf að vera tilbúið
fyrir 10. mars. Þeir segjast hafa gert ensku
útgáfuna af laginu eins nálægt lokaútgáfunni
og þeir gátu en framundan séu smávægilegar
breytingar eins og á textanum.
Þeir halda í marga þræði og veitir greini-
lega ekkert af því að vera þrír í teyminu. Þeir
hafa unnið hörðum höndum að velgengninni
sem þeir njóta nú og segist Pálmi ekkert sjá
eftir tímanum sem fari í að vinna að verkefn-
unum. Hann segir gaman að vinna að ástríðu
sinni. „Þetta er gefandi og gaman. Við kvört-
um ekki. Það er í raun og veru lúxus að hafa
mikið að gera.“
StopWaitGo er öflugt þríeyki. Frá vinstri,
Sæþór Kristjánsson, Pálmi Ragnar Ásgeirs-
son og Ásgeir Orri Ásgeirsson. „Við erum
alltaf að taka hænuskref í þá átt að geta lifað
góðu lífi á þessu. Það er fyrst og fremst
markmiðið,“ segir Pálmi m.a. í viðtalinu.
Morgunblaðið/Árni Sæberg
* Þegar maður vinnursvona saman í teymier auðveldara að komast
að góðri niðurstöðu. Mað-
ur á til að vera litaður af
eigin egói og þæginda-
hring þegar maður er að
gera hlutina sjálfur.
22.2. 2015 MORGUNBLAÐIÐ SUNNUDAGUR 53
Tónlistarstjórn fyrir sjónvarpsefni:
Hreinn Skjöldur 2014-2015 (Stöð 2),
Ástríðuglæpir 2014 (Stöð 2),
Pétur Jóhann 2014 (Bravó TV),
Áramótaskaupið
2013 (RÚV),
Steindinn okkar
2010-2013 (Stöð
2),
Lífsleikni Gillz 2013
(þættir á Stöð 2 og
kvikmynd).
Tónlistarstjórn fyrir auglýsingar:
Herferð fyrir KFC (2011),
Ring (2011),
Nova (2012),
Apollo X (2014),
Kjarninn (2014),
Herferðir fyrir FM957 (2011-2014).
Helstu tónverk samin og útgefin:
Sigurvegarar í Söngvakeppni Sjónvarps-
ins 2015 með lagið „Unbroken“ ásamt
því að hafa gert lagið „Once Again“ sem
hafnaði í 2. sæti,
„Springum út“ – Áramótaskaupið 2013
(#1 Íslenski listinn 2014),
Louder – DJ MuscleBoy (#1 Íslenski
Listinn 2014),
„Alveg sama“ – Friðrik Dór, Steindi Jr.,
Bent (#1 Íslenski listinn 2014),
„Dönsum burtu blús“ – Söngvakeppni
Sjónvarpsins 2014,
„Disco Love“ –
The Saturdays (#5
Official UK
Charts, #4 Official
Scotland Charts,
#10 Euro Digital
Songs 2013),
„Take It Like A Man“ – Bleona (#37 US
Billboard Dance Charts, Official Las Ve-
gas Gay Pride Song 2013),
„Djamm í kvöld“ – Steindi Jr. og Ásgeir
(#1 Íslenski listinn 2011),
„Til í allt“ – Friðrik Dór, Steindi Jr. og
Ásgeir – (#3 Íslenski listinn 2011),
„Sjomli“ – Friðrik Dór, Auddi og Sveppi
– (#1 Íslenski listinn 2011),
„Geðveikt fínn gaur“ – Steindi Jr. og Ás-
geir – (#1 Íslenski listinn 2010).
STOPWAITGO
Helstu
útgáfur og
verkefni