Morgunblaðið - Sunnudagur - 22.02.2015, Blaðsíða 21
Krikket er íþrótt sem Íslendingar þekkja ekki vel en
nýtur mikilla vinsælda í Englandi. Annar stærsti krikket-
völlur landsins (vantar aðeins um 20 sæti til að vera sá
stærsti) er í Birmingham, nánar tiltekið í úthverfinu
Edgbaston sem völlurinn heitir eftir. Völlurinn er heima-
völlur Warwickshire County Cricket Club en félagið
var stofnað árið 1882.
Völlurinn var endurbættur fyrir örfáum árum og
sett upp flóðlýsing sem er nýjung í íþróttinni. Ekki er
aðeins hægt að koma á staðinn til að horfa á krikket
heldur er hægt að leigja sali af ýmsum stærðum og
gerðum fyrir veislur af ýmsu tagi. Þarna er til að
mynda stærsti salur borgarinnar, með 650 sætum fyr-
ir brúðkaup af stærstu gerð.
Krikket er spilað bæði í eins dags leikjum og fimm
daga viðureignum. Fimm daga stórviðureign fer fram
á Edgbaston í sumar en landslið Englands og Ástralíu
takast á dagana 29. júlí til 2. ágúst. Uppselt er á dag
tvö, þrjú og fjögur en miðar eru enn í boði á fyrsta
og síðasta daginn. Þá verður fjölmenni á staðnum en
völlurinn tekur um 25 þúsund manns.
Krikket er spilað í Bretlandi og löndum gamla
heimsveldisins eins og Ástralíu, Pakistan og Indlandi.
Eins dags krikket nýtur sérstaklega mikilla vinsælda í
Indlandi, af skiljanlegum ástæðum þar sem fólk hefur
ekki endilega tíma til að eyða mörgum dögum í að
horfa á íþróttir. Fyrir þá sem eru vanir að eyða
tveimur tímum eða svo í að fara á fótboltaleik er
einn dagur mjög langur tími. Þetta endurspeglast í að-
stæðum á vellinum. Þar eru mörg svæði til að slaka á
og fá sér að borða. Á sólríkum sumardegi er því
hægt að taka það rólega á vellinum, fá sér bjór og
mat á milli þess sem fylgst er með leiknum. Íþróttin
er einmitt hönnuð fyrir sólríka sumardaga þar sem
öfugt við fótbolta er ekki hægt að spila krikket ef
rignir.
Edgbaston-krikketvöllurinn
er nýuppgerður og flóðlýstur.
Fimm daga viðureignir
BIRMINGHAM ER NÝR ÁFANGASTAÐUR ICELANDAIR
Íþróttir og
ferðalög
* Gaman er aðsameina ferða-lög og íþróttaiðkun
eða -áhorf.
22.2. 2015 MORGUNBLAÐIÐ SUNNUDAGUR 21
Leikvangurinn Villa Park í Birmingham hefur verið
heimavöllur enska fótboltaliðsins Aston Villa frá árinu
1897. Aston Villa er á meðal elstu liða í Englandi og
hefur í gegnum tíðina gengið vel þótt liðið standi ekki
vel nú. Til að mynda hefur liðið orðið bikarmeistari
sjö sinnum og „framleitt“ fleiri landsliðsmenn en
nokkurt annað lið, eða 72. Í borginni er ennfremur
liðið Birmingham City sem nú leikur í annarri deild.
Fyrsti stóri fótboltaleikurinn sem blaðamaður fór
á var Aston Villa – Chelsea hinn 7. febrúar síðastlið-
inn og er óhætt að segja að það hafi verið mikil upp-
lifun. Alls voru um 36.000 manns á leiknum og
létu stuðningsmenn Villa vel í sér heyra. Liðið
skoraði mark í leiknum, það fyrsta á árinu.
Þetta var skemmtileg lífsreynsla og nú
þarf bara að byrja að plana næstu ferð.
Leandro Bacuna fagnar því ásamt félaga sínum Tom Cleverly að hafa
skorað mark á móti Leicester City í ensku bikarkeppninni á dögunum.
AFP
Villa, Villa, Villa!
FÓTBOLTI
Varnarmaður
Aston Villa, Kier-
an Richardson.
AFP
FERÐALÖG ER AUÐVELT AÐ TENGJA ÁHUGA-
MÁLUM, EKKI SÍST ÍÞRÓTTAIÐKUN EÐA -ÁHORFI OG
ER HÆGUR LEIKUR AÐ GERA ÞAÐ Í BIRMINGHAM
OG NÁGRENNI. ÞAR ER HÆGT AÐ STUNDA GOLF,
HORFA Á KRIKKET OG FÓTBOLTA Á SÖGUFRÆGUM
VÖLLUM Í ENSKU MIÐLÖNDUNUM.
Inga Rún Sigurðardóttir ingarun@mbl.is
KRIKKET
Lífræn Jurtablanda
• Bætir meltinguna
• Brýtur niður fitu í fæðunni
• Hjálpar gegn brjóstsviða
• Dregur úr uppþembu
• Vatnslosandi
• Virkar fljótt
Nánari upplýsingar á www.heilsa.is
Fæst í apótekum og heilsuvöruverslunum
sem léttir
meltinguna