Morgunblaðið - Sunnudagur - 22.02.2015, Side 30

Matur
og drykkir
Croissant í uppskriftir
*Eins og sjá má á næstu síðu er croissantskemmtilegt hráefni í uppskriftir en það er líkasniðugt að nota þar til gert croissantdeig semfæst frosið í mörgum verslunum í græn-metis- og kjúklingarétti. þannig geturverið gott að krydda kjúklingabringur,rúlla þeim inn í croissanthorn, strá
mozarellaosti yfir og baka í eldföstu
móti í ofni við 190°C í 40 mínútur.
V
ið fengum góðar vinkonur okkar heim, allar
söngkonur sem eru mjög skemmtilegar og
hafa gaman af því að borða góðan mat og
njóta lífsins,“ segir ástríðukokkurinn Al-
bert Eiríksson með meiru, en hann og hans maður,
Bergþór Pálsson óperusöngvari, buðu heim í dýr-
indis kvöldverð um síðustu helgi.
„Það var frábær stemning alveg frá fyrstu mín-
útu, jafnvel þó að vinkonur okkar hafi ekki allar
þekkst innbyrðis fyrir boðið. Það fylgir oft fólki sem
starfar í þessum geira að það er létt og frjálslegt.“
Albert ákvað að hafa matinn í hollari kantinum án
allra öfga eins og hann segir sjálfur og hafði engar
áhyggjur af sykri í eftirréttinum. Þannig voru
grænmetisréttir á boðstólum og svo skemmtilega
vildi til að söngkonurnar voru allar búnar að stór-
auka grænmetisskammta sína síðustu misserin, án
þess að vera endilega grænmetisætur. En það vissi
Albert ekki.
„Meðan maður hefur það í huga að borða hollt
fæði alla jafna skiptir engu máli þótt maður borði
tertur í afmæli gamallar frænku sinnar eða njóti
þess að borða góða eftirrétti um helgar. Ég verð að
segja að eftirréttirnir slógu í gegn, hann kom
skemmtilega á óvart þessi sem í fyrstu hljómaði
svolítið framandi, með croissant og marsipani, en ég
myndi telja að sá réttur hentaði vel í klúbba þar
sem hægt er að undirbúa hann með fyrirvara og
geyma í ísskáp áður en hann er bakaður.“ Þá rann
hrökkkexið ljúflega niður en í það notar Albert
hratið sem kemur úr safapressunni, sniðug nýting á
nokkru sem annars fer oftast til spillis.
„Það er leiðinlegt að henda þessu því þetta er bara
matur og við höfum prófað okkur áfram í að nýta
þetta, líka í grænmetisrétti og grænmetisbuff. Svo
þegar fólk er að prófa sig áfram með kexið þá er þetta
bara æfing, að finna út hvað á að vera mikið af vökva
því sumt hrat er blautara en annað.
Albert hefur verið örlátur á sínar góðu uppskriftir
og heldur meðal annars úti matarblogginu albert-
eldar.com þar sem hann deilir með lesendum því sem
hann er að prófa hverju sinni. En hvaða partíráð í
bókinni á Albert fyrir góð matarboð?
„Ráð númer eitt er að leggja sig áður en gestirnir
koma, það er lykilatriði að vera vel úthvíldur og vel
upplagður. Stundum þarf þá að brjóta upp matarboð á
einhvern hátt. Það þekkja það allir að fólk hefur mis-
munandi mikla þörf fyrir að láta ljós sitt skína og
sumir tala út í eitt og halda að allt verði skemmtilegra
þannig, sem er því miður misskilningur. En við höfum
stundum haft leik í okkar boðum sem virkar þannig að
fólk dregur miða og á honum er eitt skemmtilegt orð
eða setning og viðkomandi á að koma því orði eða orð-
um fyrir í samræðum sínum í boðinu að minnsta kosti
þrisvar yfir kvöldið án þess að mikið beri á. Þetta býð-
ur upp á að fólk er bæði að hlusta og einnig fær þetta
alla til að tala því það þarf áræðni til að koma sínu
fram, þetta dreifir kastljósinu. Í lok kvölds segir fólk
frá því orði eða setningu sem það kom að.“ Þá segir
Albert aldrei vita á gott að trúmál og stjórnmál séu
aðalumræðuefni kvöldsins, slíkt geti verið viðkvæmt.
„Ef við drögum þetta saman þá getum við sagt að
vel undirbúið matarboð með skemmtilegu fólki getur
varla misheppnast.“ segir Albert.
Morgunblaðið/Eggert
GLEÐI OG GAMAN Í SÖNGKONUBOÐI
Best að leggja sig fyrir matarboð
ÞEIR ERU Í FREMSTU RÖÐ GESTGJAFA, ÞEIR ALBERT EIRÍKSSON OG BERGÞÓR PÁLSSON, OG BUÐU HEIM NOKKRUM ÞJÓÐÞEKKTUM SÖNGKONUM.
Júlía Margrét Alexandersdóttir julia@mbl.is
Bergþór Pálsson raðar jarðarberjum ofan á eftirréttinn sem inniheldur meðal
annars súkkulaði og silkitófú sem Albert Eiríksson segir hafa slegið í gegn.
Gestgjafar kvöldsins ákváðu að
bjóða heim til sín söngkonum sem
þekktust ekki allar svo vel en frábær
stemning myndaðist í hópnum.