Morgunblaðið - 19.03.2015, Qupperneq 12

12 FRÉTTIRInnlent
MORGUNBLAÐIÐ FIMMTUDAGUR 19. MARS 2015
TWIN LIGHT
GARDÍNUR
Betri birtustjórnun
MEIRA ÚRVAL
MEIRI GÆÐI
ÍSLENSK
FRAMLEIÐSLA
EFTIR MÁLI
Sendum frítt hvert á land sem er gegn staðgreiðslu
Hringdu og bókaðu tíma í máltöku
Álnabær
Allt fyrir gluggann… úrval, gæði og þjónusta.
Síðumúla 32, Reykjavík. Sími: 588 5900 ▪ Tjarnargötu 17, Keflavík. Sími: 421 2061
Glerárgötu 32, Akureyri. Sími: 462 5900 ▪ alnabaer.is ▪ Opnunartími: mán.-fös. 11-18
SVIÐSLJÓS
Björn Jóhann Björnsson
bjb@mbl.is
Ábendingum um holur í gatnakerfi
höfuðborgarsvæðisins, og tjón af
völdum þeirra, hefur rignt inn til
sveitarfélaganna, Vegagerðarinnar
og tryggingarfélaga síðustu daga og
vikur. Starfsmenn sveitarfélaga,
verktaka og Vegagerðarinnar hafa
vart undan að fylla í holurnar til
bráðabirgða. Skipta þessar tilkynn-
ingar orðið hundruðum og eru frá
áramótum orðnar langtum fleiri en
allt síðasta ár.
Eftir óveðrið um síðustu helgi hef-
ur gefist færi á að fara í holufyllingar
af krafti. Eins og fram kom í Morg-
unblaðinu á þriðjudag afgreiddi
Hlaðbær-Colas rúm 60 tonn af við-
gerðarmalbiki á mánudeginum og
síðan þá hafa yfir 50 tonn bæst við.
Er þá framleiðsla annarra malbik-
unarfyrirtækja ótalin.
Ekki séð það verra í borginni
Ísak Möller, rekstrarstjóri hverfa-
stöðvar Reykjavíkurborgar í Jafna-
seli í Breiðholti, segist í samtali við
Morgunblaðið líklega aldrei hafa séð
jafnslæmt ástand á götum borgar-
innar og nú. Er hann þó búinn að
vinna hjá borginni í rúm 40 ár.
„Við erum á ferðinni frá morgni til
kvölds og mestur okkar tími fer
núna í að gera við holurnar, það er
efst á forgangslistanum. Um leið og
við fáum tilkyningu um slæmar hol-
ur eða sjáum þær þá fyllum við í
þær. Það kemur fyrir að við þurfum
að setja aftur og aftur í sömu hol-
urnar. Þetta byrjar kannski með
einni holu en síðan bætast fleiri við á
sama stað. Allt eru þetta bráða-
birgðaviðgerðir, um leið og veður
leyfir í vor verður farið í endurnýjun
á klæðningum,“ segir Ísak.
Viðhald á gatnakerfinu hefur sem
kunnugt er verið takmarkað eftir
hrun en umhleypingar og ótíð í vetur
hafa ekki bætt þar úr. „Frost og þíða
til skiptis er það versta. Bleytan
kemst ofan í sprungurnar, frýs þar
og sprengir upp bikið,“ segir Ísak.
Jóhann Skúlason í þjónustustöð
Vegagerðarinnar í Hafnarfirði hefur
svipaða sögu að segja og Ísak. Ótíðin
sé búin að fara illa með vegina í vet-
ur. Vegagerðin og verktakar á
þeirra vegum hafi vart undan við að
fylla í holurnar. Tíðarfarið hafi verið
með þeim hætti að fara þurfi aftur
og aftur með efni í sömu holurnar,
sem menn kalla orðið sín á milli
skaðræðisholur. „Við fáum til okkar
fjölda tilkynninga frá vegfarendum,
lögreglu og sveitarfélögunum og för-
um út til viðgerða um leið og við get-
um. Þessar tilkynningar skipta orðið
hundruðum,“ segir Jóhann.
G. Pétur Matthíasson, upplýsinga-
fulltrúi Vegagerðarinnar, segir tíð-
arfarið hafa komið í veg fyrir að farið
yrði strax í miklar viðgerðir. Skoðað
verði hvort malbikið til þessa hafi
verið nægjanlega vatnshelt en meg-
inástæðan fyrir ástandi slitlagsins sé
þó að viðhaldinu hafi sökum fjár-
skorts ekki verið sinnt sem skyldi og
ódýrari leiðir verið farnar.
Vegagerðin fær 850 milljónir
króna til viðbótar í viðhald vega á
þessu ári. Fyrstu útboð hafa þegar
farið fram vegna viðgerða. Þannig
voru opnuð nokkur tilboð sl. þriðju-
dag í viðgerðir, klæðningar og blett-
anir á slitlagi á Suður-, Austur- og
Norðursvæði. Meðal þessara útboða
voru viðgerðir til næstu tveggja ára
á malbikuðum slitlögum á Suður-
svæði. Af tveimur tilboðum átti
Hlaðbær-Colas lægra boð, tæpar 80
milljónir, sem var 23% yfir áætlun
Vegagerðarinnar.
Sjóvá hefur miklar áhyggjur
Sem fyrr segir hefur fjöldi öku-
manna orðið fyrir tjóni vegna
ástands gatnakerfisins. Dekk hafa
sprungið og felgur beyglast við að
fara ofan í djúpar og hvassar holur.
Dæmi um þetta mátti lesa á mbl.is í
fyrrakvöld, af ökumanni sem var á
ferð sl. mánudag yfir brúna á mótum
Snorrabrautar og Bústaðavegar, yf-
ir Miklubraut. Þar voru komnar
stórar holur og sprungu tvö dekk
sömum megin á bíl viðkomandi öku-
manns.
Yfirleitt sitja ökumenn uppi með
tjónið og fæst það ekki bætt nema að
gáleysi sannist á veghaldarann, t.d.
Vegagerðina eða borgina, þ.e. að
hann hafi ekki sinnt viðgerð á holu
sem hann vissi um eða hafði fengið
tilkynningu um.
Vegagerðin, Reykjavíkurborg og
Hafnarfjörður eru með frjálsa
ábyrgðartryggingu hjá Sjóvá. Auður
Daníelsdóttir, framkvæmdastjóri
tjónasviðs Sjóvár, segir fjölda tjóna
af þessu tagi vera á annað hundraðið
það sem af er árinu og Sjóvá hafi af
þessu miklar áhyggjur.
„Veghaldari ber samkvæmt vega-
lögum ábyrgð á tjóni sem hlýst á
vegum, ef rekja má tjónið til gáleysis
við veghaldið og sannað er að vegfar-
andi hafi sýnt af sér eðlilega var-
kárni. Hafi veghaldari eða starfs-
maður hans ekki vitneskju um
hættuásand á þeim stað sem tjón
varð, og þar með ekki náð að bregð-
ast við aðstæðum, ber hann almennt
ekki ábyrgð á tjóninu. Veghaldari,
eins og Vegagerðin, Reykjavíkur-
borg eða aðrir, ber því ekki hlutlæga
ábyrgð án sakar á öllum götum í
sinni umsjá samkvæmt vegalögum.
Þó að við hjá Sjóvá vildum glöð bæta
öll þessi holutjón þá eru þau einfald-
lega ekki öll bótaskyld úr þeirri
tryggingu sem Vegagerðin og borg-
in eru með hjá okkur,“ segir Auður.
Hún segir félagið setja sig í sam-
band við Vegagerðina eða borgina
um leið og tjónstilkynning berist. Af-
staða til bótaskyldu grundvallist al-
farið á þeim upplýsingum sem félag-
ið fær í hendur.
VÍS tryggir Kópavogsbæ og
Garðabæ og frá áramótum hafa að-
eins 8 tilkyningar borist þangað um
tjón af völdum hola í götum.
Morgunblaðið/Golli
Viðgerðir Á sama stað í miðbænum og starfsmenn borgarinnar voru að fylla í holur sl. mánudag, og birt var mynd
af á forsíðu Morgunblaðsins, voru starfsmenn Fagverks mættir í gær til frekari viðgerða á Tryggvagötu.
Holutjónin skipta hundruðum
 Ábendingum rignir inn um holur í gatnakerfinu og tjón af þeirra völdum  Tíðarfarið í vetur hef-
ur gert mönnum erfitt fyrir  Fylla aftur og aftur í sömu „skaðræðisholurnar“  Sanna þarf gáleysi
Sprungið Tvö dekk sprungu á bíl sem ekið var ofan í stórar holur á brúnni
yfir Miklubraut, á mótum Snorrabrautar og Bústaðavegar, sl. mánudag.
Meira í viðhaldið
» Vegagerðin fékk 850 millj-
óna króna viðbót í viðhald vega
á þessu ári.
» Reykjavíkurborg áætlar að
verja 690 milljónum króna í
viðhald gatnakerfisins í ár. Þar
af er 150 milljóna króna viðbót
sem borgarráð samþykkti ný-
verið.
» Síðan þá hafa enn frekari
skemmdir komið í ljós á götum
borgarinnar og líklegt að verja
þurfi enn meiri fjármunum í
viðhaldið.
Íslandsmeistara-
mótið í 10 döns-
um fer fram í
Laugardalshöll.
Meistarar verða
þau pör sem ná
bestum saman-
lögðum árangri, í
fimm latín döns-
um (samba, cha
cha cha, pasó double, rúmba og
jive) og fimm standard dönsum
(Vals, tango, vínarvals, slow foxtr-
ott og quickstep).
Þrjú pör vinna sér þátttökurétt á
Evrópu- og Heimsmeistaramótum
sem fara fram síðar í ár. Þetta er í
15. sinn sem Íslandsmeistaramót í
10 dönsum er haldið af Dans-
íþróttasambandi Íslands, en alls
taka um 260 pör þátt og sjö erlendir
dómarar dæma í keppninni. Einnig
verður um helgina DSÍ OPEN
keppnin sem er latin keppni fyrir
meistaraflokk og yngstu dansar-
arnir fá tækifæri að sýna hvað þeir
hafa lært í vetur.
Um 260 pör dansa
í Laugardalshöll