Morgunblaðið - 19.03.2015, Blaðsíða 38

38 MENNING
MORGUNBLAÐIÐ FIMMTUDAGUR 19. MARS 2015
Silja Björk Huldudóttir
silja@mbl.is
„Þetta er stærsta barnakvikmynda-
hátíðin okkar til þessa, en hún hefur
svo sannarlega fest sig í sessi í hátíð-
arflórunni hérlendis,“ segir Helga
Bryndís Ernudóttir um Alþjóðlegu
barnakvikmyndahátíðina í Reykjavík
sem sett verður þriðja árið í röð í Bíó
Paradís í dag og stendur til 29. mars.
„Við munum bjóða upp á mikið og
fjölbreytt úrval mynda fyrir ólíkan
aldur, bæði nýjar
verðlaunamyndir
víðs vegar að úr
heiminum sem og
klassískar barna-
myndir, heim-
ildamyndir, leikn-
ar myndir,
stuttmyndir og
teiknimyndir.
Eftir valdar sýn-
ingar verður boð-
ið upp á spurt og
svarað. Við verðum með námskeið
auk þess sem við höfum í fyrsta skipt-
ið boðið erlendum gestum til okkar á
hátíðina,“ segir Helga Bryndís, fram-
leiðandi hátíðarinnar í Bíó Paradís,
og vísar þar m.a. til Ask Hasselbalch
sem leikstýrt hefur báðum mynd-
unum um Antboy, en framhalds-
myndin Antboy: Rauða refsinornin er
opnunarmynd hátíðarinnar í ár og
hefur hún verið talsett á íslensku.
Hasselbalch verður viðstaddur sýn-
ingu myndar sinnar í dag ásamt Vig-
dísi Finnbogadóttur, verndara hátíð-
arinnar, og Sóleyju Tómasdóttur
forseta borgarstjórnar.
„Hasselbalch mun ásamt Braga
Þór Hinrikssyni leikstjóra og Ólafi
S.K. Þorvaldz leikara vera með
ókeypis leiklistarnámskeið fyrir börn
á aldrinum 12-14 ára laugardaginn
21. mars kl. 14 í Bíó Paradís,“ segir
Helga Bryndís og tekur fram að nám-
skeiðið sé öllum opið, en áhugasamir
þurfa að skrá sig með því að senda
tölvupóst á netfang hennar: hel-
ga@bioparadis.is. Áhugasamir geta
einnig sent Helgu Bryndísi póst ef þá
langar að komast á fyrirlestur hjá
teiknimyndagerðarmönnunum Hilm-
ari Sigurðssyni og Gunnari Karlssyni
laugardaginn 28. mars kl. 14, en að-
gangur er ókeypis. Þar hyggjast þeir
kynna fyrir 10-16 ára börnum hvern-
ig tölvuteiknimyndir verða til.
„Á hátíðinni má sjá 16 kvikmyndir í
fullri lengd. Þetta er allt frá nýjustu
verðlaunamyndunum til klassískra
kvikmynda,“ segir Helga Bryndís.
Meðal verðlaunamynda nefnir hún
sænsku barna- og unglingamyndina
Litla systir mín sem vann Krystal-
björninn á Kvikmyndahátíðinni Berl-
inale 2015. „Litla systir mín fjallar
um stelpu sem kemst að því að eldri
systir hennar, sem hún lítur mikið
upp til, er með átröskun,“ segir
Helga Bryndís og bendir á að Sanna
Lenken, leikstjóri myndarinnar,
Annika Rogell, framleiðandi hennar,
og Amy Deasismont og Rebecka Jo-
sephson, aðalleikkonur myndarinnar,
munu sitja fyrir svörum eftir frum-
sýningu myndarinnar á morgun kl.
17.30.
Stuðla að bættu kvikmyndalæsi
Að sögn Helgu Bryndísar er friður
meginþema hátíðarinnar í ár. „Mynd-
irnar á hátíðinni endurspegla mik-
ilvæg málefni sem tengjast friði.
Áhorfendur fá að fræðast á skemmti-
legan og áhrifaríkan hátt um m.a.
fjölmenningu, kynvitund, líkamsvirð-
ingu, skapandi og gagnrýna hugsun,“
segir Helga Bryndís og bendir á að
bætt fræðsla og upplýsing stuðli að
friðvænlegri heimi. Þess má geta að
boðið verður upp á sérstaka umræðu-
sýningu með Samtökunum ’78 og
Trans-Ísland að lokinni sýningu á
dönsku unglingaheimildarmyndinni
Songs for Alexis mánudaginn 23.
mars kl. 20 auk þess sem boðið verð-
ur upp á umræður með Baldvin Z
leikstjóra að lokinni sýningu á Óróa
laugardaginn 28. mars kl. 20.
„Að vanda bjóðum við upp á skóla-
heimsóknir á virkum dögum hátíð-
arinnar,“ segir Helga Bryndís, en
haft hefur verið samband við grunn-
skólakennara og leikskólakennara
elstu barna leikskólanna á höf-
uðborgarsvæðinu og þeim boðið að
bóka sig í slíka heimsókn. „Oddný
Sen kvikmyndafræðingur tekur hér á
móti bekkjum og fræðir börnin um
myndina með það að markmiði að
stuðla að kvikmyndalæsi barna,“ seg-
ir Helga Bryndís og tekur fram að
helsta markmið hátíðarinnar sé að
kynna börn fyrir kvikmyndahátíðum,
stuðla að fjölbreyttara framboði og
bæta kvikmyndalæsi barna og ung-
linga hérlendis.
Af öðrum myndum hátíðarinnar
má nefna frönsku myndina Þrí-
burana frá Belleville sem tilnefnd var
til Óskarsverðlauna sem besta teikni-
myndin árið 2004; Galdrakarlinn í Oz
frá 1939 með Judy Garland í aðal-
hlutverki; The Neverending Story
frá 1984; Jón Odd og Jón Bjarna frá
1981 og Hagamúsina: Með lífið í lúk-
unum í leikstjórn Þorfinns heitins
Guðnasonar frá 1997.
Af nýrri myndum nefnir Helga
Bryndís brasilísku hreyfimyndina
Strákurinn og heimurinn sem valin
var besta myndin á Lisboa Animated
Film Festival og vann bæði áhorf-
endaverðlaun og Cristal-verðlaunin á
Annecy International Animated Film
Festival. „Myndin byggist ekki á tali
og hentar því öllum aldurshópum,“
segir Helga Bryndís. Af öðrum
myndum nefnir hún tvær danskar
teiknimyndir eftir bókum Ole Lund
Kierkegaard sem sýndar verða með
íslenskum texta, þ.e. Ottó nashyrn-
ingur og hins vegar Gúmmí Tarsan
og loks glænýju hollensku unglinga-
myndina Prinze.
„Síðast en ekki síst má nefna að við
verðum með gott úrval stuttmynda
fyrir annars vegar yngsta aldurshóp-
inn, þ.e. 3-7 ára, og hins vegar ung-
linga. Þar verður á einni klukkustund
hægt að blöndu af flottum stutt-
myndum,“ segir Helga Bryndís og
tekur fram að stuttmyndaprógramm
hátíðarinnar sé unnið samstarfi við
Alþjóðlegu barnakvikmyndahátíðina
í Zlín í Tékklandi.
Hátíð sem er komin til að vera
Systraást Litla systir mín fjallar um stelpu sem kemst að því að eldri systir
hennar, sem hún lítur mikið upp til, er með átröskun.
Í ham Antboy: Rauða refsinornin
verður sýnd með íslensku tali.
Helga Bryndís
Ernudóttir
 Alþjóðleg barnakvikmyndahátíð í Reykjavík sett þriðja árið í röð í Bíó Paradís í dag  Antboy 2:
Rauða refsinornin er opnunarmynd hátíðarinnar  Fjölbreytt úrval mynda, námskeið og umræður
Gúmmí Tarsan Tvær danskar teiknimyndir eftir bókum Ole Lund Kierkegaard eru sýndar með íslenskum texta, Ottó nashyrningur og Gúmmí Tarsan. Sú
seinni fjallar um strák sem á ekki sjö dagana sæla þar sem hann er hvorki sterkur, góður í fótbolta né flinkur að lesa. Myndirnar eru fyrir sjö ára og eldri.
bioparadis.is/barna-kvik-
myndahatid/
BJÓÐUM NOKKRAR GERÐI
R AF
FERMINGARBORÐUM.
Fjölbreyttir réttir smáréttabo
rðanna
okkar henta bæði í hádegis-
og kvöldveislur.
Steikarhlaðborðin eru alltaf
vinsæl, sérstak-
lega ef um kvöldveislu er að
ræða. Bjóðum
upp á tvær gerðir ka hlaðb
orða, en einnig
er í boði að panta einstaka h
luta úr þeim. t.d
Ka snittur, fermingartertur.
Pinnahlaðborð
eru þægileg og slá hvenær s
em er í gegn.
Hólshraun 3 · 220Hafnarjörður · Símar: 555-1810, 565-1810
Fax: 565-2367 · Netfang: veislulist@veislulist.is · www.veislulist.is
æðisleg
veislan
verður
Ferming
ar-
Góð fe
rming
ar-
TapasSmáréttir Kaltborð P
innamatur
SÚPA BRAUÐ OG SMÁRÉTT
IR
Hádegisveisla á milli kl 12 -
14
TAPASVEISLA 9 RÉTTIR
Síðdegisveisla 16 -19
.
TERTU OGTAPASBORÐ.
Miðdegisveisla 13 - 15
Verð frá kr. 4.040
STEIKARBORÐ
Kvöldveisla 17 - 20
V
FERMINGARKAFFIHLAÐBO
RÐ
Miðegisveisla 14 - 17
Verð frá kr. 2.290
LÉTTIR FORRÉTTIR OG
STEIKARBORÐ
PINNAMATUR
Miðdegisveisla 14-17
Verð frá kr. 2.520
KALT HLAÐBORÐ
FISKRÉTTIR
V
erð frá kr. 3.470
Verð frá kr. 5.900
gar-
Verð frá kr. 2.500
erð frá kr. 3.950
Verð frá kr. 4.160