Morgunblaðið - Sunnudagur - 19.04.2015, Blaðsíða 4

* Formaður SI fær meira á mánuði fyrir stjórnarsetu ensem nemur samanlagðri þóknun til sex einstaklinga íframkvæmdaráði Samtaka fyrirtækja í sjávarútvegi. ÞjóðmálEYRÚN MAGNÚSDÓTTIR
eyrun@mbl.is
4 MORGUNBLAÐIÐ SUNNUDAGUR 19.4. 2015
Formaður Samtaka iðnaðarins
með 617 þúsund á mánuði
Um 70% launafólks á almenn-um vinnumarkaði starfa hjáeinhverju af þeim 2.000 fyr-
irtækjum sem heyra undir Samtök
atvinnulífsins. Samtökin eru regn-
hlífarsamtök sex aðildarsamtaka á
vinnumarkaði en þau eru Samorka
(Samtök orku- og veitufyrirtækja),
Samtök ferðaþjónustunnar, Samtök
fjármálafyrirtækja, Samtök fyrir-
tækja í sjávarútvegi, Samtök iðnað-
arins og Samtök verslunar og þjón-
ustu.
Í stjórn Samtaka atvinnulífsins
sitja 20 manns og í framkvæmda-
stjórn sitja formaður og varafor-
maður samtakanna ásamt sex ein-
staklingum úr hópi stjórnarmanna.
Ekki er greitt fyrir setu í þessum
stjórnum, en þeir sem sitja í stjórn
SA eru jafnan einnig í stjórnum að-
ildarfélaga. Formaður stjórnar SA,
Björgólfur Jóhannsson, er ekki á
launum hjá samtökunum.
Aðildarfélögin sex virðast hafa
ólíkan hátt á þegar kemur að þókn-
un vegna stjórnarsetu. Samtök iðn-
aðarins skera sig úr þegar kemur
að greiðslum til formanns.
SI greiða mest fyrir
stjórnarformennsku
Samtök iðnaðarins eru stærstu sam-
tökin innan SA, með um 1.350 fé-
lagsmenn eða fyrirtæki innan sinna
vébanda. Guðrún Hafsteinsdóttir er
formaður SI og ólíkt formanni SA
þá þiggur hún laun fyrir for-
mennsku sína. Formaður stjórnar
Samtaka iðnaðarins fær greiddar
tæpar 617 þúsund krónur á mánuði
og varaformaður stjórnar fær þriðj-
ung launa formanns, eða um 206
krónur á mánuði fyrir setu í stjórn.
Hjá Samtökum iðnaðarins sitja 10
manns í stjórn en aðeins formaður
og varaformaður fá greitt fyrir
stjórnarsetu. Fastir fundir eru
haldnir mánaðarlega og aukafundir
eftir þörfum.
Engin stjórnarlaun hjá
SFF og SAF
Stjórn Samtaka fjármálafyrirtækja
fundar um átta sinnum yfir árið en í
stjórninni eiga sæti níu fulltrúar að-
ildarfélaga. Engin stjórnarlaun eru
greidd hjá Samtökum fjármálafyrir-
tækja.
Samtök ferðaþjónustunnar greiða
heldur enga þóknun til stjórnar-
manna eða stjórnarformanns, en
þar er fundað mánaðarlega og sitja
sjö manns í stjórn hverju sinni.
Greiðslur til stjórnarmanna
SFS afnumdar
Hjá Samtökum fyrirtækja í sjávar-
útvegi, SFS, sitja 19 manns í stjórn.
Á síðasta aðalfundi var ákveðið að
þóknun til almennra stjórnarmanna
skyldi afnumin. Formaður stjórnar
SFS, Jens Garðar Helgason, og
varaformaðurinn Jón Eðvald Frið-
riksson fá þó greitt fyrir stjórnar-
setuna. Formaður fær 250 þúsund
krónur á mánuði og varaformaður
125 þúsund krónur á mánuði.
Fjórir stjórnarmenn auk for-
manns og varaformanns skipa svo-
kallað framkvæmdaráð en hver
þeirra fjögurra fær greiddar 50 þús-
und krónur á mánuði fyrir setu í
ráðinu.
Samtök verslunar og þjónustu
greiða stjórnarformanni sínum Mar-
gréti Sanders 20 þúsund krónur á
mánuði í stjórnarlaun og 40 þúsund
krónur að auki í ökutækjastyrk.
Samtals fær formaður SVÞ því 60
þúsund krónur á mánuði í þóknun,
aðrir stjórnarmenn fá ekki greitt. Í
stjórn SVÞ sitja sjö manns og fund-
ir eru einu sinni í mánuði.
Ekki mega allir
þiggja þóknun
Hjá Samorku eru greidd stjórnar-
laun en samkvæmt upplýsingum frá
samtökunum mega aðeins þrír af
sjö stjórnarmönnum þiggja þóknun-
ina. Ástæðan er úrskurður kjara-
ráðs um launakjör forstöðumanna
fyrirtækja í ríkiseigu. Laun stjórn-
armanna hjá Samorku eru 15 þús-
und krónur á mánuði en formaður
stjórnar fær tæpar 30 þúsund krón-
ur á mánuði fyrir sín störf.
Laun formanns Samtaka iðnaðar-
ins fyrir stjórnarsetu í samtökunum
eru sér á parti eins og ljóst má vera
af samantekt um stjórnarlaun í
þeim sex aðildarfélögum sem mynda
Samtök atvinnulífsins. Næsthæstar
greiðslur til formanns og varafor-
manns eru hjá Samtökum fyrir-
tækja í sjávarútvegi. Þó eru þær að-
eins hluti af því sem greitt er í
stjórnarlaun hjá SI. Til að setja
upphæðirnar í samhengi þá nema
samanlagðar greiðslur til formanns,
varaformanns og fjögurra annarra í
framkvæmdaráði Samtaka fyrir-
tækja í sjávarútvegi samanlagt 575
þúsund krónum á mánuði, eða um
42 þúsund krónum minna en
greiðslur til formanns Samtaka iðn-
aðarins á mánuði.
Formaður SI hefur alltaf
verið á launum
Formaður Samtaka iðnaðarins,
Guðrún Hafsteinsdóttir, gegnir
starfi markaðsstjóra hjá Kjörís.
Varaformaður samtakanna er Eyj-
ólfur Árni Rafnsson, forstjóri
Mannvits.
Að sögn Jóns Bjarna Gunnars-
sonar, aðstoðarframkvæmdastjóra
Samtaka iðnaðarins, er hefði fyrir
því að formaður SI fái greitt fyrir
störf sín fyrir samtökin.
„Formaður og að hluta til vara-
formaður taka mjög virkan þátt í
starfi samtakanna og mæta á fundi
sem fulltrúi samtakanna í mörgum
tilfellum. Formanni hafa verið
greidd laun fyrir störf sín frá stofn-
un samtakanna og fyrir nokkrum
árum var ákveðið að greiða varafor-
manni einnig. Við lítum svo á að
bæði formaður og varaformaður
vinni alveg fyrir þessu,“ segir Jón
Bjarni.
Ólíkt hafast formennirnir að í
Húsi atvinnulífsins. Formenn
Samtaka fjármálafyrirtækja, Sam-
taka ferðaþjónustunnar og Sam-
taka atvinnulífsins þiggja engin
laun fyrir störf sín fyrir félögin.
Morgunblaðið/Kristinn
EKKI ER GREIDD ÞÓKNUN FYRIR SETU Í STJÓRN SAMTAKA ATVINNULÍFSINS OG FORMAÐUR ÞIGGUR EKKI LAUN. HJÁ STÆRSTA AÐILDARFÉLAGINU,
SAMTÖKUM IÐNAÐARINS, FÆR FORMAÐUR HINS VEGAR 617 ÞÚSUND KRÓNUR Á MÁNUÐI OG VARAFORMAÐUR ÞRIÐJUNG ÞEIRRA LAUNA.
ÖNNUR AÐILDARFÉLÖG SAMTAKA ATVINNULÍFSINS GREIÐA ÝMIST ENGIN STJÓRNARLAUN EÐA MARGFALT LÆGRI UPPHÆÐIR TIL FORMANNA.
Samtök iðnaðarins
9,9 milljónir króna,
þar af fær formaður 7,4 milljónir
Samtök fyrirtækja í sjávarútvegi
6,9 milljónir króna,
þar af fær formaður 3 milljónir
Samorka
1,4 milljónir króna,
þar af fær formaður 360 þúsund
Samtök verslunar og þjónustu
720 þúsund krónur,
aðeins formaður
Samtök fjármálafyrirtækja
0 krónur
Samtök ferðaþjónustunnar
0 krónur
Samtök atvinnulífsins
0 krónur
ÁRLEGAR GREIÐSLUR VEGNA STJÓRNARSETU