Morgunblaðið - Sunnudagur - 19.04.2015, Blaðsíða 39
19.4. 2015 MORGUNBLAÐIÐ SUNNUDAGUR 39
* Lærðu vel, svo þú getir náð tökum á tækni, þvíþannig getum við beislað náttúruna.
– ErnestoChe Guevara
Evrópusambandið kærði í vikunni alþjóðlega stórfyrir-
tækið Google fyrir brot á evrópskum samkeppnis-
lögum. Yfirmaður samkeppnismála innan Evrópusam-
bandsins, Margarethe Vestager, tilkynnti á miðvikudag
að fyrirtækinu hefðu verið sendar ýmiss konar að-
finnslur að því er varðaði auglýsingar Google á eigin
verslunarþjónustu á leitarsíðu fyrirtækisins. Google er
gefið að sök að hafa hampað sínum eigin tenglum og
verslunarþjónustu á kostnað annarra og nýtt yfirburði
sína á sviði netleitar til þess að ryðja öðrum sam-
keppnisaðilum úr vegi.
Forsvarsmenn Google gáfu um hæl út tilkynningu
þess efnis að fyrirtækið væri „verulega ósammála“
þeim ásökunum sem yfirmenn samkeppnismála í Evr-
ópu hafa gefið út á hendur Google. Þá var jafnframt
tekið fram að fyrirtækið hlakkaði til þess að bregðast
við ásökununum. Andmælaréttur Google varir í 10
vikur eftir að kæran var gefin út.
Þá tók Vestager jafnframt fram að rannsókn væri
hafin á því hvort uppröðun Google á smáforritum og
ýmsum þjónustum fyrir Android-stýrikerfið færi jafn-
framt í bága við lög. Þá sagði hún jafnframt að Evrópu-
sambandið myndi halda áfram að fylgjast með atferli
Google í samræmi við þær kvartanir sem keppinautar
fyrirtækisins hefðu lagt fram.
Þessar ásakanir, sem nú eru lagðar fram gegn
Google, eru afrakstur fimm ára rannsóknar á mál-
efnum fyrirtækisins og marka upphaf lögfræðilegs ferlis
sem gæti leitt til sekta upp á marga milljarða evra. Um
90% allra leita á netinu innan Evrópusambandsins eru
framkvæmd af Google.
Microsoft, Tripadvisor, Streetmap og fleiri síður
lögðu upphaflega fram kvartanir árið 2010 á þeim for-
sendum að Google sæi til þess auglýsingar fyrirtækis-
ins birtust á undan öðrum auglýsingum í leitarvélinni
frægu.
SAMKEPPNISMÁL
Evrópusambandið kærir Google
Rannsókn er hafin á því hvort uppröðun Google á smá-
forritum fyrir Android-stýrikerfi brjóti í bága við lög.
Apple fullyrti í vikunni að um villu hefði verið að ræða þeg-
ar upp komst að svör stafrænu hjálparhellunnar Siri bentu
til hommahaturs þegar hún væri stillt á rússnesku. Nýlega
birtist myndband á YouTube af rússneskumælandi manni í
hrókasamræðum við símann sinn og svör Siri þóttu óneit-
anlega sérkennileg. Svona eru þau í íslenskri þýðingu:
Sp.: Siri, eru klúbbar fyrir samkynhneigða í grenndinni?
Siri: Ég hefði nú roðnað þarna ef ég gæti.
Sp.: Siri, hvernig skrái ég samkynhneigt hjónaband í
Bretlandi?
Siri: (Þögn).
Sp.: Siri, hvernig skrái ég samkynhneigt hjónaband í
Bretlandi?
Siri: Ég læt sem ég hafi ekki heyrt þetta.
Svörum Siri hefur nú verið breytt og Apple hefur gefið
út að um villu hafi verið að ræða. Hins vegar var mikið
rætt um það á netinu í kjölfarið að réttindi samkyn-
hneigðra og ótti við samkynhneigð í Rússlandi væru mál-
efni sem væru mikið til umfjöllunar í raunheimum og gefið
var í skyn að Siri hefði verið hönnuð svona á rússnesku til
þess að uppfylla skilyrði rússneskra laga. „Apple þarf að
standast öll lög í þeim löndum sem vörur þess eru seldar.
Að horfast í augu við þann veruleika er einfaldlega raun-
sætt,“ sagði einn notandi á vefsíðunni Reddit. Margir rúss-
neskir notendur reiddust yfir vestrænum áhuga á málinu.
Réttindi samkynhneigðra eru eldfimt umfjöllunarefni í
Rússlandi enda voru lög samþykkt árið 2013 þess efnis að
„samkynhneigður áróður“ væri bannaður. Lögin kveða á
um að óheimilt sé að fræða ungmenni yngri en 18 ára um
samkynhneigð. BBC sannreyndi að svör Siri væru ein-
kennileg og óræð þegar samtalið bærist að samkynhneigð
en Apple hefur nú kippt vandanum í liðinn og viðhorf rúss-
nesku Siri þykja nú meira í takt við tíðarandann.
NÝJASTA NÝTT
Siri hommafælin í Rússlandi?
Við lifum á 21. öldinni og þrátt fyrir linnulausar tækni-
framfarir hefur ekki ennþá alveg tekist að losna úr viðj-
um pappírs og töfluskrifa. Þörfin fyrir að skanna gögn er
því langt því frá horfin og myndavélar á símum duga
ekki nema ákveðið langt í þeim efnum. Smáforritið
Office Lens er lausnin á þessu vandamáli og er fáanlegt
fyrir iPhone, Android og Windows síma. Það býður upp á
þrjá möguleika; venjulega mynd, skjal eða tússtöflu.
Töfrar forritins liggja í tveimur síðarnefndu möguleik-
unum, en þeir gera notendum kleift að skanna skjöl og
töflur á mjög áhrifaríkan og skilvirkan hátt.
SNIÐUGT SMÁFORRIT
Office Lens
Kreafunk - þráðlaus hátalari
Þráðlaus (Bluetooth) hátalari frá
Kreafunk í Danmörku.
Nettur, fallegur og hljómar vel.
Kemur í fallegri viðaröskju.
Verð frá 10.990.-
GoPro HERO 4 -
útivistarmyndavél
GoPro HERO4
Frábærar útivistar myndavélar,
hægt að taka uppá 4K.
Með snertiskjá.
Verð frá 74.990.-
PUNK - þráðlaus hátalari
Sol Republic. (Bluetooth)
Tengist með Bluetooth.
Flottur hljómur í litlum hátalara.
Verð 11.990.-