Morgunblaðið - Sunnudagur - 19.04.2015, Blaðsíða 8

8 MORGUNBLAÐIÐ SUNNUDAGUR 19.4. 2015
Duglegir embættismenn telja þaðáhyggjuefni hversu seint Ísland inn-leiðir reglur ESB sem teknar eru upp
í EES-samninginn. Ég hef hins vegar lýst því
hér á þessum vettvangi að innleiðingarhallinn
svokallaði sé ekki áhyggjuefni heldur innleið-
ing sem slík, með hvaða hætti EES-reglurnar
eru innleiddar. Eftir að ég tók sæti nýlega á
alþingi hef ég þó séð lagafrumvörp sem ætlað
er að innleiða EES-reglu en gera það þó ekki,
ýmist þannig að frumvarpið gerir ráð fyrir
ákvæðum sem ekki eru í EES-gerðinni eða
þannig að einhverjum atriðum úr EES-
gerðinni er sleppt. Dæmi um þetta er tilskipun
Evrópusambandsins 2009/28/EB um endurnýj-
anlega orku í samgöngum. Í henni er gert ráð
fyrir að margfalda megi orkunotkun rafbíla,
sem nýta rafmagn frá endurnýjanlegum orku-
gjöfum, með 2,5 þegar kemur að því að reikna
út vægi þeirra hvað endurnýjanlega orku varð-
ar. Eða eins og segir í grein 3 lið 4(c) tilskip-
unarinnar: “ Við útreikning á notkun raforku
frá endurnýjanlegum orkugjöfum vegna
rafknúinna ökutækja til aksturs á vegum frá
endurnýjanlegum orkugjöfum skal sú notkun
ennfremur teljast vera 2,5 sinnum orkuinnihald
raforkuílagsins frá endurnýjanlegum orkugjöf-
um.“
Þetta er ekki gert að ástæðulausu og í þessu
felst engin ívilnun fyrir rafmagnsbíla. Rafbílar
nýta orku um þrisvar sinnum betur en bíll sem
til dæmis er knúinn er öðru endurnýjanlegu
eldsneyti á borð við lífolíur. Á Íslandi er
ógrynni endurnýjanlegrar raforku en nánast
ekkert af lífolíum (etanóli eða lífdísil). Ákvæði
tilskipunarinnar um rafbíla gæti því verið sér-
lega mikilvægt fyrir Ísland ef rafbílar verða
álitlegur kostur fyrir almenning án stórfelldra
skattaívilnana.
Þess vegna vekur furðu að vinstristjórnin á
síðasta kjörtímabili leiddi þessa tilskipun í ís-
lensk lög vorið 2013 án þessara sjálfsögðu
reiknireglu fyrir rafbílana, sem tilskipunin
kveður þó skýrt á um. Það hefur í för með sér
að til þess Íslendingar nái markmiði Evrópu-
sambandsins um 10% hlut endurnýjanlegs elds-
neytis í samgöngum þyrftu um 25% bílaflotans
að ganga fyrir rafmagni. Hins vegar þyrftu að-
eins 10% bílaflotans að nota innflutt lífelds-
neyti til að ná þessu 10% hlutfalli. Í dag er raf-
bílunum þannig refsað fyrir góða orkunýtni.
Um leið er hvatt til innflutnings á dýrum líf-
olíum sem oft hafa lægra orkuinnihald en hefð-
bundið eldsneyti og leiða því til aukinnar elds-
neytisnotkunar og mikillar gjaldeyrissóunar.
Þessi handvömm vinstristjórnarinnar varð-
andi rafbíla er eitt þeirra atriða sem við Frosti
Sigurjónsson og Willum Þór Þórsson viljum
lagfæra með frumvarpi okkar um breytingar á
lögum um endurnýjanlegt eldsneyti í sam-
göngum á landi.
Steinn var lagður í götu rafbíla
* Í stjórnsýslu skiptirbæði máli formið ogefnið. Það er til lítils að
standast formkröfur ef efnið
heldur ekki vatni.
ÚR ÓLÍKUM ÁTTUM
Sigríður Ásthildur
Andersen
sigga@sigridur.is
Rithöfundurinn
Andri Snær
Magnason vitn-
ar í grein sem
birtist í London
Evening Standard
í vikunni þar sem fjallað er um
að hipsterinn í London sé á
hverfanda hveli. Andri Snær skrif-
ar á Twitter: „Okkur er vandi á
höndum. Hipsterinn í London er
sagður dauður og krúttið tekið
við. En hér var þetta samheiti!“
Þessa dagana
eru ungmenni
fermd um hverja
helgi og Hrað-
fréttakonan
Steiney Skúla-
dóttir er greinilega ein þeirra
sem sótt hafa slíka veislu en hún
skrifaði á Twitter: „Það er svo
erfitt að vera ekki kaldhæðin á
fermingarkorti „… nú mun lífið
svo sannarlega breytast með
Guð þér við hlið alla daga!““
Á Facebook er í gangi ákveð-
inn samkvæmisleikur sem snýst
um að fólk deilir því með vinum
sínum hvað það er þakklátt fyrir
í lífinu en gera á slíkt í sex daga
og nefna eitthvað þrennt á hverj-
um degi. Hráfæð-
iskokkurinn Sól-
veig Eiríksdóttir,
eða Solla Eiríks,
sagðist meðal
annars vera þakk-
lát fyrir það í vik-
unni að:
„… heimsækja Ágúst ömmustrák
sem er lasinn og nennti samt að
reyna að kenna ömmu sinni leik í
iPadnum: „Amma, ég held að
hæfileikar þínir liggi annars stað-
ar.“
Aðstoðarrit-
stjóri Vikunnar,
Guðríður Har-
aldsdóttir, er
mikill aðdáandi
sjónvarpsþátt-
anna Bold & the Beautiful og
skrifaði á Facebook í vikunni:
„Brooke er hætt að stinga undan
dóttur sinni, Bridget (hvar er
Bridget?) en er nú orðin ólétt
eftir Bill, mág sinn. Eric, fyrrver-
andi eiginmaður hennar og síðar
tengdafaðir, neitar að giftast
henni til að feðra barnið, enda er
hann á föstu með hinni fv.
tengdadóttur sinni; Taylor, geð-
lækninum með varirnar. Boldið
er svo mikið æði.“
AF NETINU
Viðtal við meðlimi hljómsveitarinnar Of
Monsters and Men birtist í vikunni í banda-
ríska tónlistartímaritinu Billboard en í við-
talinu segjast þau orðin mun persónulegri og
á dýpri nótum í sinni annarri breiðskífu, Be-
neath The Skin, sem kemur út í sumar.
Söngvari og gítarleikari sveitarinnar,
Ragnar Þórhallsson, segir frá því að hljóm-
sveitarmeðlimir séu orðnir afar nánir eftir
að hafa túrað lengi með lög fyrstu plötu
sinnar og kannski lögin þess vegna orðin
mun persónulegri. „Við semjum núna meira
um okkur sjálf en um það sem þarna úti,“
sagði Ragnar í viðtalinu. Hann segir jafn-
framt frá því að þau í hljómsveitinni hefðu
aldrei getað ímyndað sér að tónlist fyrstu
plötu þeirra yrði svo ótrúlega vinsæl og
svona ótrúlega hratt.
Ragnar segir tónlistina þyngri, bæði
texta- og tónlistarlega séð og hljómsveit-
armeðlimir hafi allir verið samtaka í því að
vilja hafa tónlistina þannig á næstu plötu
þrátt fyrir að vera ekki einu sinni búin að
ræða það sín á milli. Það hafi komið á óvart.
Það var þó ekki endilega auðvelt ferli fyrir
meðlimi hljómsveitarinnar að verða svo náin
sem þau eru í dag, samkvæmt viðtalinu í
Billboard.
„Að opna okkur svona fyrir hvert öðru og
ræða hluti sem eru afar persónulegir var
erfitt, en ég held hins vegar að það geri okk-
ur kleift að skrifa betri lagatexta – að vera
heiðarleg,“ sagði Ragnar í samtali við blaða-
mann tímaritsins
Framundan er stíft tónleikaferðalag sem
hefst í Toronto 4. maí en þar til þá dvelja
meðlimir Of Monsters and Men hér á landi
og slaka á fram að stífri tónleikavinnu en
ferðast verður um öll Bandaríkin, Evrópu,
Ástralíu og Japan næstu mánuði.
Eins og stendur hafa 1,8 milljónir notenda
Youtube horft á myndbandið við lagið Crys-
tals af nýju plötunni með Sigurði Sigurjóns-
syni leikara í aðalhlutverki.
Ragnar Þórhallsson, söngvari og gítarleikari Of Monsters and Men, segir sveitina skrifa betri laga-
texta eftir að meðlimir sveitarinnar opnuðu sig hver fyrir öðrum.
Photo/Of Monsters and Men
Segja það hafa reynt
á að opna sig
Vettvangur