Morgunblaðið - Sunnudagur - 07.06.2015, Blaðsíða 2

Við hvaða tilefni treður þú fyrst upp sem uppistandari á Íslandi og
hvernig hefur gengið síðan?
„Ég tróð upp í fyrsta skipti á Næsta bar fyrir sex árum. Mig langaði til þess að halda
kvöld þar sem einungis konur kæmu fram því þá voru svo fáir kvenkyns grínistar.
Vandamálið var samt að það vildi enginn koma fram. Ég hafði aldrei ætlað mér að
vera með uppistand en gerði það einungis af þrjósku, því mér fannst algjörlega
misheppnað að skipuleggja kvennauppistandskvöld ef enginn kæmi fram. Ég
komst svo að því að ég var bara frekar fyndin.“
Hvað fleira hefurðu verið að bralla?
„Ég er að útskrifast núna úr Listaháskóla Íslands af sviðshöfundabraut. Ég
var að enda við að klára útskriftarverkefnið mitt sem var klukkutíma uppi-
stand þar sem ég talaði aðallega um það hvernig er að vera dökkur á hörund á
Íslandi. Ég geri grín að fordómum annarra sem og mínum eigin.
Hverju viltu helst koma til skila sem listamaður?
„Að það sé meiri fjölbreytni í listasenunni. Að það séu fleiri sögur sagðar en
þær sem við erum vön að heyra og að listamenn séu með ólíkan bakgrunn,
það skiptir máli. Ég hef til dæmis mjög mikinn áhuga á Norður-Afríku þar
sem ég er ættuð þaðan og það kemur mikið fram í minni list. Ég vil ekki
gera list fyrir aðra listamenn sem annað fólk hefur ekki aðgang án þess að
vera með einhvern listabakgrunn.“
Hvernig er landslagið að breytast fyrir íslenska grínista?
„Það er rosalega mikil gróska núna. Ég hef það sterklega á tilfinningunni
að senan sé að lyftast á nýtt level. Kannski verður þetta eins og tónlist-
arsenan þar sem uppistandarar verða með útrás og fá samninga í útlöndum.
Reyndar eru nokkrir sem hafa verið að skemmta erlendis. Ef þetta heldur
svona áfram þá giska ég á að Ísland sé eiginlega of lítið land fyrir alla þessa
grínista.“
Hverjir eru í þínum huga bestu grínistar íslensku senunnar?
„Þeir eru þrír sem ég lít mikið upp til. Hugleikur fær mig alltaf til þess að hlæja, sama
hversu oft ég hef séð efnið hans, hann hefur svo skemmtilega nálgun á kúk og pólitík að
það er eiginlega aðdáunarvert hvernig hann nær að blanda þessu saman. Ari Eldjárn er
rosalega góður í að gera grín að öllu, hann gæti talað um einhvern mjög hversdagslegan
hlut eins og fægiskóflu í klukkutíma og fólk lægi í gólfinu. Ragnar Hansson nær að
blanda saman mjög einlægum sögum um sjálfan sig við einhverja ákveðna hug-
myndafræði, hann er vitsmunalegur og fyndinn á sama tíma.“
Hvað er það besta við að troða upp sem grínisti?
„Að heyra fólk öskra úr hlátri yfir einhverju sem þú bjóst til og settir fram er eitt besta
kikk sem ég veit um. Uppistand er bara eitt stórt adrenalínkikk því það fylgir þessu svo
mikil áhætta, þér líður í alvörunni eins og þú sért að leggja líf þitt að veði upp á sviði.
Eins gefandi og þetta starf getur verið getur það líka orðið mjög auðveldlega að fé-
lagslegu sjálfsmorði.“
ÞÓRDÍS NADÍA SEMICHAT
SITUR FYRIR SVÖRUM
Byrjaði af ein-
skærri þrjósku
Í fókus
2 MORGUNBLAÐIÐ SUNNUDAGUR 7.6. 2015
Á fullkomnum sunnudegi er ég ekki þunnur
og horfi á fótbolta. Ég fæ mér að éta á Ólsen
Ólsen í Keflavík og horfi á fótbolta hjá vini
mínum.
Gunnbjörn Ólafsson
Mér finnst gott að sofa lengi að vera tilbúin
fyrir vikuna. Klára að læra og vera í kósý föt-
um allan daginn og hitta bestu vinina.
Júlíana Dögg Ómarsdóttir
Ég hef örugglega bara kósý með vinum mín-
um eða læri og er heima í kósý fötum.
Langafi minn kemur líka alltaf í mat á sunnu-
dögum.
Sara Leif Sigurbergsdóttir
Ritstjóri Davíð Oddsson
Ritstjóri og framkvæmdastjóri Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
SPURNING VIKUNNAR HVERNIG ER HINN FULLKOMNI SUNNUDAGUR?
Ég vil bara hafa það gott heima, slappa af og
njóta dagsins. Lambið kemur líka alltaf sterkt
út. Það er alltaf best. Svo er fiskurinn líka
góður alla daga.
Kristinn Bjarnason
Morgunblaðið/Júlíus
Veturinn er ekki á enda á
hálendi landsins. Enn er
mikill snjór við helstu
fjallaskála Ferðafélags Ís-
lands og Útivistar að sögn
framkvæmdastjóra félag-
anna. Leiðin að Land-
mannalaugum er enn lokuð
og einhverjar gönguleiðir
verða opnaðar seinna í ár
en vanalega. Heilsa 24
Í BLAÐINU
Forsíðumyndina tók
Júlíus Sigurjónsson
Erna Björk Antonsdóttir
ákvað, eftir að hafa greinst
með brjóstakrabbamein, að
fara í mósaíknám til Ítalíu. Þar
lærði hún aðferð sem notuð
var til forna við að höggva
niður marmara og vinnur nú
mósaíkverk sem eru unnin úr
íslensku grjóti. Hönnun 26.
Tapað-fundið heitir skáldsaga Árelíu Eydísar Guð-
mundsdóttur, sem er annars þekktust fyrir fræða-
störf. Hún segist hafa haft rómantíska sýn á það
hvernig væri að vera rithöfundur, en annað kom á
daginn. Bækur 58
Ferðalag um ævintýra-
landið Víetnam, frá þús-
und eyja flóum til af-
skekktra fjallaþorpa, er
rakið í ferðaopnu. Víet-
nam er svo kynngimagn-
aður áfangastaður að allir
ferðalangar ættu að hafa
hann í sigtinu, ef þeir hafa
ekkert á móti smá æv-
intýri. Ferðalög 20
Þórdís Nadía Semichat er grínisti og magadanskennari með meiru. Hún er nýútskrifuð af sviðs-
höfundabraut LHÍ og mun skemmta með Sirkus Íslands í sumar. Henni finnst gaman að elda
mat og kvarta yfir hlutunum, en kvartið telur hún nýtast vel í uppistand.