Morgunblaðið - Sunnudagur - 07.06.2015, Blaðsíða 25

Göngusumarið á næsta leiti
Langur og harður vetur og fáir og heldur kaldir vordagar bjóða
útivistarfólki upp á heldur napurlegar aðstæður í upphafi göngusumarsins.
Að venju liggur fyrir glæsileg dagskrá göngu- og ævintýraferða hjá
Ferðafélagi Íslands og Útivist en bæði félög eiga og reka fjallaskála um allt
land. Ástandið er þó víða þannig að göngumenn þurfa að grafa sig inn í
skálana gegnum mikinn snjó enda ræður vetur konungur enn ríkjum á
hálendi landsins þrátt fyrir að sumarið sé formlega gengið í garð.
Páll Guðmundsson, framkvæmdastjóri Ferðafélags Íslands, og Skúli
Skúlason, framkvæmdastjóri Útivistar, eru sammála um að sumarið sé
seinna á ferð í ár en í eðlilegu árferði og líkur séu á að einhverjir af
skálum félaganna verði opnaðir fyrir þreyttum ferðalöngum seinna í ár en
undanfarin ár. „Skálarnir okkar að Fjallabaki eru opnaðir í kringum 25. júní
í venjulegu árferði en það má búast við því að það verði eitthvað seinna í
ár,“ segir Skúli en hann segir það ráðast af því hvenærVegagerðin treysti sér
til að opna vegi á svæðinu.
Snjór liggur yfir nærri öllu hálendinu og eru hálendisvegir flestir lokaðir
og þar með flestir fjallakofar og skálar íslensku ferðafélaganna. „Það skiptir
ekki máli hvort það eru skálar í Friðalndi að Fjallabaki eða á hálendinu
almennt, meðan vegir og svæði eru lokuð er ekki hægt að opna skálana.
Það verða allir að sýna náttúrunni þá virðingu,,“ segir Páll. Skálarnir sem
þó er búið að opna koma vel undan vetrinum að sögn Páls og víða er sólin
farin að bræða burt snjóinn. „Við þurfum ekki nema nokkra daga af hlýju
veðri og sól til að ganga vel á snjóinn. Þetta gerist hratt en mikilvægt að
gefa náttúrunni tíma. Það verður mikið krap þegar snjórinn er að bráðna
og síðan aurbleyta og mikilvæt að fara ekki of snemma af stað. Þannig sneri
gönguhópur erlendra ferðamanna, sem lagði af stað frá Þórsmörk á leið
upp Fjallabak , við eftir að hafa lent í miklu krapi.
Mikilvægt að virða náttúruna
Gönguleiðir um allt land eru að koma undan vetri og víða á
höfuðborgarsvæðinu er hægt að ganga án þess að þurfa að stíga í snjó.
Skúli bendir þó göngufólki á að virða náttúruna og leyfa henni að jafna
sig örlítið eftir veturinn. „Náttúran getur verið viðkvæm strax eftir að
snjórinn bráðnar og mikilvægt að fólk hafi það í huga ef það hyggur á
göngur í byrjun júní.“ Hjá Ferðafélagi Íslands segir Páll að fararstjórar
kanni vinsælar gönguleiðir
eins og Leggjabrjótinn og
Síldarmannagötur en árlega
gengur stór hópur fólks
yfir Leggjabrjót aðfaranótt
þjóðhátíðardagsins, 17. júní.
„Við munum kanna þessar
leiðir og aðrar þegar nær
dregur stórum göngum hjá
okkur.“
Laugavegurinn
Gönguleiðin milli Landmannalauga og Þórsmerkur, Laugavegurinn, er
ein fjölfarnasta gönguleið á öræfum landsins enda gengið um einstaka
og stórbrotna náttúru. Leiðin er að jafnaði opnuð á tímabilinu 15. til 20.
júní, þegar skálar Ferðafélags Íslands eru tilbúnir að taka á móti þreyttum
ferðalöngum, en vegna kulda í vor er hætta á einhverjum töfum. Páll
Guðmundsson, framkvæmdastjóri FÍ, segir enn snjóþungt á leiðinni og
er allt að 2 metra snjór umhverfis skálann við Hrafntinnusker, sem er
fyrsti skálinn á leið göngumanna frá Landmannalaugum. „Snjórinn við
Höskuldsskála í Hrafntinnuskeri er allt að tveir metrar og á leiðinni inn að
Álftavatni og síðar að Hvanngili allt að eins metra snjór. Það var hópur fyrir
skemmstu í Hrafntinnuskeri að setja upp neyðarsendi og þurfti að grafa sig
inn í skálann.“
Fyrstu hópar erlendra ferðamenna sem hyggjast ganga Laugaveginn eru
skráðir 15. júní og segir Páll að miðað við aðstæður í dag verði mjög
tvísýnt með þær ferðir
og Umhverfisstofnun og
Vegagerðin verði að segja
til um það. Maímánuður var
kaldari í ár en undanfarin ár
og við erum því við öllu búin
að þurfa að breyta eða fresta
ferðum. Við skulum samt ekki
gleyma því að þetta er fljótt
að breytast ef aðstæður verða
góðar.“Mynd frá Hrafntinnuskeri
Strútsskáli að sumarlagi
7.6. 2015 MORGUNBLAÐIÐ SUNNUDAGUR 25
F
anney Hauksdóttir, sautján ára Reykjavíkurmær, varð á dögunum heims-
meistari í bekkpressu unglinga í annað skipti. Með því tryggði hún sér
heimsmetið í greininni en hún lyfti 145,5 kílóum. Hún elskar að keppa og
finnst dagurinn verða betri eftir góða æfingu.
Hversu oft æfir þú í viku? „Ég æfi fjórum sinnum í viku.“
Henta kraftlyftingar öllum? „Það skemmtilega við kraftlyftingar er að allir
geta tekið þátt í þeim. Þetta er fyrst og fremst frábær hreyfing, en svo getur
fólk valið hvort það vill keppa eða ekki.“
Hvað er það besta við kraftlyftingar? „Þetta er frábær hreyfing sem gef-
ur manni kost á að keppa á mótum. Ég er mikil keppnismanneskja og elska
að fara á mót. Ætli þau standi ekki upp úr. Svo er félagsskapurinn frábær,
það er alltaf gaman að mæta.“
Hver er lykillinn að góðum árangri? „Mér finnst skipta miklu máli að
setja sér raunhæf markmið sem maður getur byrjað að vinna að. Svo er
það samviskusemi og þolinmæði sem hjálpar manni að komast nær
markmiðunum. Það koma alltaf erfið tímabil, en það er mikilvægt að
gefast ekki upp og halda áfram þótt á móti blási.“
Hvernig heldurðu þér í formi þegar þú ferð í frí? „Þegar maður er
að keppa í íþróttum er ekki mikið frí í boði. Það er best að æfa jafnt og
þétt til að halda sér í góðu keppnisformi.“
Ertu almennt meðvituð um mataræðið? „Ég passa vel að borða
hollan og fjölbreyttan mat. Ég er ekki með mataræðið á heilanum en
er meðvituð um að góð næring er mikilvæg fyrir árangur í íþróttum.“
Hvaða óhollusta freistar þín? „Ég er svakaleg ís-kona. Það er ekkert
sem toppar bragðaref í ísbúðinni á Hagamel!“
Hvaða gildi hefur hreyfing fyrir þig? „Hreyfing lætur mér fyrst og
fremst líða mjög vel, dagurinn verður bara svo miklu betri þegar mað-
ur er búinn að taka góða æfingu.“
Hver eru algeng mistök hjá fólki við æfingar? „Ég held að allt of
margir fari of hratt af stað og geri æfingarnar ekki alveg rétt. Það er
mikilvægt að fá leiðbeiningar þegar farið er af stað og finna hreyfingu
sem manni finnst skemmtileg. Svo er það bara þolinmæðin, framfarirnar
koma ekki á einni nóttu, það þarf að vinna fyrir þeim.“
Hverjar eru fyrirmyndir þínar? „Ég á flotta og hrausta ömmu, Fanneyju
Ófeigsdóttur, sem er frábær fyrirmynd.“
Hver eru helstu íþróttaafrek þín? „Heimsmet í bekkpressu unglinga
2015, heimsmeistari unglinga í bekkpressu 2014 og 2015, stigahæsti ung-
lingur á heimsmeistaramóti í bekkpressu 2014 og 2105 og Íslandsmeist-
ari í bekkpressu 2013, 2014 og 2015.“
Hvaða mót eða æfingabúðir eru næst á dagskránni hjá þér?
„Æfingabúðir Ingimundar Björgvinssonar halda áfram næstu
vikur, en svo er stefnan tekin á Evrópumót í opnum flokki í
bekkpressu sem er haldið í Tékklandi í ágúst.“
KEMPA VIKUNNAR FANNEY HAUKSDÓTTIR
Morgunblaðið/Eva Björk
Mikil keppnismanneskja
Margar matvörur innihalda magnesíum og er því vel hægt að borða
góðan og hollan mat í stað þess að taka fæðubótarefni. Magnesíum
er meðal annars að finna í dökku blaðgrænmeti, hnetum og fræjum,
baunum, avókadó, banönum og dökku súkkulaði.
Magnesíum í mörgum mat*Finndu aldrei hamingjuþína í ógæfu annarra.Publilius Syrus
Umferðarmiðstöðin BSÍ • 101 Reykjavík • 580 5400 • main@re.is • www.re.is
VIÐ
SKUTLUM
ÞÉR! Alltaf laus sæti
Frí þráðlaus internet-
tenging í öllum bílum
Hagkvæmur kostur
Alltaf ferðir
Ferðatími u.þ.b.
45 mínútur
Umhverfisvænt
Kauptu miða núna á
www.flugrutan.is
Áætlunarferðir Flugrútunnar eru í tengslum við allar
komur og brottfarir flugvéla um Keflavíkurflugvöll.
OR
*Miðast við að keyptur sé miði fram og til baka frá BSÍ eða Keflavíkurflugvelli á 3.500 kr.
1.750 kr.*
FYRIR AÐEINS