Morgunblaðið - Sunnudagur - 07.06.2015, Blaðsíða 36

Græjur
og tækni *Aðdáendur hljómsveitarinnar Queen getaglaðst yfir því að leikur helgaður hljómsveit-inni er nú fáanlegur fyrir iPhone og Android-síma. Í leiknum geta menn komist á snoðirum það hve mikið þeir vita um hljómsveitina,leyst ýmsar þrautir og unnið til verðlauna,þar á meðal styttur af Freddie Mercury. Einn-ig geta þeir hlustað á tónlist og keypt Queen-
tengdan varning.
Hvað veistu um Queen?
Hægt og bítandi lagði Samsung undir sig Android-heiminn, síma fyrir síma, og enginn framleiðandivirtist þess megnugur að etja kappi við kóreska ris-
ann þótt sumir hafi þeir kynnt prýðilega síma, jafnvel frá-
bæra. Oftar en ekki vildi fólk þó ekki aðra síma en frá
Samsung vegna þess að samkeppnissímarnir voru ekki nógu
spennandi; þeir voru kannski góðir, en það vantaði eitthvað
uppá í hönnun eða útfærslu. LG-símar voru til að mynda
ekkert ýkja eigulegir forðum, en
með G2 breyttist allt, þar var
kominn sími sem skar sig úr
hvað varðaði útlit og tæknilega
útfærslu – framúrskarandi sími.
Þar næst kom G3 sem var ekki
síður framúrskarandi og í raun
besti Android-farsími á markaði
síðastliðið haust.
Síðan hefur sitthvað gerst á
símamarkaði, nýr iPhone kom á
markað og Samsung kynnti afbragðsapparatið Galaxy S6 /
Galaxy S6 Edge og það er því með nokkurri eftirvæntingu
sem maður tekur upp nýtt flaggskip LG, G4.
Það sést strax að LG hefur ákveðið að fara aðrar leiðir
en Samsung og Apple, því hægt er að opna símann og taka
rafhlöðuna úr, en eins og menn þekkja hugsanlega eru Gal-
axy S6- og iPhone-farsímar þeirrar náttúru að ekki er hægt
að opna þá. Ekki skiptir rafhlaða þó mestu máli í því sam-
bandi heldur sú staðreynd að fyrir vikið er hægt að setja í
símann minniskort eða skipta út korti fyrir enn stærra kort
ef vill – síminn styður Micro SD-kort upp í tvö terabæti,
sem kemur sér vel ef slík kort koma á markað, stærstu
kort sem hægt er að fá í dag eru 200 GB.
Síminn fer líka einkar vel í hendi, er traustbyggður og
sterklegur þegar hann er kominn í höndina, en þótt maður
taki ekki eftir því strax þá er hann aðeins sveigður og fyrir
vikið er örlítið þægilegra að halda honum upp að eyranu –
ekkert sem skiptir miklu máli, en snyrtilega gert. Líkt og
með aðra síma í G-línunni eru hnappar á bakinu, nokkuð
sem mér fannst ankannalegt þegar ég prófaði G2 á sínum
tíma, en svo vandist það og þótt ég kjósi enn heldur að
hafa þá á hliðinni hefur það ýmsa kosti að hafa þá á bak-
inu og maður venst því eiginlega undireins eða svo gott
sem.
Hægt er að fá símann í
býsna mörgum tilbrigðum –
hefðbundið bak og svo leð-
urklætt. Síminn sem ég skoðaði
var einmitt með leðurklæddu
baki, ljósbrúnt leður, sem lyfti
símanum óneitanlega í annan
klassa og gerði að verkum að
það var miklu þægilegra að
halda á honum fyrir vikið. Ekki
veit ég hvort öll afbrigði verða
til hér, en LG hefur kynnt sím-
ann með ljósbrúnu baki, vín-
rauðu, ljósbláu, gulu, gráu og
svörtu, en einnig er hægt að fá
hann með hvítu, gráu og dökk-
gráu plastbaki – litatilbrigðin
má sjá hér fyrir neðan. Rétt að
nefna það að þótt ég segi að
bakið sé úr plasti, þá er ker-
amíkögnum blandað í plastið til
að gera það sterkara og stam-
ara. Athugið líka að saumurinn
á bakinu er bara til skrauts.
Tæknina á bak við skjáinn
kalla LG-bændur Quantum
Display, en þá er ekki bara
hvít baklýsing (og litasíur)
heldur er líka notuð blá baklýsing og fyrir vikið eru litir
mun skærari og mettaðri en á eldri gerðum. Ég var ekki
með G3 við höndina til að bera saman, en mér fannst
skjárinn talsvert betri en á Samsung Galaxy S5 til að
mynda, en S6 hefur enn vinninginn.
Eitt af því sem símaframleiðendur hafa notað til að skera
sig úr í samkeppninni er að bæta alls kyns aukadóti í
Android-stýrikerfið. Stundum er það bæði gagnlegt og gott,
en svo er það oft bara til trafala. Eftir að Google greip í
taumana fyrir nokkrum árum og
setti strangari reglur um hverju
mætti bæta við stýrikerfið dró
heldur úr og þar hefur LG geng-
ið á undan með góðu fordæmi og
tálgað mesta óþarfann af not-
endaskilum LG-síma.
Vissulega er útlitið ekki allt,
þótt það sé náttúrlega misjafn
hvað fólk leggur mikla áherslu á
það alla jafna, en það er ekki
upp á neitt að klaga hvað varðar
tæknilega útfærslu á símanum og
þá sérstaklega þegar myndavélin
er annars vegar, því hún er sér-
deilis glæsileg og reyndar ein
magnaðasta myndavél í farsíma
sem ég hef komist í tæri við.
Myndflagan er 1/2,5" að stærð og
upplausnin 16 MP (5.312 x 2.988
dílar). Hristivörn er í linsu og
sjálfvirkur fókus notar leysigeisla
til að skerpan verði sem mest.
Linsan er f/1,8, sem er óvenju
hröð linsa í snjallsíma. Svo er sér-
stakur litaskynjari við hliðina á
flassinu sem greinir umhverfisliti
og velur réttan styrk á flassið.
LG G4 kostar 119.990 kr. hjá
Nova og nákvæmlega sama hjá Símanum, í báðum tilvikum
með leðurbaki. Án leðurs kostar hann 114.990 kr. hjá Nova.
(Er það of dýrt? Þá minni ég á að LG G3 er enn frábær
sími og hann kostar bara 69.990 kr. hjá Símanum og sama
hjá Nova.)
FÁIR SÍMAFRAMLEIÐENDUR STANDAST SAMSUNG SNÚNING, EN LG GEFST EKKI UPP OG HEFUR REYNDAR NÁÐ BÝSNA LANGT MEÐ G-LÍNU SÍNA.
NÝR LG-SÍMI, LG G4, FER EIGIN LEIÐIR Í ÚTLITI OG HÖNNUN MEÐ GÓÐUM ÁRANGRI – MÁ BJÓÐA ÞÉR SÍMA MEÐ BLEIKU LEÐRI?
* Á símanum er Android 5.1 og ofan á því svoOptimus-notendaskil LG (útgáfa 4.0). Við fyrstu sýn
er ekki yfir neinu að kvarta, svörun í símanum er
mjög góð. Örgjörvinn í honum er Qualcomm
MSM8992 Snapdragon 808 með tveggja kjarna 1,82
GHz Cortex-A57 og fjögurra kjarna 1,44 GHz Cor-
tex-A53. Í símanum er innrauður sendir svo hægt er
að nota símann sem fjarstýringu ef vill.
* Skjárinn er 5,5" IPS-skjár og upplausnin 2.560 x1.440 dílar sem gefur 538 díla á trommu og ótrúlega
skerpu. Síminn er annars 148,9 x 76,1 mm að stærð,
en mis-þykkur eftir því hvar er mælt, þynnstur við
jaðarinn, 6,3 mm,, en nær annars mest 9,8 mm.
Heldur stærri um sig en Galaxy S6, svo þeim sam-
anburði sé haldið áfram. Hann er 155 g að þyngd.
Græjan
ÁRNI
MATTHÍASSON
G3 er óneitanlega glæsilegur í ljósbrúnu leðri.
TILBRIGÐI VIÐ SNILLD
Einhverjir muna kannski eftir
Ara-verkefninu, en það snerist
um það að þróa farsíma sem
settur er saman úr mörgum ein-
ingum. Hverri einingu má síðan
skipta út eftir því sem þörf kref-
ur, hvort sem hún hefur bilað
eða maður vill bara uppfæra.
Á Google I/O ráðstefnunni
fyrir stuttu sýndu menn slíkan
síma, drógu grind úr pússi sínu
og röðuðu í hana ýmsum ein-
ingum og kveiktu á símanum.
Þegar búið var að sanna að sím-
inn virkaði bætti kynnirinn síðan
myndavélaeiningu við og tók
mynd af viðstöddum.
Hugmyndin að verkefninu varð
til hjá Google, en Google ætlar
þó ekki að framleiða símaeining-
arnar, það eina sem Google mun
láta smíða er grindurnar fyrir
símana. Grind verður hægt að
kaupa í kassa á um 5.000 kr.
með grunneiningum eins og raf-
hlöðu, skjá, örgjörva og einingu
fyrir þráðlaust net. Seinna á
þessu ári verða svo fyrstu Ara-
símarnir boðnir til sölu í Púertó-
ríkó.
BÚTASÍMI
Ara-sími verður
að veruleika