Morgunblaðið - Sunnudagur - 07.06.2015, Blaðsíða 38
38 MORGUNBLAÐIÐ SUNNUDAGUR 7.6. 2015
Græjur og tækni
Fyrir þá sem eiga síma með innbyggðum
penna, eins og til dæmis Samsung Galaxy
Note, er handhægt að geta leyft börnunum
að breyta símanum í litabók. Hægt er að
opna autt „blað“ og leyfa sköpunargleðinni
að flæða yfir skjáinn í ýmsum litum.
Litað á síma
E
ftirvænting eftir nýjungum
frá Microsoft hefur ekki
náð sömu hæðum og vörur
helsta keppinautarins,
Apple. Núna gæti þó orðið breyt-
ing á en hugbúnaðarrisinn hefur
ýtt úr vör nýju stýrikerfi sem
nefnist Windows 10 og verður að-
gengilegt almenningi 29. júlí á
þessu ári. Gunnar Karl Níelsson,
yfirmaður sölusviðs Microsoft á Ís-
landi, segir stýrikerfið vera bylt-
ingarkennt og í anda þeirra hug-
mynda Microsoft að þjónusta
notendur sína með sem bestum
hætti, sama hvaða tæki hugbún-
aðurinn er notaður á. „Segja má að
Windows 10 sé byggt í kringum
þjónustumódel Microsoft og núna
mun ekki skipta máli hvort unnið
er með lítið 4 tommu tæki eða
nokkur hundruð tomma skjá. Sami
stýrikerfiskjarninn keyrir bæði
tækin.“
Microsoft auðveldar þannig not-
endum að færa forrit milli tækja
og hönnuðum og höfundum forrita
að skapa þægilegt umhverfi fyrir
viðskiptavini sína. „Í dag er um-
hverfið með þeim hætti að unnið er
með eitt stýrikerfi fyrir síma og
önnur snjalltæki og annað fyrir
ferða- og borðtölvur. Þó að þessi
kerfi séu lík eru þau ekki eins.
Núna verður hægt að keyra Wind-
ows 10 á öllum tækjum og sam-
einar því stýrikerfið í raun og veru
þessa tvo heima, þ.e. hinn svokall-
aða smáforritaheim eða app-forrit
og klassíska gluggaumhverfið sem
fólk þekkir og er vant að nota í
borðtölvunni sinni eða ferðatölvu.
Þá mun forritunarumhverfið í
Windows 10 aðstoða forritara og
aðra sem vinna að þróun nýrra for-
rita að smíða hugbúnað sem virkar
á öll tæki sem Windows 10 keyrir
á, stór sem smá.,“ segir Gunnar en
hann bendir einnig á að hægt verði
að vinna bæði í hefðbundnu
gluggaumhverfi og app-umhverfinu
á sama tækinu. „Ég hef verið að
nota Windows 10 sjálfur og þegar
ég tek skjáinn af ferðatölvunni og
nota hann sem spjaldtölvu færir
nýja stýrikerfið sig úr gluggaum-
hverfi yfir í spjaldtölvuform.“
Einfalt að uppfæra tölvuna
Uppfærslan yfir í Windows 10
verður aðgengileg 29. júlí og segir
Gunnar auðvelt fyrir notendur
Windows að uppfæra sig yfir í nýja
stýrikerfið. „Uppfærslan verður
mjög einföld. Allir sem eru með
löglega útgáfu af Windows á vélum
sínum munu taka eftir því að wind-
owsmerki mun birtast í hægra-
horni á skjánum. Í gegnum það er
nýja stýrikerfið sótt og sett upp,
svo einfallt er það.“
Einfaldleiki og þægindi virðast
vera einkunnarorð Microsoft í
Windows 10 en allar uppfærslur
kerfisins eru sjálfvirkar og þurfa
notendur því ekki að leggja á sig
tíma og vinnu í að setja upp þung-
ar uppfærslur á nokkura mánaða
fresti. „Notendur verða alltaf með
nýjustu útgáfu og það að vera með
óuppfærða útgáfu stýrikerfis á vél-
inni sinni eins og margir eru með í
dag heyrir sögunni til. Með þessu
móti er líka tryggt að notendur
okkar njóti aukins öryggis.“
Opnar með andlitinu
Segja má að Windows 10 bjóði upp
á fljótandi viðmót, þ.e. að notendur
eru ekki jafn háðir tækinu sem
þeir nota til að geyma persónu-
legar stillingar sínar og skjöl.
„Hvort sem þú vinnur á heimatölv-
unni, fartölvunni, símanum eða
spjaldtölvu þá helst viðmótið þitt
með Windows 10. Ég tók t.d. mynd
á Þingvöllum sem ég nota sem
skjámynd á símanum mínum. Hún
færist yfir í allar tölvur sem ég
nota enda fylgir hún viðmótinu
mínu. Þannig færist þitt viðmót á
milli tækja. Notendur geta síðan
gefið öðrum takmarkaða heimild
innan notandasvæðis síns og þann-
ig getur vinnuveitandi sett upp
ákveðin forrit og eytt þegar við-
komandi skiptir um starf, án þess
að hafa nokkurn tímann aðgang að
persónulegum gögnum.“ Með þessu
móti býður Windows 10 notendum
sínum aukið frelsi og þægindi.
Til að auka enn á þægindi fyrir
notendur Windows hefur Microsoft
hannað hugbúnað sem þekkir and-
lit og augu viðkomandi notenda.
„Þetta er glænýtt og enn sem
komið er geta fæstar tölvur nýtt
sér þetta en vélbúnaðurinn er að
koma á markað sem styður þennan
hugbúnað. Þá mun fólk geta beint
andlitinu að spjaldtölvunni, síman-
um eða borðtölvunni til að opna
sinn aðgang. Bæði er þetta bylting
í öryggismálum en ekki síst aukin
þægindi fyrir þá sem gleyma lykil-
orðum.“
Margt nýtt og spennandi er að
finna í Windows 10, m.a. persónu-
legan starfrænan aðstoðarmann
sem nefnist Cortana. Það sem
flestir, sem ólust upp við eldri út-
gáfur Windows, vilja þó eflaust vita
er hvort Start-hnappurinn sé í
Windows 10? „Ég get glatt alla
notendur Windows með því að
Start-hnappurinn er á sínum stað í
Windows 10 og engin áform um að
fjarlægja hann,“ segir Gunnar en
hann segir Microsoft hlusta á not-
endur sína, sem vilja Start-
hnappinn á sínum stað.
Windows 10
kemur í júlí
MICROSOFT GEFUR ÚT WINDOWS 10 ÞANN 29. JÚLÍ
NK. EN KERFIÐ ER SAGT BYLTINGARKENNT OG MUNI
BREYTA ÞVÍ HVERNIG NOTENDUR NÁLGAST TÖLVUR,
SNJALLSÍMA OG ÖNNUR SAMBÆRILEG TÆKI.
Vilhjálmur Andri Kjartansson vilhjalmur@mbl.is
Hægt verður að vinna með fleiri en eitt skjáborð í Windows 10 auk þess sem persónuleg stilling fólks flæðir milli
tækja. Þá er stýrikerfið búið þeim hæfileika að þekkja andlit notenda og augu og opnar sig því ekki fyrir öðrum.
Windows 10 mun leysa af hólmi eldri kerfi og koma í stað ólíkra stýrikerfa
á ólík tæki. Þannig verður eitt stýrikerfi á öllum tækjum óháð stærð.
Margir þekkja þá tilfinningu þegar
maður er með símann í vasanum
eða veskinu og hann hringir á
óheppilegum tíma. Sumir bregðast
snöggt við en aðrir geta átt erf-
iðara um vik að svara, slökkva á
hringingunni eða hreinlega skella
á. Tækni- og tölvurisinn Google er
núna í samstarfi við gallabuxnaris-
ann Levis að vinna bug á þessum
vanda og um leið opna á ný og
spennandi tækifæri fyrir bæði
tækni- og tískuheiminn.
Fyrirtækin vinna að framleiðslu
tæknifatnaðar, sem er þannig úr
garði gerður að notandinn eða öllu
heldur sá sem gengur í fatnaðinum
getur gefið skipanir í gegnum föt-
in. Hér er hvorki um að ræða
hugsanaflutning né hallærislega og
gamaldags takka heldur hátækni-
efni sem hægt verður að gefa skip-
anir í gegnum með snertingu.
Þræðir í gallabuxum Levis verða
þá unnir úr leiðurum sem fólk mun
geta gefið skipanir um. Má þá
svara í símann, skipta um lag og
gera hvað annað með því t.d. að
strjúka fingrinum yfir buxnavas-
ann.
Google í tískugeirann
LOKSINS VERÐUR HÆGT
AÐ STJÓRNA TÆKJUM Á
BORÐ VIÐ SÍMA MEÐ
LÉTTUM SNERTINGUM Á
EIGIN FATNAÐ
Tækni og tíska sameinast nú í samstarfi Google og Levis en fyrirtækin
vinna saman að því að framleiða hátæknifatnað.
Morgunblaðið/Júlíus
Sjálfkeyrandi bílar Google hafa náð
þeim einstaka árangri að hafa keyrt
eina milljón mílna eða 1,6 milljónir
kílómetra þau sex ár sem fyrirtækið
hefur staðið að prófunum á sjálf-
keyrandi bílum. Á ferðum sínum
hafa bílar Google farið um 600 þús-
und ljósastýrð gatnamót án óhappa
og numið staðar 200 þúsund sinnum
við stöðvunarskyldu. Auk þess hafa
bílar Google mætt 180 milljónum
farartækja á ferðum sínum, sveigt
framhjá umferðarkeilum og stoppað
fyrir gangandi vegfarendum.
Sergey Brin, annar stofnenda
Google, segir spennandi tíma fram-
undan og hlakkar til að sjá hvað
næstu milljón mílur muni gera fyrir
þróun sjálfkeyrandi bíla. Hann segir
engan vafa leika á því að sjálfkeyr-
andi bílar verði orðnir hluti af um-
ferðinni á komandi árum. „Sjálf-
keyrandi bílar eru framtíðin og við
vinnum að því að skapa þann veru-
leika þar sem þeir eru sjálfsagður
hluti af umferðinni.“
SJÁLFKEYRANDI BÍLAR
Milljón mílur
án ökumanns
Google hefur unnið ötullega að
þróun sjálfkeyrandi bíla.