Árbók Hins íslenzka fornleifafélags - 01.01.2007, Page 76

HOLLUR ER HEIMAFENGINN BAGGI 75
við þessa námu voru einnig við námuvinnslu
á Skarðsströnd. Námufélag Íslands hóf
svo vinnslu í Dufansdal 1909 og var Jónas
Þorsteinsson verkstjóri þar eins og áður var
getið. Guðmundur koli hóf svo rannsóknir
í Dufansdal árið 1914 en vinnsla mun hafa
hafist af krafti 1918. Rekstur námunnar mun
hafa gengið heldur brösulega, meðal annars
vegna skorts á sprengiefni. Aðbúnaður
námumanna var auk þess lélegur, húsið lak
og matur var af skornum skammti. Haustið
1918 munu þó 15 manns hafa unnið í
námunni.78
Dufansdalsnáman er í um 200 m hæð.
Námaopið er í skriðu fyrir ofan neðsta
klettabeltið í núpnum. Göngin eru um
70 m löng, breiddin er yfirleitt um 1,30
m en nær þó um 1,50 m þar sem þau eru
breiðust. Víða er gólfið þó nokkru mjórra
eða um 1 m á breidd, annað hvort vegna
hruns úr veggjum eða vegna þess að göngin
hafa verið grafin með þessum hætti. Hæðin
er yfirleitt um 2,30 m en lækkar þó nokkuð
í um 48 m fjarlægð frá gangamunnanum, ef
til vill vegna hruns en það er erfitt að greina
því að vatn hylur allt gólf námunnar. Göngin
hækka svo aftur skömmu síðar en vegna
þess að gólfið liggur nokkru lægra þar inn
af en í framhlutanum virðist loftið nokkurn
veginn í sömu hæð. Nokkur útskot eru í
göngunum. Það fyrsta er skammt innan við
námuopið á hægri hönd þegar gengið er
inn og annað útskot er síðan til vinstri 12 til
13 metrum innar, þar er öflugur járnkrókur
festur í loftið. Innri hluti ganganna er ekki
eins reglulegur og fremsti hlutinn og eru á
9. mynd. Dufansdalsnáman. Mælt og teiknað
19. 06. 2004. Guðmundur J. Guðmundsson.
10
m