Árbók Hins íslenzka fornleifafélags - 01.01.2007, Side 160

dæmis eru meðaltöl í York þannig að 50% uppkominna karlmanna dóu á
aldrinum 21 til 30 ára, einkum vegna hernaðar og ófriðarástands. Konum
stafaði hætta af þungun og fæðingum og eins eru líkur á að það hafi
fremur verið meybörn sem borin voru út. Um það bil 35% kvenna urðu
ekki eldri en 30 ára.12 Auðvitað virðist margt á Íslandi ekki nákvæmlega
eins og annars staðar í byggðum norrænna manna á víkinga öld, en þó
er greinilegt að það er mjög breytilegt á hvaða aldri fólk féll frá. Hugsast
getur að skýringin liggi í hópnum sem ekki hefur tekist að greina, hann
gæti jafnað út aldursflokkana sem vantar. En til að skera úr um það væri
þörf á frekari rannsóknum.
Ef kumlin eru einnig flokkuð eftir kyni kemur í ljós að þar eru engar
konur yngri en 18 ára. Sjá 3. mynd. Þetta er mjög skiljanlegt þegar um
er að ræða einstaklinga yngri en 12 ára, en mjög erfitt er að greina kyn
barna. Hitt vekur undrun að ekki skuli vera í hópnum stúlkur milli 13 og
17 ára, einkum þegar á það er litið að þetta eru mikilvæg barn eignaár. Eins
og glöggt má sjá er hlutfall kvenna og karla fremur jafnt í aldurshópunum
milli 18 og 45 ára. Það gæti verið vísbending um að þjóðfélagsstaða sé
áunnin eða fengin með aldri og/eða hjú skaparstöðu og konur og karlar
kunni að öðlast tiltekin réttindi sem gáfu rétt til greftrunar á virðingarstað
KUML, KYN OG KYNGERVI 159
3. mynd. Íslensk kuml flokkuð eftir aldri og kyni.