Dagblaðið Vísir - DV - 02.10.2009, Blaðsíða 31

helgarblað 2. október 2009 föstudagur 31
Eru ekki í takt við venjulegt fólk
Helgi segist ekki hafa þurft að setja
upp neina grímu til þess að tala við
útrásarvíkingana. „Maður er að hitta
fólk sem maður veit að beitir alls kyns
brögðum á fólk og notar aðferðir til
þess að stýra fólki og stjórna sem er
ekki í takt við venjulegt fólk. Manni er
náttúrlega ekkert sama en ég held að
ég hafi verið nokkurn veginn ég sjálf-
ur,“ segir hann.
„Það er mjög erfitt að trúa því sem
svona fólk segir,“ heldur hann áfram.
„Fólk sem hefur þessa sögu og þenn-
an feril sem við þekkjum. Ég verð full-
ur efasemda þegar svona fólk get-
ur ekki komið hreint fram og talað af
hreinskilni. Ég veit svona nokkurn
veginn hvenær fólk kemur hreint fram
og meinar það sem það er að segja.
Þetta er ástæðan fyrir því að ég hef
farið mínar eigin
leiðir til þess að
fá í það minnsta
sannleikskorn
á mínum fund-
um með þessu
fólki. Þótt það
væru ekki nema
nokkrar mínút-
ur af einhverjum
sannleika finnst
mér þjóðin eiga
það skilið að fá
að heyra það,“
segir Helgi ákveð-
inn.
Hefur aðgang
að enn verra
efni
„Hans eigin leið-
ir“, eins og Helgi
orðar það, er
það sem Jón Ás-
geir Jóhannes-
son er brjálaður
yfir. Helgi sýnir
nokkrar mínútur
frá því er Jón vissi
ekki að verið væri
að mynda hann. Þar missir Jón ým-
islegt út úr sér. Með þessu er nokkuð
ljóst að Helgi er að brjóta siðareglur
en honum var gert skylt að fara eftir
fyrirfram ákveðnum spurningalista og
voru menn misánægðir með það þeg-
ar Helgi fór út af honum.
„Ég get alveg horfst í augu við þetta.
Jón segir að ég sé að ganga á bak orða
minna og brjóta ákveðið samkomulag.
Ég tel samt að ég eigi fullan rétt á því
og hvað er þetta hjá mér í samanburði
við öll þau samkomulög sem hann
hefur brotið? Þetta er ekki mikið. Þetta
eru nokkrar mínútur úr lífi hans. Ég er
alveg tilbúinn að taka þetta á mig, ekki
nokkur vafi. Það væri synd og skömm
ef ég myndi ekki láta þetta fara. Þetta
er svo lítið afbrot,“ segir Helgi og bæt-
ir við að hann hefði getað gengið enn
lengra hefði hann kosið það.
„Ég hefði alveg getað verið miklu
verri. Ég hef aðgang að efni sem er
miklu verra og hefði getað sett það
fram hefði ég viljað gera mig eitt-
hvað merkilegan. Þessi leið sem ég fer
styrkir söguna í myndinni og það er
engin ástæða fyrir því að fara yfir strik-
ið vegna þess að sannleikurinn segir
sig alveg sjálfur,“ segir hann.
Sér nú hvernig þeir vinna
Þótt Jón Ásgeir hafi gengið mest fram
í að fá sitt efni út úr myndinni hef-
ur Helgi fengið viðbrögð frá öllum
„ábyrgðarmönnum hrunsins“ sem
sjást í myndinni. „Þegar stiklan fyr-
ir myndina fór í loftið byrjuðu átökin
strax,“ segir Helgi. „Þessir fjórir sem
ég tala við, Geir Haarde, Bjarni, Björg-
ólfur og Jón Ásgeir, brugðust allir við
strax þegar þeir sáu sig í henni. Samt
er fólk sem ég hef verið að mynda inni
í svefnherbergi og mynda reikninga
þess frá Intrum alveg rólegt og hef-
ur engar áhyggjur. Ég er til dæmis að
mynda með lögregluþjóni húsið sem
hann tapaði en þegar ég fer að beina
myndavélinni að fólki sem er ábyrgt
fyrir því sem hefur gerst fer allt í steik,“
segir hann.
„Hvað er að gerast? Við hvað eru
þeir svona hræddir? Þeir óttast mest
klippurnar þar sem þeir hafa ekki fulla
stjórn. Ég skil það vel að það sé hægt
að hengja mig fyrir þessa hluti en ég
er ekki að mynda þá í baði eða neitt.
Þessi hræðsla við að tapa stjórninni
virðist taka yfir því offorsið hjá þess-
um mönnum er svo svakalegt. Nú sé
ég sjálfur hvernig þeir vinna. Svona er
þetta. Þetta er aðferðin þeirra,“ segir
Helgi mjög ákveðinn.
Er ekkert hræddur
Eins og komið hefur fram er Jón Ásgeir
Jóhannesson sá sem mest hefur lagt
sig fram við að fá myndbrotum sínum
eytt. Hann spriklar, eins og Helgi lýsir
því. „Jón Ásgeir hringdi strax og vildi
að ég myndi eyða tveimur klukkutím-
um af efni. Bara eyða strax og staðfesta
innan tveggja klukkutíma!“
Jón hefur ítrekað hringt og sent
tölvupósta. „Ég svara samt engum
símtölum því ég vil að allt sé skriflegt á
milli okkar,“ segir Helgi en hvað stend-
ur í póstunum? „Póstarnir eru engan
veginn fallegir og langt fyrir neðan
hans virðingu þar sem honum er mjög
ábótavant í orðavali,“ segir Helgi sem
vildi þó ekki gefa DV dæmi.
En er Helgi hræddur við þessar
aðdróttanir Jóns Ásgeirs? „Nei, ég er
ekkert hræddur. Ég er vel vopnaður
myndavélinni minni og ég skýt á allt
sem hreyfist þannig að menn skulu
líka passa sig,“ segir hann og hlær við.
„Mér er sýnd mikil harka og ég
beðinn um að hlýða,“ bætir hann þó
við. „Væntanlega með sama hætti og
hefur verið gert við íslensku þjóðina í
einhvern tíma núna. Þess vegna segir
ekki nokkur maður neitt hérna. Það er
mjög erfitt að fá fólk til að tala á þessu
landi. Sama þó bankarnir séu farnir
fjandans til og fólk sé atvinnnulaust
í hópum. Af hverju vill enginn stíga
fram og vitna um þetta? Hvar eru vitn-
in?“ spyr Helgi með undrunarsvip.
Heyrt að sprengja fari að falla
Helgi sendi á miðvikudaginn út annað
myndbrot sem hann býst við hörðum
deilum út af. Þar er fundur hans og
Björgólfs Thors myndaður frá sjónar-
hornum þar sem sýnt er hvernig hon-
um er stýrt. Helgi segir efnið ekki hafa
komist til skila en augljóst sé að menn
á bæ Björgólfs viti hvað sé á leiðinni.
„Það hefur kvisast út þetta efni sem þá
varðar sem þeir hafa þó ekki séð. Þetta
flugskeyti frá mér hefur ekki komist til
skila en ég er búinn að bæta úr því,“
segir Helgi og býst við deilum, ekki
ósvipuðum og við Jón Ásgeir.
„Þetta er hlutur sem ágreiningur
er um. Þeir telja sig eiga „final cut“
á myndina og vilja fá að stýra því.
Það er alveg af og frá. Þeir fá ekki að
ráða neinu um það. Það verður samt
ágreiningur. Ég hef heyrt frá öðru fólki
að það sé sprengja að fara að falla,“
segir Helgi Felixson en þannig má
einnig á vissan hátt lýsa myndinni
sem hann frumsýnir brátt, Guð blessi
Ísland.
tomas@dv.is
Jón Ásgeir Jóhannesson
Vill fá öllu efni um sig eytt
úr myndinni.
Björgólfur Thor Fékk sína
klippu í vikunni og býst Helgi
við ágreiningi út af henni.
Bjarni Ármannsson
Auðveldast var að nálgast hann
af útrásarvíkingunum þremur.
Hafðu samband
í síma 515-5555
eða sendu tölvupóst
á askrift@dv.is
- inn í hlýjuna
Fáðu DV heim
í áskrift
Tveir fyrir einn
DV heim í hlýjuna
DV á netinu frítt!
:::
:::
:::
HAUSTTILBOÐ