Dagblaðið Vísir - DV - 05.02.2010, Side 42

42 FÖSTUDAGUR 5. febrúar 2010 MINNING
Steingrímur fæddist í Reykjavík og
ólst þar upp. Hann lauk stúdents-
prófi frá MR 1948, BS-prófi í raf-
magnsverkfræði frá Illinois Institute
of Technology í Chicago 1951 og
MS-prófi frá California Institute of
Technology í Pasadena 1952.
Steingrímur var verkfræðing-
ur hjá Rafmagnsveitu Reykjavík-
ur 1952-53, hjá Áburðarverksmiðj-
unni hf. 1953-54, stofnaði ásamt
öðrum fyrirtækið Verklegar fram-
kvæmdir hf. 1954, var verkfræði-
legur ráðunautur utanríkisráðherra
um Keflavíkurflugvöll og í varnar-
málanefnd 1954, var verkfræðing-
ur hjá Southern California Edison
Co. í Bandaríkjunum 1955-56, fram-
kvæmdastjóri Rannsóknarráðs ríkis-
ins 1957-78, framkvæmdastjóri At-
vinnumálanefndar ríkisins 1959-61,
þingmaður Framsóknarflokksins á
Vestfjörðum 1971-87 og á Reykjanesi
1987-94, dóms-, kirkju- og landbún-
aðarráðherra 1978-79, sjávarútvegs-
og samgönguráðherra 1980-83,
forsætisráðherra 1983-87, utanríkis-
ráðherra 1987-88, forsætisráðherra
1988-91 og bankastjóri Seðlabanka
Íslands 1994-98.
Steingrímur sat í stjórn Gufu-
bors ríkisins og Reykjavíkurborgar
1957-78, í tækninefnd Húsnæðis-
málastofnunar ríkisins 1958-71, var
aðalfulltrúi Íslands í vísindanefnd
Efnahags- og framfarastofnunar
1962-78, sat í stjórn Áburðarverk-
smiðjunnar hf. 1964-71, í samn-
inganefnd ríkisstjórnarinnar við
Alusuisse um byggingu álvers á Ís-
landi 1963-71, í tækninefnd Orku-
stofnunar 1968-75, í hreppsnefnd
Garðahrepps 1970-74, í stjórn Fram-
kvæmdastofnunar ríkisins 1972-78,
í Iðnþróunarráði 1971 og í viðræðu-
nefnd um orkufrekan iðnað 1971-78,
í Flugráði 1976-79, í stjórn Þörunga-
vinnslunnar hf. 1974-78, var for-
maður RVFÍ 1963-64, formaður FUF
1962-63, sat í miðstjórn Framsókn-
arflokksins um árabil frá 1971, var
ritari flokksins 1971-79 og formaður
Framsóknarflokksins 1979-94.
Steingímur sat í Þingvallanefnd
1987-94, í bankaráði Landsbank-
ans 1991-94, var formaður stjórnar
Mill ennium Institute í Bandaríkjun-
um frá 1996, stjórnarformaður Um-
hverfisverndarsamtaka Íslands frá
1999, formaður Surtseyjarfélagsins
frá 1964, í stjórn Hollvinasamtaka HÍ
frá 1998 og í stjórn Hjartaverndar frá
1998.
Steingrímur fékk CalTech‘s Alu-
min Distinguished Service-verð-
launin 1986, IIT‘s Professional
Achieve ment-verðlaunin 1991, Gull-
kross ÍSÍ, er Paul Harris Fellow og var
heiðursfélagi Liberal International.
Ævisaga Steingríms, I. II. og III.
bindi, skráð af Degi B. Eggertssyni,
kom út á árunum 1998, 1999 og 2000.
Fjölskylda
Eiginkona Steingríms er Guðlaug
Edda Guðmundsdóttir, f. 21.1. 1937,
húsmóðir. Hún er dóttir Guðmund-
ar Gíslasonar, f. 22.5. 1900, d. 12.8.
1955, skólastjóra á Reykjum í Hrúta-
firði, og k.h., Hlífar Böðvarsdóttur, f.
11.4. 1909, húsmóður.
Börn Steingríms og Eddu eru
Hermann Ölvir, f. 25.8. 1964, verk-
fræðingur hjá Marel, en kona hans
er Erla Ívarsdóttir kennari og eiga
þau einn son; Hlíf, f. 22.7. 1966, yfir-
læknir við Landspítalann, en maður
hennar er Halldór Zoega, fjármála-
stjóri Keilis, og eiga þau eina dótt-
ur auk þess sem Hlíf á tvö börn frá
fyrra hjónabandi; Guðmundur, f.
28.10. 1972, heimspekingur og alþm.
Framsóknarflokksins en kona hans
er Alexía Björg Jóhannesdóttir, leik-
kona og leiðsögumaður, og eiga þau
einn son auk þess sem Guðmundur
á eldri dóttur.
Fyrri kona Steingríms var Sara
Jane, f. 30.10. 1924. Foreldrar henn-
ar: Leos J. Donovan, tannlækn-
ir í Chicago, og k.h., Marie Blanche
Donovan.
Börn Steingríms og Söru eru Jón
Bryan, f. 23.10. 1951, arkitekt og
vélaverkfræðingur í Readwood City í
Kaliforníu en kona hans er Liselotte
Hermannsson og eiga þau tvo syni;
Ellen Herdís, f. 6.11. 1955, húsmóð-
ir í Flórída en maður hennar er Cary
Vhugen og eiga þau þrjú börn; Neil,
f. 16.12. 1957, tannlæknir í Miami.
Systur Steingríms: Herdís, f. 12.5.
1927, d. 19.5. s. ár; Pálína, f. 12.9.
1929, húsmóðir í Reykjavík.
Foreldrar Steingríms voru Her-
mann Jónasson, f. 25.12. 1896, d.
22.1. 1976, alþm., forsætisráðherra
og formaður Framsóknarflokksins,
og k.h., Vigdís Oddný Steingríms-
dóttir, f. 4.10. 1896, d. 2.11. 1976,
húsmóðir.
Ætt
Hermann var sonur Jónasar, b. og
smiðs í Syðri-Brekkum í Akrahreppi
Jónssonar.
Móðir Hermanns var Pálína ljós-
móðir, systir Önnu, ömmu Sigurð-
ar Björnssonar bæjarverkfræðings.
Pálína var dóttir Björns, b. á Hofs-
stöðum Péturssonar. Móðir Pálínu
var Margrét, systir Þorkels, föður
Þorkels veðurstofustjóra og afa Sig-
urjóns Rist vatnamælingamanns,
föður Rannveigar Rist. Margrét var
dóttir Páls Þórðarsonar, b. í Viðvík,
bróður Jóns á Hnjúki, langafa Jóns
á Hofi, föður Gísla menntaskóla-
kennara. Bróðir Páls var Jón á Ytra-
hvarfi, langafi Guðjóns B. Ólafs-
sonar, forstjóra SÍS, og Hallgríms,
föður Hafliða sellóleikara og Jó-
hanns, föður Þórunnar Ashkenazy.
Móðir Páls var Sigríður Guðmunds-
dóttir, systir Jóhönnu, langömmu
þeirra bræðra, Hallgríms, fyrsta for-
stjóra SÍS, Sigurðar, forstjóra SÍS, og
Aðalsteins Kristinssonar, forstjóra
hjá SÍS. Móðir Margrétar var Guðný
Björnsdóttir, systir Guðrúnar, ömmu
Páls Zóphón íassonar búnaðarmála-
stjóra, föður Hjalta, framkvæmda-
stjóra hjá SÍS.
Vigdís var dóttir Steingríms,
byggingameistara í Reykjavík Guð-
mundssonar, b. á Svalbarða á Álfta-
nesi Runólfssonar.
Móðir Vigdísar var Margrét, syst-
ir Ingibjargar, ömmu Sigurðar Giz-
urarsonar sýslumanns. Margrét var
dóttir Þorláks, útvegsb. í Þórukoti á
Álftanesi, bróður Sæmundar, lang-
afa Tómasar, fyrrv. formanns SÍF, og
Guðlaugs, fyrrv. ríkissáttasemjara
Þorvaldssona og Ellerts Eiríkssonar,
fyrrv. bæjarstjóra. Þorlákur var son-
ur Jóns, ættföður Húsatóftarættar
Sæmundssonar.
Útför Steingríms verður gerð frá
Dómkirkjunni í Reykjavík, þriðju-
daginn 9.2. kl. 14.00. Hægt verður að
fylgjast með athöfninni samtímis á
skjá í sal Oddfellowhússins í Vonar-
stræti.
Jón Auðuns
DÓMPRÓFASTUR
f. 5.2. 1905, d. 10.7. 1981
Jón fæddist á Ísafirði og ólst
þar upp í foreldrahúsum.
Foreldrar hans voru hjónin
Jón Auðunn Jónsson, fram-
kvæmdastjóri og alþm. á
Ísafirði, og Margrét Guðrún
Jónsdóttir. Hún var dóttir Jóns,
prests á Stað á Reykjanesi
Jónssonar. Bróðir Margrétar
var Magnús, prestur á Stað.
Systir Jóns dómprófasts var
Auður Auðuns alþm. en hún
var fyrsta konan í embætti
borgarstjóra í Reykjavík og
jafnframt fyrsta íslenska kon-
an sem varð ráðherra, en hún
var dómsmálaráðherra í lok
Viðreisnarstjórnarinnar.
Jón lauk stúdentsprófi í
Reykjavík árið 1924, guðfræði-
prófi við Háskóla Íslands árið
1929 og stundaði framhalds-
nám í samanburðarguðfræði
og helgisiðafræði í Marburg og
í París.
Jón var kosinn forstöðu-
maður Fríkirkjusafnaðar-
ins í Hafnarfirði árið 1930,
var jafnframt forstöðumað-
ur Frjálslynda safnaðarins í
Reykjavík um skeið frá 1941,
var skipaður prestur við Dóm-
kirkjuna í Reykjavík 1945 og
gegndi því embætti til 1973 er
hann lét af störfum af heilsu-
farsástæðum. Hann var skip-
aður dómprófastur í Reykja-
víkurprófastsdæmi 1951, var
kirkjuþingsmaður 1958-62
og var formaður Safnaðar-
ráðs Reykjavíkur 1953-73.
Hann gegndi auk þess ýmsum
öðrum trúnaðarstörfum, var
t.a.m. formaður Ekknasjóðs
Reykjavíkur 1953-73, formaður
stjórnar Kirkjubyggingarsjóðs
Reykjavíkur, sat í stjórn Barna-
verndarfélags Reykjavíkur í
mörg ár og í barnaverndarráði
og var formaður Reykjavíkur-
deildar Rauða kross Íslands
1951-67.
Í guðfræðilegum efnum
var séra Jón Auðuns gjörólík-
ur kollega sínum í Dómkirkj-
unni, séra Bjarna Jónssyni
vígslubiskupi sem þjónaði
dómkirkjusókninni til 1951.
Séra Bjarni aðhylltist íhalds-
sama guðfræði. Jón var hins
vegar í framvarðarseit mjög
frjálslyndra guðfræðinga. Eins
og margir aðrir sóknarprest-
ar þessa tíma var hann lengst
af sannfærður spíritisti og var
forseti Sálarrannsóknarfélags
Íslands á árunum 1939-63.
MINNING
Steingrímur Hermannsson
FORSÆTISRÁÐHERRA
MERKIR
ÍSLENDINGAR
Eftirmæli
EFTIR ÓLAF RAGNAR GRÍMSSON, FORSETA ÍSLANDS
Eftirmæli
EFTIR GUÐNA ÁGÚSTSSON, FYRRV. FORMANN FRAMSÓKNARFLOKKSINS
Fæddur. 22.6. 1928 – dáinn 1.2. 2010
„Með andláti Steingríms Her-
mannssonar lýkur merkum kafla í
þjóðmálasögu Íslendinga. Í áratugi
var hann í fremstu forystusveit,
mótaði stefnuna á umbrotatímum
og stýrði efnahagslífi þjóðarinnar
fyrir um 20 árum inn í nýtt tímabil
stöðugleika og hagsældar. Áhrif-
in frá foreldrunum mótuðu Stein-
grím ríkulega, hugsjón kynslóðar-
innar sem hertist í baráttunni við
fátækt kreppuára og fagnaði síð-
an lýðveldisstofnun á Þingvöllum.
Úr foreldragarði fékk Steingrímur
einnig ást sína á íslenskri náttúru,
lífssýn sem varð honum eldheit
hugsjón og grundvöllur framgöngu
í umhverfismálum. Við Steingrím-
ur kynntumst ungir þegar báðir
voru að hefja þátttöku í þjóðmálum
og síðar urðum við samherjar í rík-
isstjórn og góðir vinir. Það voru for-
réttindi að fylgjast með því hvern-
ig Steingrímur stýrði ríkisstjórn, óf
saman ólík sjónarmið og tryggði
að allir hlytu sóma af árangrinum.
Steingríms Hermannssonar verð-
ur lengi minnst sem mikilhæfs for-
sætisráðherra og hugsjónamanns
sem helgaði Íslandi krafta sína.“
„Um leið og við framsóknarmenn
kveðjum foringja okkar með virð-
ingu og þökk er íslenska þjóðin að
kveðja þann stjórnmálamann sem
bjó við mesta lýðhylli. Steingrímur
var fyrsti íslenski stjórnmálamaður-
inn sem náði fullkomnum tökum á
framgöngu og framkomu í sjónvarpi.
Steingrímur var einlægur, stund-
um fannst mönnum hann barnslega
einlægur – hann játaði mistök. Þessi
hreinu svör skópu honum lýðhylli
og virðingu. Hann var náttúrubarn,
unni Íslandi og var frumkvöðull í
hugsun. Um leið og hann var íslensk-
astur allra í umræðunni, var hann al-
þjóðlegur og stíllinn Kennedyanna.
Við framsóknarmenn elskuðum
hann og dáðum og vinsældir hans
voru ævintýralegar þegar hann stóð
á hátindi ferils síns. Nafn hans mun
ævinlega koma upp í hugann þegar
ég heyri góðs manns getið.“