Dagblaðið Vísir - DV - 05.02.2010, Qupperneq 60

60 FÖSTUDAGUR 5. febrúar 2010 HELGARBLAÐ
Hjörvar Hafliðason – Paul Bettany Markvörðurinn fyrrverandi og knattspyrnuspekingurinn Hjörvar
Hafliðason setti mynd af breska leikaranum Paul Bettany hjá sér. Fólk ætti að kannast við Bettany úr
myndum eins og A Beautiful Mind, Wimbledon og The Da Vinci Code. Þeir félagar eru nauðalíkir.
Björgvin Páll – Kurt Cobain Björgvin Páll Gústavsson setti mynd af rokkgoðinu Kurt Cobain á síðu
sína en honum var upprunalega líkt við Cobain í tvífaragrein Séð og heyrt á sínum tíma. Flestir lands-
menn ættu að kannast við Cobain en hann var söngvari hinnar goðsagnakenndu hljómsveitar Nirvana.
Ellý Ármannsdóttir – Sharon Stone Sjónvarpsþulan fyrrverandi og slúðurdrottningin Ellý
Ármannsdóttir valdi leikkonuna Sharon Stone sem sinn tvífara. Þær eiga í það minnsta
kynþokkann sameiginlegan.
Garðar Gunnlaugsson – Zoolander Garðar bauð upp á Ben Stiller í hlutverki Zoolanders sem tvífara sinn.
Það er ekki að spyrja að því enda er Garðar ekki bara fimur knattspyrnumaður heldur fyrsta flokks fyrirsæta.
Garðar var þó fyrst með mynd af David Beckham en þar sameinast einnig tveir helstu hæfileikar Garðars.
Dagur B. Eggertsson – Hugh Grant Dagur setti mynd af breska leikaranum Hugh Grant sem
prófílmynd en sagðist gera það vegna fjölda áskorana. Þeir Dagur og Hugh eru nokkuð líkir en það er
ekki síst hrokkið hárið sem gerir það að verkum.
Karen Dröfn Kjartansdóttir – Anna Paquin Karen Dröfn, blaðakona á Fréttablaðinu, er alls ekki
svo ólík Önnu Paquin sem slegið hefur í gegn í þáttunum True Blood. Þær Karen og Anna eiga það
sameiginlegt að vera með myndarlegt frekjuskarð.
Kostulegir
tvífarar
Nú er nýafstaðin svokölluð tvífaravika á
Facebook. Þá setti fólk myndir af frægum
tvíförum sínum í prófílmynd. Tvífaravikan
náði miklum vinsældum og tóku fjölmargir
þjóðþekktir einstaklingar þátt. Margir
hverjir eiga nauðalíkan stjörnutvífara á
meðan annað verður að teljast óskhyggja.