Dagblaðið Vísir - DV - 05.02.2010, Qupperneq 61

HELGARBLAÐ 5. febrúar 2010 FÖSTUDAGUR 61
Þóra Tómasdóttir – Hildur Vala Kastljósstjarnan fyrrverandi Þóra Tómasdóttir valdi Idol-stjörnuna
Hildi Völu sem sinn tvífara. Ein af fáum sem valdi Íslending sem tvífara sinn. Það er klárlega svipur með
þeim stöllum.
Högni Egilsson – Mickey Rourke Högni Egilsson, hin geðþekki söngvari Hjaltalín, valdi hinn
grjótharða Mickey Rourke sem sinn tvífara. Högni valdi mynd af Rourke úr myndinni The Wrestler en
þar er kappinn einmitt með sítt ljóst hár líkt og Högni.
Björn Ingi Hrafnsson – Vince Vaughn/Vincent D’Onofrio Björn Ingi Hrafnsson var með tvo
tvífara. Annars vegar Vince Vaughn og hins vegar Vincent D’Onofrio sem flestir ættu að kannast við
úr þáttunum Law & Order: Criminal intent. Vegna þess að Björn Ingi hefur verið stoppaður á götu í
Bandaríkjunum og spurður hvers vegna hann hefði hætt með Jennifer Aniston og svo aftur og þá
spurður hvernig væri að leika í Law & Order.
Hugleikur Dagsson – Curver Thoroddsen Skopmyndateiknarinn og útgefandinn Hugleikur
Dagsson valdi listamanninn Curver Thoroddsen sem sinn tvífara. Það er spurning hvort það hafi verið
gert í samráði við Curver því hann er með Hugleik sem sinn tvífara.
Kostulegir
tvífarar
Ólafur Páll Gunnarsson
– Ewan McGregor
Útvarpsmaðurinn Óli Palli
valdi Ewan McGregor sem
tvífara sinn á Facebook.
Það sem meira er þá velur
hann Ewan McGregor í
hlutverki Obi Van Kenobi,
hins goðsagnakennda
Jedi-riddara úr Star Wars.
Víkingur Kristjánsson – Eiður Smári Vesturportsstjarnan og leikarinn Víkingur Kristjánsson valdi
landsliðsfyrirliðann Eið Smára sem sinn tvífara. Ekkert hrikalega líkir en báðir glókollar með góða
skeggrót.
Sigmar Guðmundsson – Jorge Garcia Kastljósstjarnan Sigmar Guðmundsson valdi Jorge Garcia úr
þáttunum Lost sem sinn tvífara. Jorge leikur hinn þéttvaxna Hugo í þáttunum en það er lítið líkt í útliti
hans og Sigmars. Kannski að hann líti frekar á hann sem andlegan tvífara sinn.