Dagblaðið Vísir - DV - 03.09.2010, Blaðsíða 6

Hagnaðarvon Björgólfs Thors Björ-
gólfssonar fjárfestis í skuldauppgjör-
inu við kröfuhafa sína gæti numið allt
frá tugum milljarða króna og upp í
meira en 100 milljarða króna. Hversu
mikið Björgólfur Thor mun standa
uppi með eftir skuldauppgjörið velt-
ur á því hversu mikið fæst fyrir sam-
heitalyfjafyrirtæki Björgólfs, Actavis,
sem verður selt innan nokkurra ára.
Stöð 2 greindi fyrst fjölmiðla frá eðli
skuldauppgjörsins í fréttum sínum á
miðvikudaginn og ríma heimildir DV
við þá frétt í flestum aðalatriðum.
Í uppgjörinu felst að lánar-
drottnar Björgólfs, Deutshche Bank,
Landsbankinn, suðurafríski Stand-
ard-bankinn og fleiri aðilar, fá sam-
tals um 5 milljarða evra, meira en 750
milljarða króna á núvirði, af sölu-
verði Actavis. Deutshce Bank fær 3,5
milljarða í sinn hlut og innlendir og
erlendir kröfuhafar, meðal annars
Landsbankinn, skipta með sér 1,5
milljörðum evra. Ef söluverð Acta-
vis verður hærra en þessir 5 millj-
arðar evra munu Björgólfur Thor og
lykilstarfsmenn Actavis fá 30 pró-
senta hluta af söluandvirðinu þegar
búið er að taka þessa 5 milljarða evra
frá sem ákveðið er að fari til áður-
nefndra kröfuhafa hans.
Tökum dæmi. Ef Actavis verður
selt fyrir meira en 5 milljarða evra, til
dæmis fyrir 7 milljarða, munu Björ-
gólfur Thor og lykilstarfsmenn Acta-
vis fá 30 prósent af 2 milljörðum evra,
eða um 600 milljónir evra, rúmlega
90 milljarða króna. Björgólfur Thor
fær 80 prósent af þessari upphæð
sem gera 480 milljónir evra, eða um
74 milljarða króna. Ef Actavis verð-
ur selt á 9 milljarða evra verður hlut-
deild Björgólfs nærri 150 milljarðar
króna.
Fjögurra milljarða evra boði
hafnað
Samkvæmt skuldauppgjöri Björ-
gólfs getur framtíð hans sem alþjóð-
legs fjárfestis hugsanlega byggst á því
hversu mikið fæst fyrir Actavis þegar
félagið verður selt. Líklegt er því og
eðlilegt að Björgólfur Thor og lykil-
starfsmenn Actavis muni róa að því
öllum árum að hámarka verðmæti
Actavis á næstu árum. Þeim mun
meira sem fæst fyrir Actavis, þeim
mun meira munu Björgólfur Thor og
lykilstarfsmenn Actavis fá fyrir sinn
snúð.
Heimildir DV herma að fyr-
ir nokkrum mánuðum hafi borist 4
milljarða evra, rúmlega 600 millj-
arða króna, tilboð í Actavis, en að því
hafi verið hafnað. „Það skiptir hann
miklu máli hvað fæst fyrir Actavis því
hann getur fengið hlut af því sem fæst
fyrir félagið ef það selst á góðu verði.
Fyrir nokkrum mánuðum kom fjög-
urra milljarða króna tilboð í Acta vis
sem var hafnað. Það eru menn þarna
inni sem telja að hægt sé að fá meira
fyrir félagið, hugsanlega sex millj-
arða evra,“ segir heimildarmaður DV
en jafnvel þó að „einungis“ myndu
fást sex milljarðar evra fyrir félag-
ið myndi Björgólfur fá 240 milljónir
evra, eða sem nemur 37 milljörðum
króna, í vasann.
Þeir greiningaraðilar sem DV hef-
ur talað við segja hins vegar að afar
erfitt sé að segja til um það á þessari
stundu hversu mikið fáist fyrir Act-
avis þar sem ekki liggja fyrir miklar
upplýsingar um stöðu þess þar sem
það sé ekki lengur á markaði. Ljóst er
þó að forráðamenn félagsins ætla sér
að reyna að fá meira en 5 milljarða
fyrir félagið.
Geta lögsótt Björgólf
Heimildir DV herma jafnframt að í
uppgjörinu felist ekki að skilanefnd
Landsbankans hafi afsalað sér rétt-
inum til að fara í mál við Björgólf
Thor ef sannanir finnast fyrir því
í gögnum Landsbankans að fara
þurfi í skaðabótamál við Björgólf
eða sækja að honum á einhverjum
öðrum forsendum. „Ef það finnst
einhver drulla þarna inni verður að
sjálfsögðu farið í mál við hann,“ segir
heimildarmaður DV.
Í skuldauppgjörinu var einnig
samið um að persónulegar ábyrgð-
ir Björgólfs Thors við Landsbank-
ann upp á nærri 30 milljarða verði
felldar niður. Ljóst er hins vegar að
Landsbankinn mun fá þessa upp-
hæð að mestu leyti í formi þess hluta
af söluverðmæti Actavis sem rennur
til bankans samkvæmt skuldaupp-
gjörinu.
Heimildir DV herma að bankinn
hafi metið það sem svo að hann fengi
meiri fjármuni ef hann tæki þátt í
skuldauppgjörinu með Björgólfi og
öðrum kröfuhöfum hans frekar en
að sækja að Björgólfi vegna persónu-
legu ábyrgðanna. Bankinn mat það
því sem svo að hagsmunum kröfu-
hafanna væri best borgið með því að
taka þátt í uppgjöri Björgólfs. „Þetta
var langbesta leiðin fyrir bankann.
Í staðinn fyrir að fá 3 til 5 prósent af
því sem Björgólfur skuldar bankan-
um mun bankinn fá tugi milljarða
króna frá honum. Þetta veltur allt á
því hvað er best fyrir kröfuhafana.
Þrátt fyrir að einhverjar ábyrgðir séu
felldar núna verða endurheimtur
bankans betri fyrir vikið,“ segir heim-
ildarmaður DV.
Björgólfur opnaði sjóðina
Annað sem felst í skuldauppgjöri
Björgólfs Thors er að hann opn-
ar sameignarsjóði í skattaskjólum í
Ermarsundi fyrir kröfuhöfum sínum
og greiðir þeim úr sjóðunum, líkt og
DV hefur fjallað um. Strangt til tekið
hefði Björgólfur Thor getað neitað
því að opna þessa sjóði þar sem eitt
af hlutverkum þeirra er að verja fjár-
festa fyrir lánardrottnum í slíkum til-
fellum. Björgólfur lét þessa sjóði hins
vegar eftir. „Kröfuhafarnir fá verð-
mæti hjá Björgólfi Thor persónulega
sem þeim var sagt að þeir kæmust
ekki í. Þetta eru fjármunir sem hann
geymir í svokölluðum „trusts“ [sam-
eignarsjóðum, innskot blaðamanns]
sem hann er búinn að setja upp. Það
er mjög erfitt að komast í þessa sjóði.
Björgólfur hefur sagt að hann hafi
tæmt þessa sjóði til kröfuhafanna og
haldi engu eftir af því sem í þeim er,“
segir heimildarmaður DV.
Ljóst er því að Björgólfur hefur
líka gefið eitthvað eftir í samninga-
viðræðunum um skuldauppgjörið
og lagt fram eignir sem hann hefði
ekki nauðsynlega þurft. Hvað sem
því líður er margt sem bendir til þess
að Björgólfur Thor verði aftur ríkasti
Íslendingurinn eftir söluna á Actavis
og við lok skuldauppgjörsins.
Flóttalegur
runólFur
n Athygli hefur vakið hversu lítið hef-
ur verið rætt um þátt Runólfs Ágústs-
sonar fjárfestis í
skýrslu Ríkisendur-
skoðunar um starf-
semi mennntafyr-
irtækisins Keilis í
Reykjanesbæ. Run-
ólfur stýrði Keili
frá 2007 og þar til
eftir hrun og stökk
svo frá borði hins sökkvandi skips um
vorið 2009. Gagnrýni á Keili ætti því
fyrst og fremst að beinast að Runólfi
en ekki arftaka hans, Hjálmari Árna-
syni. Runólfur hefur reyndar verið
þekktur fyrir að koma öllu í kaldakol í
kringum sig og yfirgefa svo sökkvandi
skip. Þannig yfirgaf hann Bifröst
skuldum vafinn, lempaði stórskuld-
ugu eignarhaldsfélagi yfir á fyrrver-
andi nemanda sinn á Bifröst og hætti
svo hjá Keili á besta tíma. Dæmin eru
því orðin nokkur.
Ágúst og BiFrastar-
skuldirnar
n Rætt hefur verið um það upp á
síðkastið að Ágúst Einarsson, fyrr-
verandi rektor Bifrastar, sé ekki
heppilegur í starf stjórnarformanns-
ins Framtaks-
sjóðs Íslands þar
sem rekstrarstaða
Bifrastar sé ekki
góð. Líkt og í tilfelli
Keilis gleymist
að skuldastaða
Bifrastar hefur lítið
með Ágúst Einars-
son að gera. Ágúst tók við rektors-
stöðu Bifrastar af Runólfi Ágústssyni,
sem réð sig til Keilis, og var fjárhags-
staða skólans langt í frá góð þegar
hann tókn við. Syndir Runólfs eru því
ekki líka syndir Ágústs og þarf að átta
sig á því að hann tók ekki við burðugu
búi frá fyrirrennara sínum í rektors-
stöðunni.
útrÁsarrektorinn
n Ein af ástæðunum fyrir því af
hverju Runólfur Ágústsson yfirgaf
Bifröst á sínum tíma mun hafa verið
sú að hann vildi ganga enn lengra
með viðskiptamódelið Bifröst og fara í
útrás með skólann.
Runólfur mun hafa
brugðið sér Litháen
og fleiri landa með
það fyrir augum að
skoða skólabygg-
ingar sem hann
íhugaði að kaupa
undir útibú Bifrast-
ar. Þar ætlaði Runólfur að bjóða upp á
háskólanám gegn skólagjöldum, líkt
og gert hefur verið á Bifröst, og mun
það hafa verið liður í hugmyndum
Runólfs um útrás skólans að hann
yrði gerður að hlutafélagi. Yfir þess-
um alþjóðlega skóla ætlaði Runólfur
að drottna og verða eins konar „global
rector“. Þessar hugmyndir féllu ekkert
sérstaklega vel í kramið hjá öllum á
Bifröst.
sandkorn
6 fréttir 3. september 2010 föstudagur
Starf blaðamanns DV og DV.is er laust til umsóknar.
Umsækjendur þurfa að hafa gott vald á íslensku,
eiga auðvelt með samskipti, vera hugmyndaríkir,
vinnusamir, metnaðargjarnir og heiðarlegir.
Reynsla af blaðamennsku er æskileg, en ekki skil-
yrði. Góð tök á ensku eru nauðsynleg og kunnátta
í norrænum tungumálum er talin til tekna. Tekið er
tillit til menntunar, sem nýst getur í starfinu.
Áhugasamir sendi umsóknir
á atvinna@dv.is og rt@dv.is
Viltu vinna sem
blaðamaður?
frjálst, óháð dagblað
Landsbankinn hefur ekki afsalað sér réttinum til að fara í mál við Björgólf Thor Björg-
ólfsson telji starfsmenn bankans sig hafa fundið sannanir um mögulegt skaðabóta-
skylt athæfi. Skuldauppgjör Björgólfs felur það í sér að hann getur auðgast verulega á
sölunni á Actavis og staðið uppi sem ríkasti maður Íslands.
inGi F. vilHjÁlmsson
fréttastjóri skrifar: ingi@dv.is
Ef það finnst ein-hver drulla þarna
inni verður að sjálfsögðu
farið í mál við hann.
BJÖRGÓLFUR AFTUR
RÍKASTUR á ÍSLAndi
verður einn ríkasti
maður landsins Björ-
gólfurThorBjörgólfsson
verðuraðöllumlíkindum
áframeinnafríkustu
mönnumlandsinsíkjölfar
skuldauppgjörsinsvið
kröfuhafasína.Uppgjörið
tryggirhonumhlutdeild
ísöluandvirðiActavisef
meiraen5milljarðarevra
fástfyrirfélagið.