Dagblaðið Vísir - DV - 03.09.2010, Blaðsíða 54

54 sport umsjón: tómas þór þórðarson tomas@dv.is 3. september 2010 föstudagur
Lewis Hamilton fór létt með að
vinna Belgíu-kappaksturinn á hinni
mögnuðu Spa-braut um síðustu
helgi þegar Formúla 1 sneri aftur
eftir sumarfrí. Nýju reglurnar sem
kveða á um að liðin megi ekki æfa á
brautunum nema í sömu viku fyrir
keppni gera fyrstu keppni eftir sum-
arfrí æ meira spennandi. Í sumar-
fríinu mega liðin ekki snerta bílana
fyrstu tvær vikurnar en svo fer allt á
fullt seinni tvær til þess að bæta bíl-
inn eins og þarf fyrir lokasprettinn.
Ferrari-menn eru án efa svekktast-
ir með gengið á Spa en fyrir sum-
arfrí virtust þeir vera heldur betur
að rétta úr kútnum, þá sérstaklega
Fernando Alonso. Sebastian Vett-
el virðist ekki ætla að verða yngsti
ökuþórinn til að vinna Formúlu 1
en endalaus mistök hans hafa kost-
að hann og aðra keppendur mikið.
Næsta keppni verður annan sunnu-
dag á Monza á Ítalíu.
Hamilton geggjaður
Lewis Hamilton á McLaren er að-
eins með þriggja stiga forystu á
Mark Webber á Red Bull á toppi
stigakeppni ökuþóra. Tuttugu og
átta stigum á eftir Webber kemur
liðsfélagi hans Sebastian Vettel og
þar rétt á eftir hinn McLaren-mað-
urinn, Jenson Button. Fernando
Alonso er svo í fimmta sætinu og á
raunhæfa möguleika á titlinum því
ekki má gleyma að gefin eru 25 stig
fyrir sigur samkvæmt nýja stigakerf-
inu.
Lewis Hamilton fór annar af stað
á eftir Mark Webber á Spa en var
fljótt kominn með forystuna. Henni
tapaði hann aldrei og keyrði lang-
fyrstur í mark eins og honum er ein-
um lagið. Honum tókst meira að
segja á gjörsamlega magnaðan hátt
að sleppa við það að festa bílinn
í mölinni fyrir utan brautina þeg-
ar hann keyrði út af vegna rigning-
ar. Þannig ökuhæfni tryggði honum
heimsmeistaratitilinn fyrir tveimur
árum og verður Hamilton að teljast
líklegastur til að vinna heimsmeist-
aratitilinn.
mistök hjá Vettel
Eins mikið undrabarn og Þjóðverj-
inn Sebastian Vettel er, þá eru mis-
tök hans að gera út af við hann og
aðra keppendur. Á Spa ætlaði hann
að taka fram úr Jenson Button á
McLaren en tókst að snarsnúast og
beint á Button. Button þurfti að yf-
irgefa keppnina strax en Vettel náði
þó að klára, reyndar aðeins í fimmt-
ánda sæti. Þetta eru ekki fyrstu mis-
tökin sem Vettel gerir í sumar því
ekki má gleyma því þegar hann
keyrði á liðsfélaga sinn Mark Webb-
er þegar þeir voru tveir saman lang-
fremstir og negldi þá báða úr leik.
„Ég veit ekki hvað hann var að
gera. Ég veit alveg að þetta var ekki
viljandi, Vettel hafði enga ástæðu til
þess að keyra á mig,“ segir Jenson
Button, fórnarlamb þýska klaufa-
bárðsins. „Vettel er gífurlega hæfi-
leikaríkur ökumaður og hann mun
verða heimsmeistari einn daginn.
Það verður þó ekki í ár. Hann er
einfaldlega búinn að gera of mikið
af mistökum til að svo megi verða.
Þessi árekstur var miklu verri fyrir
mig heldur en hann. Ég var á góðu
róli þarna og hefði getað haldið í
við Lewis og Mark. En nú þarf ég að
vinna upp frekar mikið af stigum. Ég
er ekkert reiður út í Vettel en frekar
pirraður,“ segir Jenson Button.
sagan endalausa hjá Ferrari
Þegar Ferrari-menn náðu fyrstu
tveimur sætunum í fyrstu keppni
ársins í Barein héldu margir að þeir
rauðu væru farnir að rífa sig upp úr
skítnum sem liðið var í í fyrra. Svo
var þó ekki og hefur sumarið ver-
ið Ferrari-mönnum erfitt eins og
áhugamenn um sportið þekkja.
Á síðustu tveimur mótunum fyr-
ir sumarfrí leit þó út fyrir bjartari
tíma. Þeir náðu efstu tveimur sæt-
unum í Þýskalandi og svo öðru og
fjórða sæti í Ungverjalandi í keppn-
inni fyrir sumarfrí. Í Belgíu náði þó
Fernando Alonso ekki að klára þrátt
fyrir að líta langbest út á æfingum
en Felipe Massa endaði þó í fjórða
sæti. Hann á samt engan möguleika
á titlinum.
„Spa var einfaldlega vonbrigði,“
segir Stefano Domenicali liðsstjóri
Ferrari. „Við ætluðum svo sannar-
lega að fylgja eftir uppganginum
fyrir sumarfríið og það leit vel út á
æfingunum. En síðan fór tímatak-
an illa með okkur og Alonso þurfti
að leggja mikið í sölurnar til þess
að vinna sig upp. Því miður snerist
hann út af og verður eltingarleik-
ur hans erfiðari fyrir vikið. Massa
gerði vel og keyrði af öryggi eins og
hann gerir svo vel. Þetta voru mik-
ilvæg stig fyrir liðið því við ætlum
okkur í það minnsta á pall í keppni
bílasmiða úr því sem komið er. Við
höfum fulla trú á að Alonso geti náð
forystusauðunum og jafnvel landað
titlinum,“ segir Stefano Domenicali.
fljótastur
eftir sumarfríið
formúlan hófst á ný eftir fjögurra vikna
sumarfrí um síðustu helgi. Línur eru farnar
að skýrast og eiga nú aðeins fimm ökumenn
möguleika á titlinum, heldur fleiri en
undangengin ár. Sebastian Vettel hefur
gert of mörg mistök og þá gekk ferrari
afleitlega eftir sumarfríið.
Lítur VeL út
Lewis Hamilton var
magnaður á spa.
tómas þór þórðarson
blaðamaður skrifar: tomas@dv.is
stigakeppni Ökuþóra
keppandi Lið stig
1. Lewis Hamilton mcLaren 182
2. mark Webber Red Bull 179
3. sebastian Vettel Red Bull 151
4. Jenson Button mcLaren 147
5. Fernando alonso Ferrari 139
6. Felipe massa Ferrari 109
7. robert kubica Renault 104
8. nico rosberg mercedes 101
9. adrian sutil Force India 45
10. m. schumacher mercedes 44
stigakeppni BíLasmiða
Lið stig
1. red Bull 330
2. mcLaren 229
3. Ferrari 248
4. mercedes 145
5. renault 123
staðan
negLdi Button úr Leik Vettel náði þó sjálfur að fá
nýjan framvæng og klára keppnina, sá fimmtándi í röðinni.
sVekktur Alonso náði ekki að klára og er orðinn frekar langt á eftir fremstu mönnum.