Dagblaðið Vísir - DV - 14.01.2011, Page 44

44 | Tækni Umsjón: Páll Svansson palli@dv.is 14.–16. janúar 2011 Helgarblað
STOFNAÐ 1971 RAFTÆKJAVERSLUN • SÍÐUMÚLA 2 • SÍMI 568 9090 • www.sm.is
ALLT AÐ 67% AFSL.ÚTSALA
19" SJÓNVÖRP FRÁ 34.990
22" SJÓNVÖRP FRÁ 49.990
32" SJÓNVÖRP FRÁ 69.990
42" SJÓNVÖRP FRÁ 99.990
OPIÐ LAUGARDAG 10 -16
SJÁIÐ ÖLL
TILBOÐIN
Á SM.IS
Myndspjall fyrir
iPhone frá Skype
Skype setti á markað fyrir stuttu sérstakt
forrit sem gerir eigendum iPhone 4 og 3GS-
snjallsíma auk iPod Touch (fjórðu kynslóðar)
kleift að nýta sér sín á milli fría myndspjalls-
þjónustu fyrirtækisins að fullu og tengjast
öðrum Skype-notendum á Apple-, Windows-
og Linux-tölvum. Notendum er ráðlagt að
nýta sér Wi-Fi möguleika tækjanna fremur en
3G þar sem gagnamagn myndspjalls myndi
hækka símreikninginn verulega auk þess sem
gæði myndsendingar eru væntanlega meiri
í öflugri þráðlausri tengingu. iPad-tölvur
munu einnig geta nýtt forritið á þann hátt
að geta tekið við mynd og hljóði en einungis
sent frá sér hljóð þar sem tölvan er ekki búin
myndavél. Skype-forritið er hægt að fá frítt
í App Store, vefverslun Apple, eða í gegnum
iTunes-verslunina.
Tekið upp með
ljósmyndavélum
Stöðugt færist í vöxt að sjónvarpsþættir
og jafnvel heilu kvikmyndirnar séu
teknar upp á ljósmyndavélar en margar
dýrari útgáfur frá stærri framleiðend-
unum eru búnar þeim möguleikum
að geta tekið upp háskerpuefni í fullri
lengd. Í þessu sambandi má geta þess
að áramótaskaup Sjónvarpsins var tekið
upp á Canon EOS-vélar. Að sögn Tómas-
ar Tómassonar, aðaltökumanns Skaups-
ins, skilar EOS Movie-tæknin dýpt á
við hefðbundnar 35mm kvikmynda-
tökuvélar og gefur áhugamönnum
jafnt sem kvikmyndagerðarmönnum
tækifæri á að vinna efni á hagkvæman
en tæknilega ásættanlegan máta. Sony
stendur einnig framarlega í þróun slíkra
véla og búnaðar sem tengjast þeim. Á
myndinni má sjá splunkunýjan skjá frá
Sony, CLM-V55, sem kynntur
var í vikunni og
hægt er að tengja
við nokkrar útgáfur
af vélum fyrirtækis-
ins. Skjárinn er
sérstaklega
gerður til að
auðvelda
myndskeiðs-
upptökur.
Á CES-tæknisýningunni í Las Vegas sem lauk í vikunni voru kynntar um 80 nýjar spjald-
tölvur og má því búast við fullmett-
uðum markaði áður en árið er liðið.
Athygli vakti að nánast allar þessar
tölvur keyra á Android-stýrikerfinu,
aðeins fáeinar spjaldtölvur voru
kynntar sem keyra á Windows 7.
Fyrirætlanir Microsoft eru hálf-
óljósar, fyrir stuttu tilkynnti fyrir-
tækið að næsta Windows-stýrikerfi
þess myndi geta keyrt bæði á x86
(Intel) og ARM RISC örgjörvatækni
fyrir spjaldtölvur og snjallsíma.
Sókn fyrirtækisins inn á spjaldtölvu-
og snjallsímamarkaðinn virðist því
ekki lengur miðast við Windows
Phone 7 kerfið heldur stýrikerfi sem
enn er í þróun og ólíklegt að komi á
markað fyrr en um mitt næsta ár og í
millitíðinni geta aðrir framleiðend-
ur fest sig í sessi með spjaldtölvum
og snjallsímum sem keyra á And-
roid.
Motorola Xoom
Sú spjaldtölva sem hvað mesta at-
hygli og aðdáun hlaut á CES var
Xoom frá Motorola. Xoom er örlítið
stærri í sniðum en iPad, skartar 10,1
tommu snertiskjá (1280x800 pixla),
Tegra 2 (tvíkjarna) 1GHz örgjörva,
5 megapixla myndavél á bakhlið
og 2 megapixla að framan, getur
tekið upp myndskeið, spilað 720p
og 1080p háskerpumyndskeið auk
þess að vera með HDMI-útgang,
802.11n WiFi, Blátönn 2,1 og 32GB
geymslurými. Samkvæmt Motor-
ola mun rafhlöðuending þessar-
ar spjaldtölvu vera með afbrigðum
góð eða 10 tímar í myndskeiðs-
afspilun.
Xoom mun keyra á næstu stóru
útgáfu Android-stýrikerfisins, út-
gáfu 3.0 (Honeycomb) og því er ekki
alveg ljóst hvenær þessi áhugaverða
spjaldtölva fari að prýða hillur versl-
ana. Motorola virðist þó gera ráð
fyrir því að Honeycomb verði tilbúið
í næsta mánuði og Xoom komi því á
markað innan nokkurra vikna.
Motorola Atrix
Fartölva og sími? Motorola kynnti
Atrix-snjallsímann sem öflugasta
snjallsíma heims á CES. Símanum er
hægt að smella í bakhlið sérstakrar
fylgitölvu sem er eins og skel af far-
tölvu. Stýrikerfi og örgjörvaafl kemur
frá símanum en skelin er hins vegar
búin 11,6 tomma skjá, þriggja sella
rafhlöðu og lyklaborði auk tveggja
USB-tengiraufa.
Þegar síminn hefur verið tengdur
við kví skeljarinnar með HDMI- og
microUSB-tengjum ræsist sérstakt
stýrikerfi/notandaumhverfi byggt á
Linux-kjarna sem innbyggt er í sím-
ann. Síminn getur að auki hlaðið
sig með þessari tengingu. Motorola
mun einnig setja á markað sérstaka
kví fyrir símann sem valkost fyrir þá
sem ekki hugnast fartölvuskelin. Kví-
in verður búin ýmsum tengimögu-
leikum, til að mynda verður hægt að
tengja við hana háskerpuskjá, lykla-
borð og mús til að nýta aukastýrikerf-
ið til fullnustu
Atrix-síminn keyrir á NVIDIA
Tegra 2 örgjörva og Android 2,2 stýri-
kerfi, er með fjögurra tomma skjá
(960x540), 1 GB vinnsluminni, 16 GB
geymslurými, myndavélum á fram-
og bakhlið (5 megapixla með flassi á
bakhlið), 4G farsímakerfi auk micro-
SD tengiraufar.
Síminn kemur á markað nú á
fyrsta ársfjórðungi í Bandaríkjunum
en ekki hefur enn verið upplýst um
önnur markaðssvæði.
Motorola kom, sá og sigraði á CES-tæknisýningunni í vikunni.
Xoom-spjaldtölvan og Atrix-snjallsíminn sem fyrirtækið kynnti hafa
hlotið mikið lof og áhuga gagnrýnenda að undanförnu.
Motorola kom,
sá og sigraði
Motorola Atrix
Símanum er hægt að smella í
bakhlið sérstakrar fylgitölvu sem
er eins og skel af fartölvu.
Motorola Xoom
Spjaldtölvan mun keyra
á næstu stóru útgáfu
Android-stýrikerfisins,
útgáfu 3.0 (Honeycomb).