Dagblaðið Vísir - DV - 14.01.2011, Page 46

46 | Sport Umsjón: Tómas Þór Þórðarson tomas@dv.is 14.–16. janúar 2011 Helgarblað
Mótherjar Íslands
hM Í handbolta
Ísland hefur leik á heimsmeistaramótinu í handbolta í dag. Fyrsti leikurinn er gegn Ungverjalandi sem íslenska liðið hefur oft átt í basli
með. Mesta grýlan í riðlinum er þó Nikola Marinkovic, markvörður Austurríkis, sem hreinlega lokaði markinu gegn Íslandi í tvígang í
fyrra. Hér má líta stutta umfjöllun um mótherja Íslands í B-riðlinum og orð frá þjálfaranum, Guðmundi Guðmundssyni, um hvert lið.
VarIst Þessa
Fjörið er að byrja Um ekkert annað verður
rætt næstu vikur í landinu en HM í handbolta.
MyNd ReuTeRs
UngVerjaland
Besti árangur á HM: 2. sæti 1986
síðasta mót: 14. sæti á EM 2010
Varast skal: Línumanninn Gyula Gál. Hann
er ólseigur djöfull sem spilar fyrir eitt besta
lið Evrópu, Croatia Zagreb. Hann myndi
ekki vinna neinar vaxtarræktarkeppnir en
inni á línunni er hann snillingur í að finna
auð svæði. Hann grípur allt sem á vegi
hans verður og þegar hann er kominn með
boltann í hendurnar má bóka mark. Gál
er mjög góður í að klára færin og svo er
hann duglegur við að rífa kjaft og vera með
almenn leiðindi.
Gummi um ungverja: „Ungverjar eru með
mjög gott lið. Mjög góða hornamenn og öfl-
ugar skyttur. Þeir hafa reynst okkur erfiðir í
gegnum tíðina ef við skoðum söguna og leiki
gegn þeim. Fyrsti leikurinn verður því mjög
erfiður. Ungverjar spila 6:0-vörn vanalega
en nú eru þeir komnir með nýjan þjálfara
þannig að við getum átt von á
öllu. Þeir hafa átt það til að
fara framar á völlinn en
við þurfum að búa
okkur undir allt.
Ungverska
liðið er
byggt
upp á
Veszprém
sem er
gífurlega
sterkt lið í
Evrópuboltan-
um.“
brasIlÍa
Besti árangur á HM: 16. sæti 1999
síðasta mót: 21. sæti á HM 2009
Varast skal: Vanmat. Eins og Guðmundur
talar um hér að neðan mættust liðin í
tveimur æfingaleikjum í fyrrasumar. Þar
vann Ísland annan leikinn með þremur
mörkum en tapaði hinum með einu. Ísland
var vissulega ekki með sitt sterkasta lið en
þó voru í hópnum mikilvægir póstar á borð
við markvörðinn Björgvin Pál Gústavsson,
Arnór Atlason og Snorra Stein. Brassar eru
ekki jafnlangt frá Evrópuþjóðunum og áður
og varast skal allt vanmat.
Gummi um Brasilíu: „Brassar sigruðu
Norðmenn um daginn og eru sýnd veiði
en ekki gefin. Við getum
ekkert tekið Brassana
með annarri hendi.
Það þarf að fara mjög
einbeitt í þá leiki. Við
spiluðum við þá í júní
en þá voru þeir ekki
með sitt sterkasta lið
frekar en við. Ytra unnum við
annan leikinn en töpuðum hinum.
Brassar spila flata 6:0-vörn og sóknarlega
eru þeir með góða skotmenn. Þetta eru
mjög flottir
handboltamenn
sem margir
hverjir spila í
Evrópu.“
japan
Besti árangur á HM: 10. sæti 1970
síðasta mót: 16. sæti á HM 2005
Varast skal: Hið óvænta. Japanskir
leikmenn eru óþekktir í Evrópuboltanum.
Japan ætti með réttu ekki að vinna leik
í riðlinum en ekkert lið má vanmeta svo
stórlega. Japanska liðið hefur það með sér
að æfa meira saman en önnur lið. Japanska
liðið er þó ekki einu sinni það sterkasta í Asíu
og á því ekki að eiga neinn möguleika.
Gummi um Japan: „Auðvitað eigum við að
vinna Japani. Það þarf samt að taka svona
leiki á fullu. Ég hef lítið stúderað þá en það
gefst nú tími til þess á mótinu þar sem við
mætum Japan ekki fyrr en í þriðja leik.“
aUstUrrÍkI
Besti árangur á HM: 2. sæti 1938
síðasta mót: 9. sæti á EM 2010
Varast skal: Markvörðinn Nikola Marinovic
sem vann sér inn viðurnefnið „Íslandsban-
inn“ árið 2010. Tvívegis mættust liðin, fyrst
á EM í Austurríki þar sem heimamenn náðu
ótrúlegu jafntefli og svo aftur í undankeppni
EM í október þar sem Austurríki hafði
öruggan sigur. Í báðum leikjunum varði
Marinovic eins og berserkur en hann virðist
vera með íslenska liðið algjörlega kortlagt.
Hann ver ekki bara vel gegn Íslandi en það er
í raun það eina sem okkur er sama um.
Gummi um Austurríki: „Við höfum verið
í basli með Austurríkismenn undanfarið.
Þetta er lið sem við þurfum að taka mjög al-
varlega. Markvörðurinn þeirra
er algjör toppleikmaður
og er að gera það gott í
þýsku úrvalsdeildinni. Liðið
spilar góða vörn og er vel
skipulagt. Virkilega erfiður
andstæðingur.“
noregUr
Besti árangur á HM: 6. sæti 1958
síðasta mót: 7. sæti á EM 2010
Varast skal: Línumanninn Bjarte Myrhol
sem er líklega besti sóknarlínumaður í
handboltanum í dag. Hann heldur Róberti
Gunnarssyni á bekknum hjá Rhein-Neckar
Löwen og það eitt segir sína sögu. Hann var
Íslendingum ævintýralega erfiður í leiknum
á EM í fyrra. Myrhol getur gersamlega verið
óstöðvandi á línunni en hann er einnig
duglegur að berja frá sér.
Gummi um Noreg: „Norðmenn eru með
frábært lið í dag þar
sem er toppleik-
maður í hverri
stöðu. Þetta er
erfitt lið sem
við þurfum
að spila mjög
vel gegn til að
vinna.“
Gyula Gál
Línumaður Ungverjalands
Bjarte Myrhol
Línumaður Noregs
Nikola Marinovic
Markvörður Austurríkis