Dagblaðið Vísir - DV - 25.03.2011, Blaðsíða 6

6 | Fréttir 25.–27. mars 2011 Helgarblað
Borgin bauð 150 manns til veislu í síðustu viku:
Hálf milljón í mat og drykk
Reykjavíkurborg hélt í síðustu viku
boð fyrir á annað hundrað manns
en það voru þeir sem komu að bygg-
ingu hússins á horni Lækjargötu og
Austurstrætis. „Við ákváðum að sýna
þeim sem komu að byggingu hússins
þakklætisvott með því að halda boð
fyrir þá. Okkur fannst það betur til
fundið að gera þetta svona í stað þess
að halda vígsluveislu eða reisugilli,“
segir Kristín Einarsdóttir, aðstoðar-
sviðsstjóri á framkvæmda- og eigna-
sviði Reykjavíkurborgar.
Hún segir að boðið, sem haldið
var í húsinu sjálfu, hafi staðið í einn
og hálfan tíma. „Þau sem komu að
byggingu hússins fengu að skoða
það en margir eru hættir að vinna við
húsið fyrir þó nokkru og hafa því ekki
séð það lengi. Nú förum við einnig að
afhenda það leigutökum og þá getur
fólkið ekki komið og skoðað vinnu
sína.“ Hún segir þetta því hafa verið
gott tækifæri fyrir fólk að sjá afrakst-
ur vinnu sinnar.
Kristín segir að þetta hafi ekki ver-
ið stór veisla þar sem miklu hafi ver-
ið til kostað. „Þetta var fyrst og fremst
hugsað sem þakklætisvottur til
þeirra sem komu að húsinu. Dagur
B. Eggertsson kom og hélt smá tölu
í fjarveru borgarstjóra og ég bauð
fólk velkomið fyrir hönd borgarinn-
ar. Stundum eru haldin reisugilli en
það verður ekki í þetta skiptið. Okk-
ur fannst líka skemmtilegra að gera
þetta svona,“ segir hún og bætir við
að vinnuborð hafi verið dúkuð og
þær veitingar sem boðið var upp á
hafi komið úr eldhúsi borgarinnar.
Aðspurð um kostnaðinn við boðið
segir hún hann hafa verið 455.000
krónur.
gunnhildur@dv.is
Þakklætisvottur Hér sést nýbyggingin á horni Lækjargötu og Austurstrætis. Veislan sem
borgin hélt kostaði tæplega hálfa milljón.
Umdeild ummæli forvarnarfulltrúa:
Áður var það
Pink Floyd
„Það sem hann var að tala um var
atferli hjá unglingum sem gætu
vakið upp grunsemdir hjá foreldr-
um án þess að bein orsakatengsl
væru þar á milli,“ segir Þórarinn
Tyrfingsson, yfirlæknir á Vogi, um
ummæli Magn-
úsar Stefáns-
sonar, fræðslu-
fulltrúa hjá
Marítu, forn-
varnarsviði
Samhjálpar, í
Bítinu á Bylgj-
unni á fimmtu-
dag.
Ummæli
Magnúsar í útvarpinu vöktu mikla
athygli en þar benti hann á að það
væri viss vísbending um kanna-
bisneyslu ungmenna ef þau byrj-
uðu allt í einu að hlusta á reggí-
tónlist þar sem sú tónlist tengdist
inn í kannabisheiminn og rasta-
fari-lífsstílinn. Önnur vísbending
væri ef unglingurinn hefði alla
jafna verið erfiður í umgengni
en færi síðan allt í einu að hjálpa
foreldrum sínum við heimilis-
störfin. Einnig ættu foreldrar að
vera vakandi gagnvart klæðaburði
unglinganna. Föt með mynd af
kannabisplöntunni væru önnur
vísbending.
Þórarinn segir í samtali við DV
að það sé fyrst og fremst merki um
að umræðan um kannabisneyslu
meðal ungmenna sé mjög óþrosk-
uð ef menn væru viðkvæmir fyrir
ummælum sem þessum.
„Ég man að í gamla daga þá
voru allir hassistarnir mjög hrifnir
af ákveðinni plötu sem virðulegir
borgarar í dag hlusta nú bara á án
þess að vera sérstaklega tengdir
við hassneyslu. Það er The Wall
með Pink Floyd. Maður átti samt
að vera á varðbergi ef unglingur
dró fram svo gamla plötu og fór að
hlusta á hana.“
Þórarinn segir að skipta megi
þessum einkennum vímuefna-
neytanda í annars vegar áþreifan-
lega hluti eins og áhöld til neyslu,
ef kannabis finnst í þvagi, líkamleg
einkenni ef menn greina vímuna
eða þann félagslega vanda sem af
neyslunni stafar. En á hinn bóg-
inn sé hægt að tala um visst atferli
sem gæti vakið upp grunsemdir
án þess að bein tengsl væru þar á
milli.
„Mér heyrðist hann nú vera
að vísa til ýmissa svona einkenna
sem foreldrar ættu að vera á varð-
bergi fyrir. En menn geta afskræmt
það sem sagt er en mér þótti hann
bara tala mjög skynsamlega. Og
mér finnst það ekki ljót ummæli
um reggítónlist enda sýndist mér
hann ekki fullyrða neitt um það.
Hann sagði ekkert sem móðgaði
mig alla vega,“ segir Þórarinn sem
fengist hefur við vímuefnaneyt-
endur í fjölda mörg ár sem yfir-
læknir á Vogi.
mikael@dv.is
Jóhanna Sigurðardóttir forsætis-
ráðherra ætlar að ræða niðurstöðu
kærunefndar jafnréttismála við rík-
islögmann, rýna í ráðningarmál
stjórnarráðsins og kalla Önnu Krist-
ínu Ólafsdóttur á sinn fund. Anna
Kristín var í hópi 41 umsækjanda
sem sótti um stöðu skrifstofustjóra
í forsætisráðuneytinu. Jóhanna réð
Arnar Þór Másson, en hann var
metin hæfastur í fimm manna hópi
þeirra sem til greina komu; Anna
Kristín var í fmmta sæti.
Kærunefnd jafnréttismála komst
að annarri niðurstöðu, en virðist jafn-
framt hafa stuðst við aðrar áherslur
og einhverju leyti önnur gögn en gert
var í ráðningar- og matsferlinu sem
leiddi til þess að Arnar Þór var skip-
aður í embætti skrifstofustjóra. For-
sætisráðherra fann að þessu í máli
sínu á Alþingi fyrir helgina.
Stjórnarandstaðan gerði harða
hríð að Jóhönnu vegna málsins en
hún hefur einnig sætt nokkru ámæli
úr röðum eigin flokksmanna. Jó-
hanna taldi líklegt að hún hefði ver-
ið sökuð um geðþótta og pólitíska
embættisveitingu ef hún hefði tekið
Önnu Kristínu fram fyrir Arnar Þór,
en þær starfa í sama stjórnmála-
flokki. Þá andmælti hún því að mál-
ið væri sambærilegt því þegar Björn
Bjarnason, þáverandi dómsmálaráð-
herra, skipaði Ólaf Börk Þorvalds-
son, hæstaréttardómara árið 2003.
Hjördís Hákonardóttir kærði skipun
Björns, en hún var meðal umsækj-
enda. Málinu lyktaði með því að rík-
ið greiddi henni bætur.
Jóhanna benti á að Björn hefði
tekið Ólaf Börk fram fyrir aðra sem
Hæstiréttur hafði metið hæfari og
farið gegn því sem telja mátti fag-
legt mat dómaranna. Þess má geta
að Ólafur Börkur er náfrændi Davíðs
Oddssonar sem var forsætisráðherra
þegar Björn skipaði Ólaf Börk hæsta-
réttardómara.
Vantar stefnu um
stöðuveitingar
Sú spurning hefur vaknað hvern-
ig kærunefnd um jafnréttismál gat
komist að annarri niðurstöðu en
ráðgjafar gerðu þegar umsækjend-
urnir voru metnir með formlegum
hætti. Eftir því sem DV kemst næst
þykir málið endurspegla vanda sem
ráðningarmál og embættisveitingar
hafa ratað í hér á landi þar sem fag-
legt mat sérfræðinga rekst á við mat
lögfræðinga auk þess sem spenna
ríkir milli stöðuveitinga á faglegum
eða pólitískum grundvelli. Ekki þykir
bæta úr skák að skýr stefna hefur ekki
enn verið mótuð af hálfu stjórnvalda
um stöðuveitingar og standa Íslend-
ingar öðrum þjóðum, til dæmis Bret-
um, langt að baki í þeim efnum.
Mannauðsfræðingur hjólar
í kærunefnd
Arndís Ósk Jónsdóttir mannauðs-
ráðgjafi sendi ráðuneytisstjóra í for-
sætisráðuneytinu greinargerð vegna
málsins á miðvikudaginn. Hún gagn-
rýnir niðurstöðu kærunefndarinn-
ar í mörgum liðum. „Gera verður þá
kröfu að nefndin sinni rannsóknar-
skyldu sinni, gæti meðalhófs og telji
kærunefndin sig búa yfir betri þekk-
ingu og upplýsingum yfir hæfnis-
kröfur starfsins verði hún að sýna
fram á það. Það er því umhugsunar-
efni að kærandi, eða kærunefnd jafn-
réttismála, telji sig hafa betri innsýn
í hvað í starfinu felist og hvers það
krefst, út frá hæfni, menntun eða
reynslu án sjálfstæðrar greiningar
eða rannsóknar.“
Arndís segir í greinargerð sinni
að árafjöld á bak við menntun og
reynslu hafi lítið forspárgildi um
framtíðarframmistöðu í starfi. Sýnt
hafi verið fram á slíkt með rannsókn-
um. „Þar til að kærunefnd jafnréttis-
mála getur sýnt fram á hvaða fræði-
legi bakgrunnur stendur að baki
mati nefndarinnar má líta svo á að
skilaboð hennar séu þau að á Íslandi
eigi ekki að vinna faglega að undir-
búningi ráðninga hjá hinu opinbera.“
Arndís áréttar að allir umsækj-
endurnir hafi verið metnir kerfis-
bundið og gætt jafnræðis. Það veki
spurningar um jafnræði ef einn um-
sækjandi geti komið að upplýsingum
í kæruferli sem öðrum gæfist ekki
tækifæri til að koma að.
Að teknu tilliti til ofangreinds er
ljóst að kærunefnd jafnréttismála
hefur mat embættismanna ráðu-
neytisins, umsagnaraðila umsækj-
enda og ráðgjafa að engu. Kæru-
nefndin virðist því móta sínar
eigin forsendur og úrskurða á þeim
grunni án tillits til gagna og niður-
staðna rannsókna.
n Forsætisráðherra gagnrýnd vegna niðurstöðu kærunefndar jafnréttismála n Sakar
kærunefnd um að breyta forsendum n Nefndin fylgir eigin forsendum án gagna og
rannsókna að mati mannauðsfræðings n Lítt mótuð stefna um faglegar ráðningar
Kærunefnd
á villigötum
Jóhann Hauksson
blaðamaður skrifar johannh@dv.is
Forsætisráðherra í vanda Jóhanna Sigurðardóttir og fleiri gagnrýna að kærunefndin úrskurði á eigin forsendum.