Dagblaðið Vísir - DV - 25.03.2011, Blaðsíða 34

34 | Viðtal 25.–27. mars2011 Helgarblað
Þ
egar blaðakonan vindur sér úr
snjófjúkinu í mars inn í hlý­
lega fornbókabúðina geng­
ur hún inn í miðju bókastafla
á gólfinu. Ný sending er á gólfinu í
mörgum stöflum. Barnabækur frá
sjötta og sjöunda áratugnum í meiri­
hluta og gamalt eintak af Hildu á Hóli
grípur augað.
„Bragi er ekki hér,“ heyrist einhvers
staðar innan úr stöflunum. Það sést
glitta í silfurhærðan og síðhærðan
koll við búðarborðið. Afgreiðslumað­
ur situr við afgreiðslukassa á fremur
lágum kolli. „Hann Bragi er heima
að hvíla sig,“ segir hann. „Hann lenti
í þeirri ólukku að detta úr sendiferða­
bíl,“ segir hann. Þetta er hann Kristján
Sigvaldason, fyrrverandi sögukenn­
ari, sem situr svona lágt á milli bóka­
staflana.
Blaðakonan verður því að gera
sér aðra ferð í bókabúðina Bókina á
horni Hverfisgötu og Klapparstígs þar
sem Bragi bóksali hefur glætt borg­
ina lífi síðustu ár. Bókin var fyrst á
Skólavörðustíg en lengst af á Vestur­
götunni en flutti sig um set fyrir
nokkrum árum. Í seinni tíð reka þeir
hana saman, Bragi og Ari Gísli sonur
hans.
Hættur að fara í sund
Þegar blaðakonan fær loks að heyra
í Braga er hann í ljómandi skapi og
heilsar henni með virktum. Blaða­
konan spyr hann um meiðslin en
hann gerir lítið úr þeim þótt hann
segist sakna þess að fara í sund en
um árabil byrjaði hann hvern dag á
því að fara í Seltjarnarnes­ eða Vest­
urbæjarlaugina að synda og verma
sig í heitum potti og það gerir hann
sjaldnar í dag. „Ég var líkast til að
breytast í hval,“ segir Bragi. „Ég fór
líka í Kaffivagninn á Granda og fékk
mér jólaköku og kaffi áður en ég
rölti upp í búð. En það er nú annað
ástandið á mér í dag,“ bætir hann við
og útskýrir að vegna meiðslanna sé
hann fremur kraftlítill, bæði líkam­
lega og andlega. „Í dag læt ég mér
nægja að byrja daginn á því að fá mér
súrmjólk og finn mér svo eitthvað að
dunda heimavið.“
Hornin hans Braga
Í fornbókabúðina Bókina kemur fólk
haldið fortíðarþrá enda leynast þar
ýmsar gersemar. Bókunum er rað­
að þétt í hillurnar og stundum finn­
ast þær á gólfinu líka í háum stöfl­
um. Búðin lyktar af prentsvertu og
gömlum pappír og þar inni er ávallt
hlýtt, jafnvel þegar snjóbylur lemur
gluggana.
Bragi hefur líka ávallt haft gaman
af því að stilla upp áhugaverðu efni í
búðarglugganum og við afgreiðslu­
borðið, stundum með pólitískri skír­
skotun, tilvitnunum í söguna eða
eigin skoðunum á mönnum og mál­
efnum og þess vegna er hver heim­
sókn í búðina bæði tímafrek og
skemmtileg. Það þarf að líta í hvert
horn. „Fólk kemur ekki bara hing­
að til þess að kaupa bækur, heldur
til þess að hitta annað fólk, forvitn­
ast um alla hluti og ræða málin og
hingað kemur ákaflega mikið af góðu
fólki,“ segir Bragi.
Konur skilja heiminn betur
Bragi segist feginn því að ræða við
konu. Hann hafi á þeim sérstakar mæt­
ur. „Konur eru miklu betri en karlmenn
að öllu leyti. Þær finna meira til og skilja
heiminn betur. Heimurinn verður góð­
ur staður að búa á fái þær að ráða meiru
um það hvernig honum er stjórnað.“ –
„Er maðurinn þinn ekki góður við þig?“
spyr Bragi svo og segist hafa áhyggjur
af því að menn séu almennt ekki nægi­
lega góðir við konur sínar. Bragi hefur
alla tíð vanið sig á að virða konur og
minnir samferðamenn sína iðulega á
að gera hið sama. Sjálfsagt hefur upp­
eldið haft sitt að segja en Bragi er alinn
upp á heimili þar sem foreldrar hans
skiptu oft með sér verkum.
Foreldrar Braga hétu Elísabet
Engil ráð Ísleifsdóttir og Kristjón Krist­
jónsson. Móðir hans Elísabet Engil­
ráð vann mikið úti og Bragi segir föður
sinn oftast hafa þvegið upp og eldað
matinn. „Við nutum ástríkis á heim­
ilinu,“ segir hann. „Pabbi eldaði oft
kjötsúpu og við fundum ekkert að því.
Mamma vann mikið úti og pabbi sá
því oft um að taka á móti okkur og elda
ofan í okkur. Það var líka ljúft á milli
þeirra sem er öllum börnum hollt.“
Stoltur af sonum sínum
Bragi er elstur þriggja systkina. Syst­
ur Braga eru Jóhanna, blaðamaður
og rithöfundur, og Valgerður, sem er
kennari.
Bragi Kristjónsson
bókakaupmaður hefur glætt
miðborgina lífi í áratugi með
rekstri fornbókaverslunarinnar
Bókarinnar. Þeir sem þangað
koma eru oft haldnir for-
tíðarþrá en sækja ekki síður í
samtal við Braga um lífið og
tilveruna. Kristjana Guð-
brandsdóttir ræddi við
Braga um konurnar í lífi hans
og örlög þeirra, uppvöxtinn,
ellina og samstarfið við Egil
Helgason í sjónvarpsþætt-
inum Kiljunni.
Konur finna meira til
og skilja heiminn betur
„Þeir hafa allir afrekað ýmislegt, synir mínir.
Helst er ég stoltur af þeim fyrir að rata sína leið
með sínum hætti.