Dagblaðið Vísir - DV - 25.03.2011, Blaðsíða 35

Viðtal | 35Helgarblað 25.–27. mars2011
Að loknu stúdentsprófi úr Verzl­
unarskólanum starfaði Bragi um
nokkurra ára skeið sem blaðamaður
á Vikunni og Vísi og vann meira að
segja sem ráðskona hjá Sverri Har­
aldssyni. Sverrir var litríkur lista­
maður og á heimilinu voru oft hald­
in partí. Bragi sá um að ekkert færi
alvarlega úr skorðum á heimilinu.
Það var í ráðskonuhlutverkinu sem
ástin varð fyrst á vegi hans en í einu
partíinu heima hjá Sverri hitti hann
verðandi eiginkonu sína, Nínu Árna­
dóttur. Nína og Bragi urðu skjótt
ástfangin, giftu sig árið 1966 og ári
seinna fæddist þeim sonurinn Ari
Gísli.
Ari Gísli og Bragi hafa unnið sam­
an í meira en áratug að uppbyggingu
verslunarinnar. Ari er kvæntur Sig­
ríði Hjaltested leirlistakonu.
Árið 1973 fæddist þeim annar
sonur, Valgarður, sem kvæntur er
Huldu Vilhjálmsdóttur myndlist­
arkonu, og árið 1977 fæddist þriðji
sonurinn, Ragnar Ísleifur, sem starf­
ar í dag við kvikmyndagerð. Bragi
segist stoltur af öllum sonum sínum.
Þeir séu ólíkir en eigi það þó allir
sameiginlegt að búa yfir ljúfri lund
og mikilli næmni. „Þeir hafa allir af­
rekað ýmislegt, synir mínir. Helst er
ég stoltur af þeim fyrir að rata sína
leið með sínum hætti.“ Bragi seg­
ir Ara vera hæglátan og hlýjan fjöl­
skyldumann, Valgarð bráðlátari
hæfileikamann og þann yngsta,
Ragnar Ísleif, sýna mikla hæfileika á
sviði leikritunar og í kvikmyndagerð.
Skugga bregður á lífið
Á þessum árum meðan strákarn­
ir voru litlir, orti kona hans Nína
heilmikið. Ljóðunum hennar var
vel tekið og hún var orðin viður­
kennd á Íslandi. Spurður um sam­
líf þeirra hjóna segir hann fyrstu ár
þeirra saman hafa einkennst af mik­
illi vinnu og ást. Nína vann ötullega
að list sinni en skugga bar þó á gleði
þeirra hjóna þegar Nína veiktist þar
sem þau bjuggu í Kaupmannahöfn
og stunduðu nám. Nína reyndi að
svipta sig lífi. Það varð henni til lífs að
nágrannakona kom að og kom henni
á spítala. Nína jafnaði sig á þessum
skyndilegu veikindum með aðstoð
lyfja um sinn.
Álagið reið hjónabandinu
að fullu
Bragi, Nína og strákarnir fluttust
aftur heim til Íslands og Bragi opn­
aði fornbókaverslunina, þá á Skóla­
vörðustíg 20. Bragi segir áhugann
hafa blundað í sér alla tíð. Kaup­
mennskunni kynntist hann svolítið
þegar hann kynntist Sigurði Bene­
diktssyni, blaðamanni og listupp­
boðshaldara. „Sigurður lærði blaða­
mennsku hjá Politiken og kom svo
heim og skrifaði fyrir Morgunblaðið.
Þá varð hann ritstjóri Vikunnar og
gaf út blöð, svo sem Hádegisblaðið.
Hann höndlaði líka með bækur og
listmuni og þannig fékk ég innsýn í
þann heim. Ég vann fyrir hann ýmis
smáverk upp úr tvítugu. Ég kynntist
líka Helga Tryggvasyni bókbindara
sem átti mikið af bókum og blöðum
sem hann hafði sankað að sér í gegn­
um tíðina. Þannig trúi ég að bækur
hafi smám saman orðið aðalvið­
fangsefni mitt.“
Veikindin Nínu sem áttu sér
upphaf sumarið 1974 lituðu eftir
það allt hennar líf. Eftir að heim
var komið ágerðust veikindin og
fjölskyldulífið litaðist mjög af þeim.
Bragi segir tímana hafa verið aðra
í þá daga. Í dag hefði Nína ef til vill
fengið betri hjálp við að koma lífi
sínu á réttan kjöl. Sú var ekki raun­
in í þá daga. Bragi sinnti heimilis­
haldinu í veikindum Nínu og hug­
aði að drengjunum sínum. Hann
segist hafa reynt af fremsta megni
að hafa úthald til þess að bæði skilja
og bregðast við því sem Nína gekk í
gegnum. Honum reyndist það hins
vegar ofraun. Álagið reið hjónaband­
inu að fullu.
Ástin í annað sinn
Bragi fékk að kynnast ástinni í ann­
að sinn. Hann kynntist Jónínu Bene­
diktsdóttur. „Jónína var yndisleg
manneskja og um leið og við hittumst
varð ekki aftur snúið. Jónína hafði
orku sem ég dróst að,“ segir hann.
Þegar Bragi og Jónína hittust fyrst
var hún fráskilin eftir áratuga hjóna­
band með Svavari Gestssyni. Með
Svavari átti Jónína þrjú börn, Svan­
dísi, Benedikt og Gest.
„Ég var kvæntur Nínu Björk þeg­
ar ég hitti Jónínu og því var samband
okkar laumuspil fyrsta eina og hálfa
árið. Þá skildum við Nína Björk og
ég og Jónína hófum fjarbúð en vor­
um saman öllum stundum. Við fór­
um í rómantískar ferðir um heiminn
og nutum lífsins. Þetta var yndislegur
tími.“
Bragi átti góð ár með Jónínu og
var hamingjusamur. Hann missti
hana fyrir nokkrum árum og Nína
Björk lést á heimili sínu árið 2000.
Bragi syrgir þær báðar. „Ég syrgi þær
báðar, og það er eðlilegt því báðar
voru þær stór hluti af minni tilveru.“
Sjónvarpsstjarna á gamalsaldri
Bragi hefur sést á sjónvarpsskján­
um síðustu misseri í þætti Egils
Helgasonar, Kiljunni, á RÚV. Egill
hefur þá heimsótt Braga í bókabúð­
ina og þeir tveir rætt um sitthvað
fróðlegt sem Braga finnst áhuga­
vert. En hvað finnst honum um það
að vera orðin sjónvarpsstjarna á
gamalsaldri?
„Ég er nú engin sjónvarpsstjarna,“
segir Bragi. „Er einhver að horfa á
þetta?“ spyr hann. Blaðamaður jánk­
ar því og segist hafa verið sérlega
ánægður þegar Bragi ræddi um Sig­
urð Kristófer Pétursson. Hann sé nú
duglegur að finna upp á einhverju
skemmtilegu að ræða um. Hvar væri
Egill eiginlega án hans? Bragi skell­
ir upp úr. „Hann er nú svo ágætur og
þarf ekkert frekar á mér að halda,“
segir hann. Ég hef nú reyndar sér­
staka ánægju af því að fjalla um menn
eins og Sigurð Kristófer,“ segir Bragi og
veit svo sem að blaðakonan minnist á
hann sérstaklega vegna þess að hann
er skyldur honum aftur í ættir. „Ég hef
gaman af því að draga upp myndir af
fólki eins og honum. Fólki veitir ekki
af slíkri vitneskju en Sigurður Kristó­
fer er merkilegur vegna þess að hon­
um tókst að vinna þrekvirki þrátt fyrir
að vera rúmfastur alla sína ævi. Hann
var fjórtán ára þegar hann veiktist af
holdsveiki og rúmfastur á Laugarnes­
spítala þýddi hann til dæmis Háva­
mál Indíalands, las mörg tungumál
og meira að segja esperanto.“
Forvitið fólk kemur alltaf aftur
Verslunin selur bækur til útlanda og
rekur vefsíðuna bokin.is. Það er held­
ur ekki mikið á því að græða að selja
konum með fortíðarþrá stöku ein­
tak af Hildu á Hóli. Umfang þessara
viðskipta er töluvert og þá sérstak­
lega til safna erlendis. Bragi hefur
byggt vel og framtíð verslunarinnar
er að öllum líkindum björt og líklegt
að áfram heimsæki fólk með fortíð­
arþrá fornbókabúðina hans í leit að
gersemum og líti þá í hvert horn. Eða
eins og Kristján Sigvaldason, fyrrver­
andi sögukennari og afgreiðslumað­
ur í Bókinni, sagði þegar hann kvaddi
blaðakonuna einn miðvikudaginn í
mars: „Forvitið fólk ræður ekkert við
sig hérna inni. Það kemur alltaf aftur.“
Konur finna meira til
og skilja heiminn betur
„Ég syrgi þær
báðar, og það
er eðlilegt því báðar
voru þær stór hluti
af minni tilveru.
„Mamma vann
mikið úti og pabbi
sá því oft um að taka á
móti okkur og elda ofan í
okkur. Það var líka ljúft á
milli þeirra sem er öllum
börnum hollt.
Heima hjá Braga Bragi
jafnar sig á bakmeiðslum
og saknar þess að fara
í sund. En sundferðir í
Vesturbæjarlaugina voru
fastur liður á hverjum degi.
MYND SIGTRYGGUR ARI JÓHANNSSON
Lítill drengur Bragi ólst upp við mikið
ástríki foreldra sína. „Það var ljúft á milli
þeirra og það er öllum börnum hollt.“ Hér
er Bragi með hundi sem hann lék sér við og
sagðist gjarnan eiga.