Dagblaðið Vísir - DV - 25.03.2011, Blaðsíða 45

Fókus | 45Helgarblað 25.–27. mars 2011
Hvað er að gerast?
n Heyrðu mig nú! Sinfóníuhljómsveit
Íslands heldur áfram tónleikaröð sinni og
nú er komin að röðinni Heyrðu mig nú! Það
er tónleikaröð sérstaklega ætluð þeim sem
hafa gaman af nýrri, spennandi, krassandi
tónlist. Tónleikarnir eru á föstudagskvöld-
um og taka um klukkustund. Tónleikarnir
þennan föstudaginn bera heitið Drumming
/ Kroumata. Þeir hefjast klukkan 21.00 en
miðaverð er aðeins krónur 1.500.
n Góðgerðatónleikar í Landakoti
Á föstudagskvöldið verða haldnir
góðgerðatóneikar til stuðnings íslenskum
málefnum í Dómkirkju Krists konungs í
Landakoti í Reykjavík. Hinn þekkti fiðluleik-
ari og stjórnandi Vladimir Spivakov kemur
hingað ásamt nokkrum hljóðfæraleikurum.
Spivakov stjórnar rússnesku kammersveit-
inni Moscow Virtuosi. Tónleikarnir hefjast
klukkan 20.00 en miðaverð er 4.000 krónur.
n Booka Shade og FM Belfast í
Höllinni Dansdúóið Booka Shade heldur
magnaða tónleika í nýju Laugardalshöllinni
á laugardagksvöldið. Tónleikarnir marka
hámark Fanfest CCP. Tónleikar Booka Shade
þykja mikið sjónarspil, veisla fyrir augu
og eyru. Íslenska hljómsveitin FM Belfast
hitar upp fyrir Þjóðverjana en FM Belfast
fer á svið klukkan 23.00 og Booka Shade
klukkustund síðar. Miðinn kostar 2.700
krónur.
n Rokkaðir Bítlar Á laugardagskvöldið
mun karlakór Dalvíkur ásamt Eurovision-
faranum Matta Matt og rokkhljómsveit
flytja lög Bítlanna og Queen í rokkuðum
útsetningum Guðmundar Óla Gunnarsson,
stjórnanda kórsins. Tónleikarnir fara fram í
hinu glæsilega menningarhúsi Hofi á Akur-
eyri en hægt er að kaupa sér miða á miði.is.
Hann kostar 3.300 krónur.
n Þynnkubíó á Prikinu Hvar er betra að
enda helgina en í bíó sem ekkert kostar? Hin
sívinsælu þynnkubíó Priksins halda áfram
en á sunnudagskvöldið verður myndin Brain
Dead sýnd klukkan 22.00. Að sjálfsögðu
verður popp í boði Priksins eins og alltaf.
25
MAR
Föstudagur
26
MAR
Laugardagur
27
MAR
Sunnudagur
En ætlarðu bara að slást? Hvað
með leiklistarferilinn?
„Það er bara eins og það er. Þetta
hefur alltaf gengið rosalega vel. Fólk
bara hringir í mig þegar það þarf á
mér að halda. Stundum koma þrjú
símtöl á dag og stundum er ég í fríi í
tvo mánuði og finnst það mjög gott.
Ég hef aldrei stressað mig á þessu.
Þetta er svona eins og sjórinn, flóð
og fjara,“ segir hún brosandi og bæt-
ir því við að þar sem von sé á barni
í lok júlí muni hún eflaust hafa
nóg fyrir stafni. Þetta er fyrsta barn
þeirra beggja og mikil eftirvænting á
heimilinu eins og gefur að skilja. Öf-
ugt við marga foreldra hafa þau ekki
viljað vita af hvoru kyni barnið er en
þó liggur umslag með stóra leyndar-
málinu á stofuborðinu.
„Eina fólkið sem fær að vita hvors
kyns barnið er eru þau sem ætla að
prjóna eitthvað handa því,“ segir
Ágústa með stríðnistón um leið og
ég furða mig á því hvernig sé yfirleitt
hægt að standast þessa freistingu.
Þegar kemur að börnum er
Ágústa öllu vön því hún er sú næst-
yngsta í fimm systkina hópi. Þau
Finnbogi bróðir hennar eru nánast
jafnaldrar. Fæddust með árs milli-
bili, hún í lok júlí árið 1982 og hann
í byrjun október 1983. Finnbogi átti
sitt fyrsta barn árið 2009 og nú bíða
allir spenntir eftir frumburði Ágústu
Evu og Jóns Viðars.
Hvernig var að eiga svona mörg
systkini?
„Það var ógeðslega gaman. Það er
alltaf endalaust fjör á heimilinu, all-
ir alltaf að gera eitthvað. Mér finnst
mjög fátæklegt að hugsa til þess að
örfáar manneskjur búi saman í stóru
húsi og mig langar sjálfa að eign-
ast mörg börn. Það er samt ekkert
planað þannig séð en ég veit að það
er mjög gaman að vera í stórri fjöl-
skyldu. Þegar maður hugsar laus-
lega út í þetta, án þess að hugsa um
praktík eins og kostnað og vinnu, þá
sé ég alveg fyrir mér að geta eign-
ast fullt af börnum, kannski fimm til
tólf, en auðvitað lætur maður þetta
bara ráðast,“ segir hún og hlær.
Hvernig heldurðu að það hafi
mótað þig sem stelpu að eiga bróður
sem er nánast jafnaldri þinn?
„Það eru rosalega sterk tengsl
okkar á milli og ég hef alltaf fundið
hvernig við höfum togað í hvort ann-
að hvað varðar húmor og lífsviðhorf,
áhugamál og smekk á flestu. Hann
hefur haft rosalega mikil áhrif á mig
og ég á hann. Mér finnst hann svo
skemmtilegur og honum finnst ég
voða skemmtileg. Við erum miklir
vinir.“
Þú ert smá svona strákastelpa
eins og það kallast. Heldurðu að það
séu áhrif frá Finnboga?
„Já, pottþétt, af því mér finnst
hann svo smart. Ef maður lítur upp til
einhvers þá hefur manneskjan áhrif
á mann og mótar mann að ákveðnu
leyti. Það sem honum fannst snið-
ugt og skemmtilegt fannst mér svo
oft líka sniðugt og skemmtilegt. Gott
dæmi um þetta er systir Jóns Viðars
sem er fimm árum yngri en hann.
Imma leit alltaf rosalega mikið upp
til hans þegar hún var lítil. Hún byrj-
aði til dæmis snemma að stunda
bardagaíþróttir eins og stóri bróðir
en þegar þau voru lítil var hann alltaf
að æfa sig á henni, láta hana í Mor-
tal Kombat-föt og svona,“ segir hún
og hlær. „Hann bjó til stuttmyndir
og leikrit með henni sem gengu út
á slagsmál og bardagaíþróttir. Einu
sinni gengu þau meira að segja svo
langt að hann rakaði af henni allt
hárið af því einhver bardagamun-
kur var ekki með neitt hár í einhverri
mynd. Henni fannst það bara æðis-
legt,“ segir Ágústa og bætir við að
Imma sé núna að læra að verða skip-
stjóri í Sjómannaskólanum.
Hafði Finnbogi einhver áhrif á
Silvíu Nótt?
„Já, heldur betur. Hann sá um
gæðaeftirlit. Kom og horfði á allt
efnið sem við gerðum og kom með
góða punkta. Mjög mikið af húm-
ornum í Silvíu Nótt kemur beint frá
Finnboga. Hann átti líka margar
hugmyndir að því sem við gerðum
eins og uppátækinu fræga á bensín-
stöðinni þar sem ég hringdi í hann
og sagði honum að nú þyrfti ég að
fara á einhverja bensínstöð eftir
smátíma en væri að deyja úr þreytu
og hefði ekkert undirbúið mig. Þá
segir hann: Af hverju sendirðu ekki
bara hana Ólafíu Hrönn í staðinn?
Mér þótti það snjallræði.“
Hirðstemning í mann-
skemmandi flokkapólitík
Ágústa stendur upp og teygir úr sér.
Það er ró og friður yfir þessari fal-
legu konu. Hún ber með sér þann
ljóma sem þær konur einar öðlast
er ganga með barn undir belti – en
Ágústa hefur samt ekki alltaf verið
svona róleg. Hún var liðtæk í búsá-
haldabyltingunni svokölluðu þar
sem hún barði trommur og krafð-
ist breytinga meðan tilvonandi
sambýlismaður hennar stóð vörð-
inn með starfsbræðrum sínum fyr-
ir framan Alþingishúsið. Hún á þó
ekki langt að sækja byltingarandann
því amma hennar, Laufey Jakobs-
dóttir, var meðal þeirra sem stofn-
uðu Kvennalistann á sínum tíma
og sú fyrsta sem lagði til að Vigdís
Finnbogadóttir yrði forseti. Sú sama
Laufey og Megas kallaði „bjargvætt-
inn Laufeyju“ í laginu um krókódíla-
manninn.
Jákvæð orka dugar skammt
Þar sem Kurteist fólk fjallar að
stórum hluta um pólitík og spillingu
finnst mér réttast að spyrja: Finnst
þér þetta eitthvað hafa breyst? Skil-
aði trommuslátturinn þeim árangri
sem þú vonaðist eftir?
„Nei, í raun finnst mér staðan
óbreytt. Það er aðeins meira búið
að tala og hringla en það hafa engar
róttækar breytingar átt sér stað. Það
virðist sama hversu góðar fyrirætlan-
irnar eru þegar fólk fer af stað í pólitík
– stjórnmál eru bara mannskemm-
andi. Þetta er eins og hakkavél sem
krefst mannlegra fórna og það er svo
takmarkað sem fólk getur gert í þessu
starfi án þess að fórna gildum sínum
og lífi sínu. Þetta gerir það samt, fyrir
eitthvað sem er svo bara „eitthvað“,“
segir hún.
Búin að slökkva á sjónvarpinu
Þú varst á framboðslista Besta
flokksins. Hvað var það eiginlega?
Varla stóð til að fórna sér?
„Nei, alls ekki. Ég var í stuðnings-
sæti. Mér fannst og finnst Jón Gnarr
æðislegur og ég hafði aldrei orðið
vitni að því að hann gerði eitthvað
sem gekk ekki upp. Mér fannst þetta
fyrst og fremst fyndið og skemmtilegt
og ég hlakkaði til að sjá hvað hann
myndi gera. Ég bjóst í sannleika sagt
ekki við því að hann ætlaði sér að
verða pólitíkus, fórna sér í það.“
Talandi um það. Heldur þú að
það sé hægt að vera grínleikari og
pólitíkus á sama tíma?
„Það er auðvitað allt gerlegt en
pólitík virðist vera svo hrikalega
skemmandi og lýjandi afl að ég held
að fólk hafi ekki mikla orku í annað
eftir að það er einu sinni komið á
ferð í stjórnmálum,“ segir hún hugsi.
„Vandinn er sá að mannlegt eðli er
okkur fjötur um fót. Um leið og það
eru völd í boði þá myndast troðning-
ur. Sama hvaða ásetning fólk hefur
í upphafi, hvaða hugsunarhátt eða
hvernig hjartalag.“
Dugar þá ekki jákvæð orka og
andlegt jafnvægi?
„Orðin andlegt jafnvægi eru orðin
að klámi í mínum eyrum. Skynsemi
ætti að vera lykilorðið. Jákvæða ork-
an getur ekki verið óþrjótandi í þess-
ari stemningu. Sama hvaða flokki
þú tilheyrir eða hvernig og hvar þú
kemst til valda. Á endanum þarftu að
leysa sömu verkefni og þau í hinum
flokkunum og oftar en ekki bara með
svipaðri niðurstöðu. Að auki verður
að forðast költ-hugsun í flokkapóli-
tík. Flokksmenn virðast oft yfir sig
uppteknir af leiðtoga flokksins og
einhverri hirðstemningu í stað þess
að leita ráða hjá þeim allra bestu til
að kalla fram skynsamlegustu niður-
stöðuna,“ segir Ágústa og dæsir.
„Það er samt í raun komið eitt og
hálft ár síðan ég slökkti á sjónvarp-
inu. Þetta stjórnmálatal var orðið að
þreytandi síbylju í mínum eyrum,“
segir Ágústa Eva Erlendsdóttir að
lokum og þetta er meira en satt hjá
henni. Ég lít á sjónvarpsskápinn og
viti menn – hann er galtómur. Ekki
nóg með að hún hafi slökkt á því.
Hún á ekkert sjónvarp.
margret@dv.is
Myrkfælin í sveitinni
„Stjórnmál eru
mannskemmandi.
Það er eins og pólitíkin sé
bara hakkavél sem krefst
mannlegra fórna og það
er svo takmarkað sem
fólk getur gert í þessu
starfi án þess að fórna
sjálfu sér, gildum sínum
og lífi sínu.
Ágústa Eva Erlendsdóttir
Býr í bardagakommúnu í gömlu
skipstjórahúsi í Vesturbæ num
í Reykjavík.
MYND SIGTRYGGUR ARI