Dagblaðið Vísir - DV - 01.07.2011, Qupperneq 46

J
óga er í eðli sínu mjúkt á með-
an ballett krefst meiri aga. Ball-
ett snýst um að fullkomna lík-
amsstöðuna á meðan að í jóga
gerir þú eins og þú getur. Þú
pínir aldrei líkamann í jóga. En hvort
tveggja gefur mikinn styrk,“ segir
Unnur Elísabet Gunnarsdóttir ball-
ettdansari og jógakennari.
Unnur kennir á nýju ballett-jóga
námskeiði sem er haldið á Eiðistorgi
í Ballettskóla Guðbjargar Björgvins
og hefst þann 4. júlí næstkomandi.
Á námskeiðinu verða gerðar ball-
ettstyrktaræfingar og jógaæfingar í
bland.
Jóga byggir upp
Unnur hefur dansað ballett frá barn-
æsku. Hún komst inn í konunglega
sænska ballettskólann og nam dans-
listir þar frá 15 ára til 18 ára aldurs.
Hún kynntist jóga í Svíþjóð og heill-
aðist af því. Þegar hún kom heim til
Íslands úr námi þá leiddi hún hug-
ann enn frekar að jóga í kjölfar alvar-
legra meiðsla.
„Ég dansaði með Íslenska dans-
flokknum þegar ég kom heim úr
námi, en því miður þá meiddist ég
alvarlega. Ég sleit lærvöðva og þurfti
að fara í viðamikla aðgerð. Sú aðgerð
misheppnaðist og það þurfti að leið-
rétta þau mistök. Þetta var langt og
strembið ferli og reyndi á sál og lík-
ama. Það var því gott fyrir mig að
búa að því að geta iðkað jóga því
það byggir mann upp bæði andlega
og líkamlega. Ég mæli með því fyrir
alla þá sem þurfa að takast á við ein-
hverja erfiðleika.“
Líkamlegt jóga
Unnur lærði kundalini og hatha jóga
og segist iðka jóga á hverjum degi.
„Ég nota jóga á hverjum degi, ég geri
ekki endilega jógaæfingar á hverjum
degi en nota öndunartækni og það
hugarfar sem jóga krefst.
Ég lærði kundalini og hatha jóga.
Kundalini er mjög andlegt jóga en í
þessu námskeiði þá er áherslan lík-
amleg. Við förum ekki með möntr-
urnar en ég tala um þær á meðan við
gerum erfiðar æfingar, þannig fylgir
hugarfarið,“ segir Unnur.
Hugrekkið eflt með jóga
Unnur segir styrktaræfingarnar úr
ballettnum svipaðar þeim sem not-
aðar eru í jóga. „Í þessu námskeiði
eru ekki gerðar ballettæfingar en
styrktaræfingarnar taka mið af ýms-
um ballettstöðum. Þær eru gagnlegar
vegna þess að gífurleg áhersla er lögð
á styrk út frá miðju í ballett. Kviður og
bak ballettdansara er uppistaðan og í
jóga þá kenna fræðin að þar sé mikil-
vægasta orkustöðin, sólarplexusinn.
Þannig sameinast þetta tvennt,“ bæt-
ir hún við. Sólarplexusinn er mjög
mikilvæg orkustöð, sé hún sterk þá
gefur hún okkur áræðni og dug. Hug-
rekki, ef svo má segja, sem er ein
undirstaða þess að við getum fundið
innri ró.“
Jóga losar um tilfinningar
Unnur segir jógaæfingar losa um
miklar tilfinningar í fólki og stundum
fer fólk að gráta í tímum hjá henni
eða fær hláturskast. Þá sér í lagi þeg-
ar hún kennir jóga þar sem farið er
með möntrur og fólk gefur eftir. „Við
erum svo full af streitu að ósjálfrátt
bælir fólk niður tilfinningar sínar.
Það andar grunnt og safnar streitu.
Það þarf ekki mikið meira en að
anda rétt, ofan í maga og ofan í lungu
og sleppa streitunni og þá líður fólki
strax svo miklu betur. Það er ósköp
eðlilegt að það losni um alls kyns til-
finningar við það að stunda jóga, fólk
fer oft að gráta eða hlæja og oft er það
hreinlega æskilegt.“
Reykjavík er lítil og brjáluð borg
Þurfa þá ekki flestir Íslendingar að
fara í jóga?
„Ég held að það væri heillaráð,“
segir Unnur og hlær. „Það er svo
mikið stress hér í borginni og ég finn
mikinn mun á til dæmis Reykjavík
og Stokkhólmi sem er auðvitað stór-
borg. Þar er mun rórra yfir fólki. Ég
held að streitan sé svona mikil vegna
þess hversu lítil borg þetta er, hér
getur fólk gert svo margt á skömm-
um tíma. Í Stokkhólmi er það ekki
hægt, þar þarf að velja og hafna og
halda sig við valið því vegalengdirn-
ar eru svo miklar. Reykjavík er lítil og
brjáluð borg.“
Íslendingar taka þetta á
hörkunni
Unnur segir það líka einkenna Ís-
lendinga að nálgast jóga með svolítið
skemmtilegu viðhorfi. „Þeir eru svo-
lítið óþolinmóðir,“ segir hún og bros-
ir. „Ef þeir geta ekki gert einhverja
eina æfingu, þá einblína þeir á hana
og taka það nærri sér í stað þess að
huga að öllu því sem þeir geta gert.
Það er eins og með lífið sjálft, það er
betra að einbeita sér að því sem við
gerum vel.“
Allir geta verið með
En er þetta erfitt, geta allir gert þetta?
„Mig langar til þess að allir geti
gert þetta en þetta eru vissulega
krefjandi æfingar,“ segir Unnur. „Jóga
er þannig að það eiga allir að geta
verið með og ef þú getur ekki gert æf-
inguna þá gefurðu bara eftir og gerir
eins og þú getur.“
46 | Lífsstíll 1.–3. júlí 2011 Helgarblað
Engin heilsubót fólgin í því að drekka sykurlausa gosdrykki:
Sykurlausir gosdrykkir eru fitandi
Goðsögnin um það að sykurlausir
gosdrykkir séu betri fyrir heilsu fólks
en sykraðir á ekki við rök að styðjast
ef marka má umfangsmikla banda-
ríska rannsókn á áhrifum sykur-
lausra gosdrykkja. Rannsóknin tók
yfir tíu ára tímabil og fylgst var með
474 eldri borgurum og drukku sum-
ir þeirra sykurlausa gosdrykki, aðrir
sykraða og enn aðrir enga gosdrykki.
Niðurstöðurnar voru kynntar á
vegum bandarísku sykursýkissam-
takanna og sýndu að magafita hafði
aukist 70 prósent meira hjá þeim sem
drukku einn sykurlausan gosdrykk á
dag en hjá þeim sem ekki snertu slíka
drykki. Mittismál þeirra sem drukku
tvo sykurlausa gosdrykki á dag jókst
fimmfalt á við hjá þeim sem neyttu
engra og um leið jókst áhættan á syk-
ursýki, hjartasjúkdómum, krabba-
meini og öðrum alvarlegum heilsu-
farslegum kvillum.
Ástæða aukins mittismáls og
magafitu er rakin til þess að í sykur-
lausum gosdrykkjum eru sætuefni,
svo sem aspartam, asesúlfam K og
xýlitol. Slík sætuefni geta haft þau
áhrif að matarlyst eykst þar sem ólíkt
sykri er engin næring í þeim.
„Þessi gögn sýna okkur að sykur-
lausir gosdrykkir eru ekki heilsuvara
og ekki ætti að auglýsa þá sem slíka.
Þeir eru kannski hitaeiningasnauð-
ir en ekki án heilsuspillandi áhrifa,“
sagði Helen P. Hazuda, einn að-
standenda rannsóknarinnar.
Sykurlausir gosdrykkir Ný bandarísk
rannsókn hefur leitt í ljós að neysla á
sykurlausum gosdrykkjum getur haft slæm
áhrif á heilsu fólks.
Ristuð
sólblómafræ
Sniðugur og hitaeiningasnauður
millibiti eru sólblómafræ sem hafa
verið ristuð í ofni með kanil og ca-
yenne-pipar. Uppskriftin er bæði
einföld og fljótleg. Setjið einn bolla
af sólblómafræjum á bökunarplötu.
Kryddið með hálfri teskeið af ca-
yenne-pipar, hálfri teskeið af kanil
og einum fjórða teskeið af sjávar-
salti. Hitið ofninn í 180°C og bakið í
fimm til sjö mínútur. Mikilvægt er að
hafa augun á ofninum til að passa að
fræin brenni ekki við. Látið kólna og
stelist svo í á milli mála.
Sólarplexus
Sólarplexus er hugtak sem jógaaðdá-
endur þekkja vel. Hann er orku-
stöð sem staðsett er rétt fyrir neðan
bringubeinið eða rifbeinin og margar
jógastöður tengjast því að opna hann.
Sólarplexus hefur með persónuleg-
an styrk, athafnasemi og metnað að
gera. Hann tengist hugarafli og það
er þar sem orkustöð áhyggja, kvíða
og ótta er staðsett. Þegar þessi orku-
stöð er í jafnvægi hefur manneskjan
mikla sjálfsvirðingu og virðingu fyrir
öðrum ásamt því að vera mann-
blendin og afslöppuð. Orkustöðin
er mikilvæg fyrir þá sem eru næmir
fyrir tilfinningum annarra og mikil-
vægt er að vernda hana. Úr henni
geta aðrir orkufrekir einstaklingar
dregið orku frá þér, hvort sem það er
meðvitað eða ómeðvitað. Ójafnvægi
í sólarplexus er talið geta valdið bak-
flæði, sykursýki, lifrarvandamálum
og síþreytu.
Unnur Elísabet Gunnarsdóttir ballettdansari kennir jóga:
Spergilkál er
spennandi!
Spergilkál er sérlega hollt og inni-
heldur mikið af c-vítamíni og einnig
A–, B– ig E-vítamín, kalk og járn. En
soðið spergilkál er ekki spennandi
kostur. Það býður enda upp á mun
skemmtilegri eldamennsku. Ótal
leiðir eru til þess að gera spergil-
kálið að spennandi kosti. Það má til
dæmis snöggsteikja spergilkál með
möndluflögum, blaðlauk, engifer
eða chili. Það er líka góð hugmynd
að bragðbæta spergilkálið til dæmis
með sítrónu eða appelsínusafa, eða
góðri olíu og parmesanosti.
„Það er ósköp eðli-
legt að það losni
um alls kyns tilfinningar
við það að stunda jóga,
fólk fer oft að gráta eða
hlæja og oft er það hrein-
lega æskilegt
Jóga byggir upp Unnur
dansaði með Íslenska
dansflokknum en meidd-
ist alvarlega. Hún sleit
lærvöðva og þurfti að
fara í viðamikla aðgerð.
Þá fannst henni gott að
búa að því að geta iðkað
jóga. „Ég mæli með því
fyrir alla þá sem þurfa
að takast á við einhverja
erfiðleika.“
Jóga losar um
tilfinningar
Ballett-jóga „Ballett snýst um að full-
komna líkamsstöðuna fyrir framan spegil á
meðan í jóga gerir þú eins og þú getur,“ segir
Unnur Elísabet sem kennir ballett-jóga.
Stressaðir Íslendingar Unnur segir Íslendinga oft einblína á það sem þeir geta ekki
frekar en það sem þeir gera vel. Í jóga læra þeir að einblína á heildina.
Mikilvægt að sleppa streitunni „Það
þarf ekki mikið meira en að anda rétt, ofan í
maga og ofan í lungu og sleppa streitunni og
þá líður fólki strax svo miklu betur.“